პროგრამები

საქართველოს უნივერსიტეტი

პროგრამა:	ბიზნეს ანალიტიკა
განათლების საფეხური:	ბაკალავრიატი
ხელმძღვანელი:	რევაზ პაპუკაშვილი ქეთი ცხადაძე
სწავლების ენა:	ინგლისური
მისანიჭებელი კვალიფიკაცია:	ბიზნესის ადმინისტრირების ბაკალავრი
პროგრამის მოცულობა:	240
პროგრამაზე დაშვების წინაპირობა:	ინგლისური ენის (B1 დონე 70%) და სხვა საკანონმდებლო მოთხოვნები. კერძოდ, საქართველოს მოქალაქეებმა წარმატებით უნდა ჩააბარონ ერთიანი ეროვნული გამოცდები. უცხოელმა აბიტურიენტებმა, რომლებმაც მიიღეს სრული ზოგადი საშუალო განათლება საზღვარგარეთ ან მისი ექვივალენტი, ან/და ზოგადი საშუალო განათლების ბოლო ორი წლის განმავლობაში ისწავლეს საზღვარგარეთ, ან სტუდენტები, რომლებიც უცხო ქვეყანაში ცხოვრობდნენ ბოლო ორი ან მეტი წლის განმავლობაში და სწავლობენ საზღვარგარეთ მასპინძელი ქვეყნის კანონმდებლობით აღიარებულ უმაღლეს საგანმანათლებლო ინსტიტუტებში შეძლებენ პროგრამაში ჩარიცხვას ერთიანი ეროვნული გამოცდების ჩაბარების გარეშე № 224 / ნ საქართველოს განათლებისა და მეცნიერების სამინისტრო (29 დეკემბერი, 2011) ბრძანების თანახმად. ინგლისურის დონის დასადასტურებლად სტუდენტს უღიარდება საერთაშორისო სერტიფიკატები: • TOEFL IBT – მინიმალური ქულა 70. • IELTS – მინიმალური ქულა 4.5. • PTE General – მინიმალური დონე B1. • FCE – მინიმალური დონე B. • CPE – საკმაირისია ჩაბარება. • CAE – საკმარისია ჩაბარება. სტუდენტებს, რომლებსაც არ გააჩნიათ ინგლისური ენის კომპეტენციის დამადასტურებელი სერტიფიკატი, საქართველოს უნივერსიტეტი ჩაუტარებს B1 დონის შესაბამის ტესტს, სადაც კომპეტენციის დადასტურებად ჩაითვლება ტესტის 70% -ის გადალახვა.
პროგრამის მიზანი:	ბიზნეს ანალიტიკის საბაკალავრო პროგრამა მიზნად ისახავს, ციფრული სამყაროს ეპოქაში, სტუდენტებისთვის ბიზნეს პროცესებზე და მონაცემთა ანალიტიკაზე დაფუძნებული გადაწყვეტილებების მიღების უნარ-ჩვევების გამომუშავებას და განვითარებას. პროგრამაში მნიშვნელოვან როლს თამაშობს ინფორმაციული ტექნოლოგიების, ბიზნესის ადმინისტრირების და მათემატიკური მეთოდების კომბინაცია, რომლის უმთავრეს მიზანს წარმოადგენს ბიზნეს პროცესების გაუმჯობესება და ოპტიმიზაცია. შრომის ბაზრის მოთხოვნების შესაბამისად, ინტერდისციპლინურ და პრაქტიკაზე ორიენტირებულ კომპონენტებზე დაყრდნობით პროგრამა ამზადებს კონკურენტუნარიან პროფესიონალს, რომელსაც შეუძლია დასაქმდეს როგორც კერძო, ასევე საჯარო და საერთაშორისო ორგანიზაციებში, ისეთ პოზიციებზე, როგორიცაა: ბიზნესის მართვის ანალიტიკოსი, ინფორმაციული ტექნოლოგიების ბიზნეს ანალიტიკოსი, ფინანსური და სტატისტიკური ანალიტიკოსი. ბიზნეს ანალიტიკის საბაკალავრო პროგრამა შედგენილია იმგვარად, რომ სტუდენტს ჰქონდეს ანალიტიკური ტექნიკის გამოყენების უნარი. პროგრამის მიზანია, კურსდამთავრებულმა - შეძლოს ორგანიზაციის რეალურ სამყაროში არსებული სირთულეების შესაბამისი ინტერესის სფეროების კონცეპტუალიზაცია და ურთიერთდაკავშირება; - შეძლოს მოდელზე ორიენტირებული ორგანიზაციული საინფორმაციო სისტემების დიზაინის საკითხების დამუშავება, გააზრება და შედეგების ინტერპრეტირება; - შეძლოს ანალიტიკური პროექტებით გათვალისწინებული კვლევის იდენტიფიცირება, მათი კრიტიკულად შეფასება, გუნდური მუშაობა, საკუთარი პასუხისმგებლობის გააზრება, კვლევის ეთიკურად დაგეგმვა, დროისა და პროექტების მართვასთან დაკავშირებული კომპეტენციების გამოყენება. პროგრამის კურსდამთავრებულს აქვს კომპეტენცია, რომ განაგრძოს აკადემიური მიმართულებით განვითარება. საკუთარი პროფესიული ინტერესების გათვალისწინებით გააგრძელოს სწავლა და კვლევა სამაგისტრო საფეხურზე, როგორც საქართველოში ასევე საზღვარგარეთ.
სწავლის შედეგების მიღწევის მეთოდები/აქტივობები:	• ლექცია-სემინარები • ახსნა-განმარტებითი მეთოდი • დემონსტრირების მეთოდი • ინტერაქტიული ლექციები • დისკუსია/დებატები • გუნდური მუშაობა • შემთხვევის შესწავლა და ანალიზი • პრობლემაზე დაფუძნებული სწავლება • ქმედებაზე ორიენტირებული სწავლება • პროექტებზე დაფუძნებული სწავლება • ლიტერატურის მიმოხილვა • წერითი მუშაობის მეთოდი • სამუშაო პროცესის სიმულაცია • პრაქტიკული მეცადინეობები
სწავლის შედეგი:	ცოდნა და გაცნობიერება პროგრამის დასრულების შემდეგ სტუდენტს შეუძლია: იმსჯელოს თანამედროვე ბიზნეს ანალიტიკის ფუნდამენტურ ცნებებზე და სასიცოცხლო ინსტრუმენტებზე აღწეროს პროდუქტის/მომსახურების შექმნის პროცესში მომხმარებლის გამოცდილების კვლევის მეთოდები და ტექნიკები იმსჯელოს ბიზნეს გარემოზე და უშუალოდ რეალურ ბიზნეს ქეისებზე დაყრდნობით თანამედროვე სამყაროში არსებულ მონაცემთა ძირითად სტრუქტურებზე ახსნას მონაცემთა სტრუქტურები, მონაცემთა ბაზები, მონაცემთა მოპოვების, დახარისხების ტექნიკების მნიშვნელობა, ბიზნესისთვის მართებული გადაწყვეტილების მიღების პროცესში გამოკვეთოს მონაცემებზე ფუნქციური ანალიზის მეთოდები და ინსტრუმენტების გამოყენებით მონაცემების ვიზუალიზაცია, შედეგების მოდელირება ბიზნეს-ამოცანების გადაჭრისას სათანადოდ ახსნას მათემატიკური, სტატისტიკურ-ალბათური აპარატი გამოკვეთოს საინფორმაციო ტექნოლოგიებისა და სისტემების სფეროში არსებული ძირითადი მიმართულებები და შემადგენელი კომპონენტები უნარი პროგრამის დასრულების შემდეგ სტუდენტს შეუძლია: თანამედროვე ბიზნეს ანალიტიკის სასიცოცხლო ინსტრუმენტების ეფექტურად გამოყენება ბიზნეს გადაწყვეტილების მისაღებად ორგანიზაციის რეალურ სამყაროში არსებული სირთულეების შესაბამისი ინტერესის სფეროების კონცეპტუალიზაცია და ურთიერთდაკავშირება, მოდელირების ძირითადი ტექნიკის და მეთოდების კრიტიკულად, დამოუკიდებლად ახსნა კომპლექსურ სისტემებში მომხმარებლის საჭიროებების იდენტიფიცირება, შინაარსობრივი სტრუქტურის ახსნა, დოკუმენტირება, შეთანხმება, შეფასება და პრეზენტაცია სისტემის განვითარების სასიცოცხლო ციკლის ახსნა, ინფორმაციის შეგროვების მეთოდების პრაქტიკაში გამოყენება ბიზნეს პროცესების გრაფიკული აღწერილობის შექმნა/ცვლილებების შეტანა, მოდელირება; ანალიტიკური მეთოდების გამოყენება ბიზნეს გადაწყვეტილების მიღების დროს კვლევის დამოუკიდებლად დაგეგმვა, ჩატარება, ანალიზი, რეპორტინგი, დროის მენეჯმენტი და გუნდური მუშაობა ანალიტიკური მოდელების ინტერპრეტაცია და მათი ეფექტურად გამოყენება კომპანიის ფინანსური გარემოს ანალიზი და მიღებული შედეგების ღირებულ ინფორმაციად გარდაქმნა ბიზნეს გადაწყვეტილების შესახებ ინფორმაციის ანალიზი და შესაბამისი პროცესის, პრაქტიკის შემუშავება პასუხისმგებლობა და ავტონომიურობა პროგრამის დასრულების შემდეგ სტუდენტს შეუძლია: გადაწყვეტილების მიღების პროცესში ეთიკური სტანდარტებისა და პრინციპების დაცვა საკუთარი პროფესიული ინტერესების დამოუკიდებლად განსაზღვრა, სწავლის პროცესის თავისებურებების გაცნობიერება და სწავლების შემდგომ საფეხურზე გაგრძელების საჭიროების გამოკვეთა
პროგრამის დამტკიცების თარიღი:	12-31-2022
პროგრამის დამტკიცების ოქმის ნომერი:	36-22
პროგრამის განახლების თარიღი:
პროგრამის განახლების ოქმის ნომერი:
პროგრამის დეტალები:	სწავლების საწყის სემესტრებში, გათვალისწინებულია ძირითადი კურსების შესწავლა, რომელთა სწავლის შედეგებიც შეესაბამება პროგრამის მიზნებსა და შედეგებს და ემსახურება ზოგადი დარგობრივი კომპეტენციების გამომუშავებას. ძირითადი კურსების შინაარსობრივი და ლოგიკური თანმიმდევრობა უზრუნველყოფს კონკრეტულ მოდულებში ჩაღრმავების შესაძლებლობას, რაც კურსდამთავრებულს გამოუმუშავებს კვალიფიკაციის შესაბამის და დასაქმების ბაზარზე ორიენტირებულ კომპეტენციებს. პროგრამა შედგენილია იმგვარად, რომ გათვალისწინებულია სტუდენტების დიფერენციაცია ენობრივი კომპეტენციების მიმართულებით.
სწავლების ორგანიზების თავისებურებები:	ბიზნეს ანალიტიკის საბაკალავრო პროგრამაში ბაკალავრის აკადემიური ხარისხის მოსაპოვებლად სტუდენტმა საჭიროა დააგროვოს 240 ECTS, რაც გულისხმობს პროგრამის ძირითადი საგნების გავლას, რაც მოიცავს - 186 ECTS (მათ შორის საბაკალავრო პროექტი ბიზნეს ანალიტიკაში 30 ECTS), ხოლო დარჩენილი (48 ECTS) შევსება სტუდენტს შეუძლია საბაკალავრო პროგრამის ასარჩევი საგნებიდან

პროგრამის ძირითადი


კოდი	საგანი	კრედიტი	სემესტრი
BUAN1010E	ბიზნეს ანალიტიკის შესავალი	6	1
BUSN1210E	ეკონომიკისა და ბიზნესის საფუძვლები	6	1
INFO1133E	საოფისე კომპიუტერული პროგრამები	6	1
MATH3010E	ბიზნეს ანალიტიკის რაოდენობრივი მეთოდები I	6	1
BUAN1015E	ორგანიზაციული მოდელირების საფუძვლები	6	2
INFO3015E	ბიზნეს პროცესების ვიზუალიზაცია MS Visio-ს გამოყენებით	6	2
MATH3020E	ბიზნეს ანალიტიკის რაოდენობრივი მეთოდები II	6	2
MGMT2110E	მენეჯმენტის საფუძვლები	6	2
BUAN1020E	მომხმარებლის გამოცდილების კვლევა (UX)	6	3
BUAN2030E	ფინანსური და მმართველობითი აღრიცხვა	6	3
BUAN2040E	ბიზნეს კომუნიკაცია ანალიტიკოსებისთვის	6	3
INFO3212E	გადაწყვეტილებათა მოდელირება MS EXCEL-ში	6	3
BUAN1025E	ბიზნეს მოთხოვნების ანალიზი და მართვა	6	4
BUAN3015E	ფინანსების მენეჯმენტი	6	4
BUAN3020E	ბიზნესის უწყვეტობის მართვა	6	4
INFO3020E	ობიექტზე ორიენტირებული დაპროგრამება (C#)	6	4
INFO3025E	მონაცემთა ბაზების საწყისები (MS SQL)	6	4
BUAN1030E	მონაცემთა სტრუქტურების ანალიზი	6	5
MATH3040E	მონაცემთა ანალიზი	6	5
MGMT3110E	ოპერაციათა მენეჯმენტის საფუძვლები	6	5
BUAN2010E	ფუნქციური ანალიზი: მეთოდები და ინსტრუმენტები	6	6
BUAN2025E	მონაცემთა ვიზუალიზაცია	6	6
BUAN3025E	ბიზნეს ინტელექტი	6	6
INFO3035EN	IT სერვისების და პროექტების მენეჯმენტი	6	6
BUAN2015E	ბიზნეს ანალიტიკის პროცესების მართვა	6	7
INFO3045E	მართვის ინფორმაციული სისტემები	6	7
BUAN4030E	საბაკალავრო პროექტი ბიზნეს ანალიტიკაში	30	8
	კრედიტების ჯამი:	186

პროგრამის ასარჩევი


კოდი	საგანი	კრედიტი
BUAN3010E	მომხმარებლის ქცევა და მარკეტინგი	6
BUAN3030E	ციფრული მარკეტინგის საფუძვლები	6
ECON1290E	მიკროეკონომიკის პრინციპები	6
ECON2190E	მაკროეკონომიკის პრინციპები	6
INFO3030E	WEB ტექნოლოგიების საფუძვლები	6
MATH3030E	ბიზნეს ანალიტიკის რაოდენობრივი მეთოდები 3	6
INFO3040E	ხელოვნური ინტელექტი და სამართლებრივი ასპექტები	6
LAWB4310E	ბიზნეს სამართალი	6
MGMT1515E	ბიზნეს ეთიკა	6
BUAN4020E	მეწარმეობა და ინოვაციების მართვა	6
KART1141	ქართული, როგორც უცხოური ენა I	6
LAWB4991E	სამეწარმეო სამართალი	6
MGMT2111E	საერთაშორისო ბიზნესი	6
MGMT2210E	სტრატეგიული მენეჯმენტის საფუძვლები	6
BUAN4010E	ხარჯ-სარგებლიანობის ანალიზი	6
BUAN4015E	რისკების მენეჯმენტი	6
FINA4115E	კორპორაციათა ფინანსები (საშუალო დონე)	6
INFO3055E	მონაცემთა საცავები	6
INFO3265E	პერსონალურ მონაცემთა დაცვა	6
KART1241	ქართული, როგორც უცხოური ენა II	6
MGMT3211E	ადამიანური რესურსების მართვა	6
ACCT2210E	მმართველობითი აღრიცხვის საფუძვლები	6
BUAN4025E	სტაჟირება ბიზნეს ანალიტიკოსებისთვის	12
MGMT3151E	ცვლილებების მართვა	6
	კრედიტების ჯამი:	150

პრერეკვიზიტების მატრიცა

ბიზნეს ანალიტიკის საბაკალავრო პროგრამაში ბაკალავრის აკადემიური ხარისხის მოსაპოვებლად სტუდენტმა საჭიროა დააგროვოს 240 ECTS, რაც გულისხმობს პროგრამის ძირითადი საგნების გავლას, რაც მოიცავს - 186 ECTS (მათ შორის საბაკალავრო პროექტი ბიზნეს ანალიტიკაში 30 ECTS), ხოლო დარჩენილი (54 ECTS) შევსება სტუდენტს შეუძლია საბაკალავრო პროგრამის ასარჩევი საგნებიდან.

შედეგების საშუალო	შედეგების საშუალოს კოეფიციენტი (GPA)	საუნივერსიტეტო შეფასება	საქართველოში მოქმედი ზოგადი შეფასება
97-100	4,00	A+	A	ფრიადი
94-96	3,75	A
91-93	3,50	A-
87-90	3,25	B+		ძალიან კარგი
84-86	3,00	B	B
81-83	2,75	B-
77-80	2,50	C+	C	კარგი
74-76	2,25	C
71-73	2,00	C-
67-70	1,75	D+	D	დამაკმაყოფილებელი
64-66	1,50	D
61-63	1,25	D-
51-60	1,00	E	E	საკმარისი
უარყოფითი შეფასება
41-50		FX	FX	ვერ ჩააბარა
<40		F	F	ჩაიჭრა