საჯარო ადმინისტრირების მმართველობითი კონტექსტი  მოიცავს:

• საჯარო მმართველობის თეორიების, სახელმწიფოს პოლიტიკური და ადმინისტრაციული მოწყობის ფორმებისა და პრინციპების, ცენტრალური და ადგილობრივი სახელმწიფო ორგანოების სტუქტურისა და ფუნქციების, მათი ფორმალური ურთიერთქმედებისა და არაფორმალური სამუშაო არხების აღწერასა და შედარებას.
• საჯარო პოლიტიკის შემუშავებისა და განხორციელების პროცესში სახელმწიფო უწყებების, სამოქალაქო სექტორის, არასამთავრობო ორგანიზაციების (არაკომერციული, არასამეწარმეო) როლის, მათი სხვადასხვა ინტერეს-ჯგუფებთან, კერძო სექტორსა და საერთაშორისო აქტორებთან ურთიერთქმედების ახსნასა და მიმოხილვას. 
• საჯარო სერვისების მიწოდებისა და საჯარო ორგანიზაციების ინსტიტუციური განვითარების მართვის თავისებურებების, მენეჯმენტის ფორმების, ორგანიზაციული ფინანსების, პერსონალის მართვასთან დაკავშირებული პოლიტიკის, საჯარო სამსახურის მოდელებისა და საქართველოში საჯარო სამსახურის რეფორმის ძირითადი გამოწვევების იდენტიფიცირებასა და კრიტიკულ განხილვას.

საჯარო ადმინისტრირების სფეროს პოლიტიკურ-ეკონომიკური კონტექსტი მოიცავს:

• პოლიტიკური და ეკონომიკური თეორიების, პოლიტიკური იდეოლოგიებისა და სისტემების, ეკონომიკური აზროვნების პრინციპებისა და საბაზრო ეკონომიკის ფუნქციონირების მიკროეკონომიკური და მაკროეკონომიკური კანონზომიერებების მიმოხილვას და გაანალიზებას.
•  სახელმწიფო ფინანსების, საბიუჯეტო სისტემისა და საგადასახადო პოლიტიკის ძირითადი ასპექტების, საერთო სახელმწიფოებრივი და ადგილობრივი გადასახადების სახეების აღწერას და მიმოხილვას.
• საჯარო პოლიტიკის ციკლური პროცესის ძირითადი ეტაპებისა და პოლიტიკის სახეების, ასევე საჯარო პოლიტიკის ანალიზის მეთოდოლიგიის აღწერას, ასევე ანალიზის პროცესში რაციონალური გადაწყვეტილების მიღების მოდელის, ეფექტიანობისა და პოლიტიკური მიუკერძოებლობის მნიშვნელობის დასაბუთებას.

საჯარო ადმინისტრირების სფეროს სამართლებრივი კონტექსტი  მოიცავს:

• სამართლის ფუნდამენტური პრინციპებისა და სამართლებრივი სისტემების, სამართლებრივი სახელმწიფოს არსისა და სამართლებრივი ტერმინოლოგიის განმარტებასა და ახსნას.
• კონსტიტუციური სამართლის ფუნდამენტური პრინციპების, უშუალო და წარმომადგენლობითი დემოკრატიის ფორმების, საქართველოს ხელისუფლების შტოებს შორის ძალაუფლების გადანაწილების, ადგილობრივი თვითმმართველობის სისტემის, ასევე ადმინისტრაციული სამართლის ძირითადი პრინციპების აღწერასა და განხილვას.

პროგრამის დასრულების შემდეგ კურსდამთავრებულს შეუძლია: 

• საზოგადოებრივ პრობლემებზე, საჯარო ადმინისტრირებისა და საჯარო პოლიტიკის საკითხებზე პოლიტიკის ანალიზის მეთოდოლოგიისა და ინსტრუმენტების გამოყენებით პოლიტიკურად მიუკერძოებელი, რაციონალური და ეფექტიანი მოქმედების კურსის განსაზღვრის პროცესში მონაწილეობის მიღება.
• საჯარო ადმინისტრირების სფეროში კვლევითი პროექტის განხორციელება, რაც მოიცავს კვლევის დიზაინისა და მეთოდოლოგიის განსაზღვრას, კვლევითი კითხვებისა და ჰიპოთეზის ჩამოყალიბებას, კვლევითი ინსტრუმენტების შერჩევას, მარტივი ექსპერიმენტის ჩატარებას, მონაცემთა დამუშავებასა და საბოლოო კვლევითი და ანალიტიკური ანაგარიშის მომზადებას.
• სამართლებრივ დოკუმენტაციასთან მუშაობას, კანონის, სასამართლო გადაწყვეტილების გაგება და ინტერპრეტირება, კონსტიტუციური და ზოგადი ადმინისტრაციული ნორმების განმარტება და გამოყენება, ნორმატიული საფუძვლების მოძიება და ნორმათა იერარქიის განსაზღვრა.
• განსაზღვრული მითითებების შესაბამისად ბიუჯეტის პროექტირება, ეკონომიკური მონაცემების დამუშავება და ალტერნატიული გადაწყვეტილებების შემუშავება.
• ორგანიზაციის მისიის, პოლიტიკისა და სტრუქტურის განსაზღვრა, ორგანიზაციული ეფექტურობისათვის მართვის სხვადასხვა მოდელისა და მეთოდის ამოცნობა და გამოყენება, საჯარო ორგანიზაციაში უკეთ ადაპტირება, საჯარო მართვის პრაქტიკისთვის დამახასიათებელი სტანდარტული სიტუაციების გაანალიზება და სწრაფი რეაგირება, დროისა და რესურსების ეფექტურად განაწილება და მართვა; ასევე ლიდერობის თეორიებისა და მართვის მოდელების შედარება, შიდა და გარე ფაქტორების ორგანიზაციულ შედეგებზე გავლენისა და საჯარო სექტორისათვის დამახასიათებელი ორგანიზაციული სიტუაციების ანალიზი.
• საჯარო პოლიტიკისა და ადმინისტრირების სფეროში მიმდინარე პროცესების ანალიზი, მიზეზ-შედეგობრივი კავშირების დადგენა, სხვადასხვა სახელმწიფო სტრუქტურის საქმიანობის გაანალიზება და მიუკერძოებელი შეფასება; ასევე ეკონომიკური მონაცემების, ეკონომიკური კეთილდღეობისა და მწარმოებლურობის, საჯარო სექტორის ეფექტიანობის, ქვეყნის ეკონომიკაზე სახელმწიფო ფინანსებისა და პოლიტიკის გავლენის გაანალიზება.
• საჯარო ადმინისტრირების, საჯარო პოლიტიკისა და მონათესავე მიმართულებებისთვის დამახასიათებელი თემების შესახებ სპეციალისტებთან, არასპეციალისტებთან და დაინტერესებულ პირებთან პროფესიული ინფორმაციის ეფექტური კომუნიკაცია, საკუთარი ხედვისა და პოზიციის არგუმეტნირებულად გადმოცემა ქართულ და ინგლისურ ენებზე, წერილობითი ანგარიშის მომზადება და წარდგენა,  წერილობითი და ელექტრონული კორესპონდენცია, მათ შორის ოფიციალური, ნახევრად ოფიციალური და არაოფიციალური მიმოწერის წარმოება, ასევე პროფესიულ მოლაპარაკებებში, დისკუსიებსა და დებატებში მონაწილობა.

• შეუძლია სახელმწიფოებრივი აზროვნების, საჯარო სექტორში ადმინისტრაციული ლიდერობის, საზოგადოებისა და სახელმწიფოს წინაშე პასუხისმგებლობის, საჯარო მმართველობის სფეროში მორალური, ეთიკური, დისკრეციული და პრაქტიკული პასუხისმგებლობის საკითხების გაანალიზება და მსჯელობა.
• შეუძლია სამუშაო გარემოსადმი პოზიტიური დამოკიდებულების მნიშვნელობის, საჯარო ადმინისტრირებისა და პოლიტიკის შემუშავების პროცესში კეთილსინდისიერი, პოლიტიკურად მიუკერძოებელი და რაციონალური მიდგომის აუცილებლობის ახსნა და დასაბუთება.
• შეუძლია საკუთარი პროფესიული ინტერესებისა და ცოდნის გასაღრმავებლად საჭირო შემდგომი ეტაპების იდენტიფიცირება, სწავლის შემდეგ საფეხურზე მიმართულების დამოუკიდებლად შერჩევა და სხვადასხვა პროფესიული პროგრამის, ქართული თუ ინგლისურენოვანი პროფესიული ჟურნალებისა თუ სტატიების საშუალებით ცოდნის დამოუკიდებლად გაღრმავება.