პროგრამის მიზანია კვალიფიციური, პროფესიული ზრდისა და შემდგომ ეტაპზე სწავლის უნარის მქონე ფარმაცევტი ბაკალავრის მომზადება, რომელსაც ექნება ფარმაკოლოგიის, პაციენტზე ორიენტირებული რაციონალური ფარმაკოთერაპიის, ფარმაცევტული დახმარებისა და ზრუნვის, ფარმაციის მიმართულებით კლინიკური კვლევების შედეგების გამოყენების, სამკურნალო საშუალებების დამზადების, ფარმაცევტული ანალიზის საბაზისო ცოდნა; ეთიკურ ღირებულებებზე დაყრდნობით ფარმაცევტული ინფორმაციის დამუშავებისა და გაცემის, ექიმი-ფარმაცევტი-პაციენტი მოდელის იმპლემენტაციის, პროფესიულ წრეებთან, საზოგადოებასთან კომუნიკაციის, ფარმაცევტული დაწესებულებების სტრუქტურული ერთეულების შესაბამის დონეზე მართვის უნარები.

• ლექცია-სემინარები;
• წიგნზე მუშაობის მეთოდი;
• დისკუსია;
• ახსნა-განმარტებითი მეთოდი;
• დემონსტრირების მეთოდი;
• ვიდეო-აუდიო სასწავლო მასალის გამოყენება;
• ინტერაქტიული მეცადინეობები;
• სიტუაციური ამოცანები;
• როლური თამაში;
• პრაქტიკული მუშაობა;
• ლაბორატორიული მუშაობა;
• გუნდური მუშაობა
• პრობლემების დასმა და მათი გადაჭრა;
• ჯგუფური დავალებები;
• პრობლემის გადაჭრაზე ორიენტირებული სავარჯიშოები;
• შემთხვევის შესწავლა და ანალიზი (case study);
• ლიტერატურის მიმოხილვა;
• წიგნზე მუშაობის მეთოდი;
• შესაბამისი მასალის მოძიება ელექტრონულ ფორმატში ან ბიბლიოთეკაში;
• წერითი მუშაობის მეთოდი;
• თემების დაწერა;
• პრეზენტაციების წარდგენა;
• ვერბალური, ანუ ზეპირსიტყვიერი მეთოდი;
• ელექტრონული და არაელექტრონული სამედიცინო ჩანაწერების წარმოება;
• კლინიკური, პრაქტიკული მეცადინეობები

პროგრამა შედგენილია იმგვარად, რომ გათვალისწინებულია სტუდენტების დიფერენციაცია ენობრივი კომპეტენციების მიმართულებით. კერძოდ, სტუდენტი იწყებს ინგლისურ ენას იმ ეტაპიდან, რომელიც შეესაბამება მის ცოდნას, რაც დგინდება ერთიან ეროვნულ გამოცდებზე მიღებული შეფასების და შიდა გამოცდის საფუძველზე.

ერთიან ეროვნულ გამოცდაზე დადგენილი მაქსიმალური ნედლი ქულის

• 63%-ის მიღების შემთხვევაში სტუდენტის დაშვება ხდება ინგლისური ენის B1/1 დონეზე;
• 64%-დან 86%-ის მიღების შემთხვევაში  - B1/2 დონეზე;
• 87%-დან 100%-ის მიღების შემთხვევაში - B2/1 დონეზე.
• 93%-ზე მეტის მიღების შემთხვევაში სტუდენტს უტარდება ენის კომპეტენციის დამდგენი ტესტირება და ზღვრული ქულების დაგროვების შემთხვევაში, სტუდენტს შეეძლება რეგისტრაცია ინგლისური ენის B2/2 დონეზე. თუ სტუდენტი ვერ დააგროვებს ზღვრულ რაოდენობას, მისი  დაშვება მოხდება B2/1 დონეზე.  
• 93%-ზე მეტის მიღების შემთხვევაში თუ სტუდენტი არ გამოცხადდება ტესტირებაზე, მისი დაშვება მოხდება B2/1 დონეზე.

საბაკალავრო პროგრამა „ფარმაცია“მოიცავს 240 ECTS კრედიტს და შედგება ძირითადი საგნების 198ECTS კრედიტის, სავალდებულო ასარჩევ საგნების ჰუმანიტარულ-სოციალური ბლოკის 12 ECTS კრედიტის (რომელთა არჩევაც ხდება 54 ECTS ჰუმანიტარულ-სოციალური ბლოკის კრედიტისაგან), პროგრამის არჩევითი საგნების 12 ECTS კრედიტისა (რომელთა არჩევაც ხდება 42 ECTS არჩევითი კრედიტისაგან) და თავისუფალი 18 ECTS კრედიტისგან.

სტუდენტები საგნებს გადიან სემესტრულად, კურაციული სისტემით ტარდება ინტენსიური პრაქტიკული სწავლებები ფარმაცევტულ საწარმოებსა (საწარმოო პრაქტიკა) და დაწესებულებებში (ფარმაცევტულ და სამედიცინო დაწესებულებებში), აგრეთვე, პრაქტიკული მეცადინეობები ტარდება საუნივერსიტეტო სიმულაციურ აფთიაქში, ლაბორატორიული მეცადინეობები კი შესაბამის პროფილურ ლაბორატორიებში.