აკადემიური უმაღლესი განათლების მეორე საფეხურზე (სამაგისტრო პროგრამებზე) სტუდენტთა ჩარიცხვა ხორციელდება:

• საერთო სამაგისტრო გამოცდებისა და უნივერსიტეტის მიერ განსაზღვრული შიდა გამოცდების შედეგების, ან
• საქართველოს განათლებისა და მეცნიერების მინისტრის №224/ნ (2011 წლის 29 დეკემბერი) ბრძანებისა და ერთიანი ეროვნული გამოცდების/საერთო სამაგისტრო გამოცდების გავლის გარეშე სტუდენტების ჩარიცხვის წესის შესაბამისად

ადმინისტრაციული რეგისტრაციის და პრეზიდენტების ბრძანების საფუძველზე.

უნივერსიტეტის მიერ განსაზღვრული შიდა გამოცდები მოიცავს: წერით გამოცდას ინგლისურ ენაში და ზეპირ გასაუბრებას (ინგლისურ ენაზე) საგანმანათლებლო პროგრამისთვის განსაზღვრული თემატიკის ფარგლებში.

ინგლისური ენის სავალდებულო კომპეტენცია განისაზღვრება B2 დონით, რომლის დაკმაყოფილებაც შესაძლებელია, ალტერნატიულად: ა) შიდა გამოცდით, მინიმუმ 70%-იანი ბარიერის გადალახვის შემთხვევაში; ან ბ) საერთაშორისოდ აღიარებული ენის გამოცდების (IELTS, TOEFL ან Cambridge English Exam-ის) წარმატებით ჩაბარების დამადასტურებელი დოკუმენტის წარმოდგენით (ინგლისური ენის B2 დონის შესაბამისი ქულაა IELTS - 5.5-6.5; TOEFL iBT 72-94, Cambridge English Exam -160- 179); ან გ) საბაკალავრო საფეხურზე ინგლისურ ენაზე სწავლის დამადასტურებელი დოკუმენტის საფუძველზე.

პროგრამაზე ჩაირიცხებიან სამართლის ბაკალავრის ან მასთან გათანაბრებული ხარისხის მქონე პირები.

პროგრამაზე მიღების გამოცხადების შემთხვევაში, გააქტიურდება ბმული, რომელიც მსურველებს საშუალებას მისცემთ იხილონ ინგლისური ენის გამოცდის ნიმუშები და გასაუბრების საგამოცდო საკითხები.

პროგრამის მიზანია მოამზადოს მაღალკვალიფიციური პროფესიონალები, რომლებსაც ექნებათ საერთაშორისო ბიზნეს სამართლის ღრმა და სისტემური ცოდნა, შეძლებენ მის კრიტიკულ გააზრებას შედარებით კონტექსტში, დამოუკიდებელ კვლევას, კომპლექსური სამართლებრივი პრობლემების გადაწყვეტას და შემდგომი პროფესიული საქმიანობის დამოუკიდებლად წარმართვას.

საერთაშორისო ბიზნესის გლობალიზაციის კვალდაკვალ, პროგრამა ორიენტირებულია მისი სამართლებრივი რეგულირების საკითხების შესწავლაზე. აღნიშნულით პროგრამას წვლილი შეაქვს სფეროს განვითარებასა და ბიზნეს გარემოს სამართლებრივი რეგულირების გაუმჯობესებაში. პროგრამა საშუალებას აძლევს კურსდამთავრებულებს უპასუხონ გამოწვევებს, რომლებიც უკავშირდება საერთაშორისო ბიზნესის წარმოების ტრანსნაციონალურ და მულტიდისციპლინურ  კონტექსტს, ადგილობრივი და საერთაშორისო შრომის ბაზრის აქტუალურ მოთხოვნებს.

კურსდამთავრებულები შეძლებენ დასაქმდნენ ყველა პოზიციაზე, სწავლის სფეროს გათვალისწინებით, სადაც მოითხოვება სამართლის მაგისტრის აკადემიური ხარისხი და არ არის აუცილებელი სახელმწიფო სასერთიფიკაციო გამოცდის ჩაბარება. კვლევითი უნარების გამომუშავების შედეგად კურსდამთავრებულებს შეეძლებათ სწავლა განაგრძონ სადოქტორო საფეხურზე.

პროგრამის მიზანია შექმნას საგანმანათლებლო პლატფორმა, რომელიც გააერთიანებს როგორც ადგილობრივ, ასევე უცხოელ სტუდენტებსა და პროფესიონალებს.

• ახსნა-განმარტებითი მეთოდი
• გუნდური მუშაობა
• დემონსტრირების მეთოდი
• დისკუსია/დებატები
• ინდუქცია, დედუქცია, ანალიზი და სინთეზი
• ინტერაქტიული ლექციები
• კრიტიკული ანალიზი
• ლიტერატურის მიმოხილვა
• როლური თამაშები
• პრაქტიკული მუშაობა
• პრეზენტაციების წარდგენა
• პრობლემის გადაჭრაზე ორიენტირებული სავარჯიშოები
• პრობლემაზე დაფუძნებული სწავლება (Problem Based Learning)
• პროექტებზე დაფუძნებული სწავლება (Project Based Learning)
• სიახლეთა გარჩევა
• ქმედებაზე ორიენტირებული სწავლება (Action Based Learning)
• შემთხვევის შესწავლა და ანალიზი (Case Study)
  შესაბამისი მასალის მოძიება ელექტრონულ ფორმატში ან ბიბლიოთეკაში
• წერითი მუშაობის მეთოდი
• წიგნზე მუშაობის მეთოდი

პროგრამა სრულად შედგება 120 კრედიტისგან, რომელიც გადანაწილებულია პროგრამის ძირითად (72 კრედიტი) და არჩევით კომპონენტებზე (48 კრედიტი).

პროგრამის ძირითადი კომპონენტი აერთიანებს:

• სამ სასწავლო კურს სწავლის სფეროს მიმართულებით;
• სამ სასწავლო კურსს, რომელიც ორიენტირებულია სამართლებრივი, აკადემიური კვლევისა და წერის უნარების განვითარებაზე;
• სამაგისტრო ნაშრომს;
• სამართლის კლინიკას.

პროგრამის არჩევითი კომპონენტი აერთიანებს 144 კრედიტის მოცულობის სასწავლო კურსებს, რომლიდანაც სტუდენტი ირჩევს მისთვის სასურველ საგნებს.

სამაგისტრო ნაშრომის დაცვაზე სტუდენტი დაიშვება თუ მას აქვს ჯამში დაგროვებული აქვს არანაკლებ 84 კრედიტი. სამაგისტრო ნაშრომის შესრულება სამართლის სკოლაში მოწესრიგებულია შესაბამისი რეგულაციით.

სასწავლო პროცესი ითვალისწინებს ყოველკვირეულ შეხვედრებს (ლექცია/სემინარი და სხვ), რომელთა ხანგრძლივობა შეადგენს 2 აკადემიურ საათს (საათი - 60 წუთი).

ჯგუფში მაქსიმუმ 25 სტუდენტია.