პროგრამის მიზანია საზოგადოებრივ ჯანდაცვაში ფართო პროფილის მეცნიერის მომზადება, რომელიც შეძლებს დარგში ახალი ცოდნის შექმნას, არსებული ცოდნის სტრუქტურულად გააზრებასა და გაფართოებას, რაც ხელს შეუწყობს ქვეყნის მოსახლეობის ჯანმრთელობისა და კეთილდღეობის ზრდას და, შესაბამისად, საზოგადოებრივი და გლობალური ჯანმრთელობის გაუმჯობესებას.

სადოქტორო პროგრამის კურსდამთავრებულს ექნება საზოგადოებრივ ჯანდაცვაში უახლეს მიღწევებზე დამყარებული ცოდნა, შეძლებს ინოვაციური ტექნოლოგიების გამოყენებით ჯანმრთელობის დეტერმინანტების კვლევას, მათი მართვის თანამედროვე მეთოდებით მიღებული შედეგების შეფასებას, საზოგადოებრივი ჯანმრთელობის დაცვის სასწავლო მოდულების შემუშავებასა და სწავლებას, საზოგადოებრივი ჯანდაცვის სფეროებში სამეცნიერო პროექტების მომზადებას და ჯანდაცვის მენეჯმენტის თანამედროვე მოთხოვნების შესაბამისად განახორციელებას. სადოქტორო პროგრამა კურსდამთავრებულს აძლევს უმაღლეს სასწავლო და კვლევით დაწესებულებებში, ჯანდაცვით ორგანიზაციებში, ჯანმრთელობის დაზღვევის სერვისების მქონე სადაზღვევო კომპანიებში, საერთაშორისო ორგანიზაციებში, სამთავრობო და არასამთავრობო სტრუქტურებში საზოგადოებრივი ჯანდაცვისა და გლობალურ ჯანმრთელობის პოლიტიკის, ჯანდაცვითი სერვისების ფორმირებისა და მართვის საკითხებთან დაკავშირებულ სამეცნიერო-კვლევით დაწესებულებებში მკვლევარის/ხელმძღვანელის/აკადემიურ პოზიციებზე მუშაობის შესაძლებლობას.

• · ინტერაქციული სწავლების მეთოდი;
• · ლიტერატურაზე, ელექტრონულ წყაროებზე მუშაობის მეთოდი;
• · სამეცნიერო წერითი მუშაობის მეთოდი; · პრობლემის გადაჭრაზე ორიენტირებული ქეისების შესრულება;
• · სუპერვიზია/ხელმძღვანელობა;
• · სწავლებით სწავლა;
• · გუნდური სწავლების მეთოდი:
• · პრეზენტაცია;
• · პროექტი;
• · კრიტიკული ანალიზი;
• · დისკუსია
• · ლექცია-სემინარები
• · წიგნზე მუშაობის მეთოდი
• · ლაბორატორია

სადისერტაციო ნაშრომის მოცულობა უნდა შეადგენდეს არანაკლებ 70 და არაუმეტეს 80 გვერდს (17.500 - 20.000 სიტყვა), ბიბლიოგრაფიისა და დანართების გარეშე.

პროგრამის სტრუქტურა, ხანგრძლივობა, კრედიტების განაწილება და მოთხოვნები:

· პროგრამა შედგება 60 ECTS სასწავლო (მ.შ. 50 ECTS ძირითადი და 10 ECTS არჩევითი საგნები) და კვლევითი კომპონენტისგან.

· სასწავლო კომპონენტების სწავლება მიმდინარეობს სემესტრულად (სემესტრი - 22 კვირა);

სასწავლო კურსი ხორციელდება სწავლების ინტენსიური ფორმით, რაც გულისხმობს ყოველდღიურ სწავლებებს(ლექცია, სემინარი, პრაქტიკული), რიგ საგნებში ორ კვირაში ერთხელ მოდულების მიხედვით, შუალედურ შეფასებებს, დასკვნით გამოცდებს.

დასკვნითი გამოცდები ტარდება საგამოცდო პერიოდის კვირეებში.

· დოქტორანტს ენიშნება სკონსულტაციო საბჭო, სამეცნიერო-საკონსულტაციო საბჭო შედგება დოქტორის აკადემიური ხარისხის მქონე 3 წევრისგან, ხოლო თანახელმძღვანელის არსებობის შემთხვევაში - 4 წევრისგან. აწარმოებს დოქტორანტის სასწავლო პროცესის საგეგმო სამუშაოებს, განიხილავს დოქტორანტის სამეცნიერო-კვლევით გრანტის პროექტს, რომლის წარდგენს აპირებს დაფინანსების მისაღებად სკოლაში. ასევე დოქტორანტის სამეცნიერო-საკონსულტაციო საბჭო აწარმოებს კვლევით კომპონენტების დაგეგმვის გრაფიკს, შეთავაზებულ გრაფიკში/გეგმაში ცვლილებების შეტანა შესაძლებელია დოქტორანტის დასაბუთებული მოთხოვნის შემთხვევაში, სასწავლო კურსებისა და კვლევის ჩატარების, სადისერტაციო ნაშრომის დაცვის პროცედურები და რეგლამენტი გაწერილია (საქართველოს უნივერსიტეტის სადოქტორო სწავლების დებულება)

· კვლევითი კომპონენტი ძირითადად ხორციელდება მეორე და მესამე სასწავლო წელს, თუმცა შესაძლებელია დოქტორანტის ხელმძღვანელის გადაწყვეტილებით გარკვეული სამუშაოების წარმოება დაიწყოს პირველივე წლიდან.

· სასწავლო კომპონენტებს ხელმძღვანელობენ შესაბამისი საგნების კურატორები, ხოლო კვლევით კომპონენტებს კი - დოქტორანტის მეცნიერ-ხელმძღვანელი, რიგ შემთხვევაში თანახელმძღვანელი.

სასწავლო კომპონენტებზე პროგრამის ფარგლებში წარმოებს თემატური, დარგობრივი საერთაშორისო ექსპერტების, სპეციალისტების ჩართულობა.

· დოქტორანტი უფლებამოსილია აკადემიური სემესტრის დატვირთვა განსაზღვროს მინიმალური 15 ECTS და მაქსიმალური 30 ECTS კრედიტის ფარგლებში (ე.წ. Full time და Part time).

· დოქტორანტს, სამუშაო თემატიკიდან და მოცულობიდან გამომდინარე, კვლევების შესრულება შეუძლია როგორც როგორც ქვეყნის შიგნით, ასევე მის ფარგლებს გარეთ.

თემატიკები, კვლევის ინსტრუმენტი განიხილება სკოლის ბიოეთიკის საბჭოზე, (დებულება ბიოეთიკის საბჭოს საქმიანობის შესახებ) რომლის დადებითი გადაწყვეტილების შემდგომ ხდება კვლევის წარმოება. · კვლევები შესაძლებელია ხელშეწყობილ იქნეს ჯანმრთელობის მეცნიერებათა სკოლის სამეცნიერო გრანტებით (დებულება სკოლის სამეცნიერო გრანტების გაცემის შესახებ ასევე სხვა სათანადო სამეცნიერო-კვლევითი პროექტებით, რომელსაც დადგენილი წესით მოიპოვებს დოქტორანტი, მეცნიერ ხელმძღვანელი.

· დოქტორანტი ვალდებულია სადოქტორო ნაშრომის დაცვამდე განსაზღვრულ/მოწოდებულ რეფერირებად, იმპაქტფაქტორიან დარგობრივ სამეცნიერო ჟურნალში (სასურველი ინდექსი 1.5 და მეტი) გამოაქვეყნოს ერთი სტატია კვლევის შედეგებთან დაკავშირებით ან წამოადგინოს რედაქციიდან ცნობა მისი მომავალში გამოქვეყნების შესახებ, ერთი სამეცნიერო სტატია რეფერირებად ჟურნალში, ჰქონდეს მინიმუმ ერთ დარგობრივ საერთაშორისო კომფერენციაზე მომხსენებლის სახით გამოსვლა კვლევით თემატიკასთან დაკავშირებით.