პროგრამის მიზანია მაღალკვალიფიციური მასობრივი კომუნიკაციის მკვლევარის მომზადება, რომელიც მასობრივი კომუნიკაციის თეორიების, მოდელების, დარგის ძირითადი ტენდენციების, კვლევის მეთოდების ცოდნის საფუძველზე შეძლებს ახალი ცოდნის შექმნას კომუნიკაციის პროცესების, სხვადასხვა კონტექსტში მისი ეფექტურობის მექანიზმების შესახებ კვლევისა და კვლევის შედეგების და კანონზომიერებების გაანალიზების გზით, რომელსაც ექნება როგორც სამეცნიერო, ასევე პრაქტიკული გამოყენების ღირებულება. ასევე, პროგრამის მიზანია კურსდამთავრებულს გამოუმუშაოს ერთის მხრივ, სალექციო კურსების დაგეგმვისა და წარმართვის უნარი, ხოლო მეორეს მხრივ, კვლევის დამოუკიდებლად დაგეგმვისა და წარმართვის უნარები, რაც ემსახურება მასობრივ კომუნიკაციებში ლიბერალურ-ჰუმანისტური ღირებულებებისა და დემოკრატიული საზოგადოების პრინციპების ხელშეწყობას.  
 
მასობრივი კომუნიკაციების დოქტორს დასაქმება შეეძლება კვლევით და სამეცნიერო ინსტიტუტებსა და ორგანიზაციებში, სახელმწიფო და კერძო უწყებებში და უმაღლეს საგანმანათლებლო დაწესებულებებში აკადემიურ და კვლევით თანამდებობებზე. 

• დისკუსია/ დებატები;  
• კრიტიკული ანალიზი;  
• წიგნზე მუშაობის მეთოდი;    
• ლიტერატურის მიმოხილვა;  
• შესაბამისი მასალის მოძიება ელექტრონულ ფორმატში ან ბიბლიოთეკაში;  
• წერითი მუშაობის მეთოდი;  
• პრეზენტაციების წარდგენა;  
• ინდუქცია, დედუქცია, ანალიზი და სინთეზი 

დოქტორანტის სადისერტაციო ნაშრომის შეფასებისათვის გამოიყენება  შეფასების შემდეგი სისტემა:

ა) ფრიადი (summa cum laude) – შესანიშნავი ნაშრომი- 91% და მეტი;
ბ) ძალიან კარგი (magna cum laude)  –  შედეგი, რომელიც წაყენებულ მოთხოვნებს ყოველმხრივ აღემატება - 81-90%;
გ) კარგი (cum laude) – შედეგი, რომელიც წაყენებულ მოთხოვნებს აღემატება - 71-80%;
დ) საშუალო (bene) – შედეგი, რომელიც წაყენებულ მოთხოვნებს ყოველმხრივ აკმაყოფილებს-61-70%;
ე) დამაკმაყოფილებელი (rite) – შედეგი, რომელიც, ხარვეზების მიუხედავად, წაყენებულ მოთხოვნებს მაინც აკმაყოფილებს-51-60%;
ვ) არადამაკმაყოფილებელი (insufficienter) – შედეგი, რომელიც წაყენებულ მოთხოვნებს მნიშვნელოვანი ხარვეზების გამო ვერ აკმაყოფილებს-41-50%, 
ზ) სრულიად არადამაკმაყოფილებელი (sub omni canone) – შედეგი, რომელიც წაყენებულ მოთხოვნებს სრულიად ვერ აკმაყოფილებს-< 40%

სადოქტორო ნაშრომის სიტყვების რაოდენობა განისაზღვრება არა ნაკლებ 30 000 სიტყვით. 

სასწავლო კომპონენტების სწავლება სემესტრულია და მოიცავს 60 ECTS (ძირითად  - 45 ECTS და არჩევით -15  ECTS კურსებს, მათ შორის პროფესორის ასისტირება (სწავლების პრაქტიკა), რომელიც სავალდებულო ასარჩევია ყველა იმ დოქტორანტისთვის, რომელსაც  არა აქვს უსდ-ში შესაბამისი  გამოცდილება) სემესტრის ხანგრძლივობა განისაზღვრება 22, ხოლო სასწავლო წლისა - 44 კვირით.

სასწავლო კომპონენტებს ხელმძღვანელობენ შესაბამისი კომპონენტის ავტორები, კვლევით კომპონენტს - დოქტორანტის მეცნიერ-ხელმძღვანელი. 

დოქტორანტის კვლევითი კომპონენტის ეტაპებს მეთვალყურეობას უწევს სამეცნიერო-საკონსულტაციო საბჭო.