• კურსდამთავრებული

ღრმად და სისტემურად  იცნობს:

• ენობრივი პოლიტიკის ძირითად  თეორიებსა და თანამედროვე მეთოდებს;  ენობრივი პოლიტიკის, როგორც  დარგის  ჩამოყალიბებისა და განვითარების, ენისა და ნაციონალიზაციის, ენისა და ეთნიკურობის, ენობრივი  კორპუსისა და ენის მიღების დაგეგმარებას, ენობრივ მენეჯმენტს.
• ტექსტის შედარებითი ანალიზის პრინციპებს; საერთოისტორიულ კონტექსტში მხატვრულ-ლიტერატურული აზროვნების განვითარების ზოგად კანონებს და თანამედროვე „ცივილიზაცითა ინტეგრაციის“ პროცესში „კულტურათშორისი დიალოგის“ მნიშვნელობას;
• ქართული ენისა და ეროვნული კულტურის ურთიერთმიმართებას, ენისა და ერის, ენისა და საზოგადოების, ენისა და აზროვნების და საერთოდ, ენისა და კულტურის ურთიერთმიმართების საკითხებს.  ენობრივი მოვლენების სინქრონიულ  აღწერსა და ანალიზს.  მულტილინგვიზმის ფენომენის არსს და ამ უკანასკნელის როლს ენობრივი პოლიტიკის ჩამოყალიბებაში.  
• სიტყვის, როგორც ენის ლექსიკის ერთეულის მიმართებას მთელ ლექსიკურ სისტემასთან. მისი სინქრონული და დიაქრონული შესწავლის თავისებურებებს. 
• ლექსიკოლოგიის დარგებსა და მათ ურთიერთმიმართებას. 
• ლექსიკონის შედგენის თეორიას. 

სიღრმისეულად  იცის:

• ლინგვისტიკის თანამედროვე თეორიები  და კვლევის მეთოდები
• ქართული ზმნის სტრუქტურა და კონსტრუქცია, უღლების ტიპებად დაყოფის გრამატიკული კრიტერიუმი,  შესაბამისი პარადიგმების ინტერპრეტირების ხერხები.  სახელისა და ზმნის სინტაქსური ურთიერთობის მექანიზმი და  ინდოევროპული ენების  სინტაქსთან არსებული განსხვავება;

კომპლექსურად განსაზღვრავს და ახასიათებს:

• ქართული ენის დიალექტებს (ფონეტიკა-მორფოლოგია-ლექსიკა) და მათ მიმართებას სალიტერატურო ენასთან;
• ლექსიკური ერთეულის ფუნქციებს. 
• ლექსიკონის რაობასა და მის სახეობებს, შედგენის პრინციპებს. 
• ქართული მწერლობისა და მსოფლიო ლიტერატურული პროცესის ურთიერთმიმართების საკითხს. ძველი, ახალი და უახლესი ქართული მწერლობის ადგილს მედიევისტიკასა და მსოფლიო ლიტერატურის ისტორიაში.

კურსდამთავრებულს შეუძლია:

• ქართული ფილოლოგიის სფეროში  უახლესი მეთოდებისა და მიდგომების პრაქტიკაში გამოყენებით კვლევის დამოუკიდებლად წარმართვა; საკუთარი დასკვნების  ჩამოყალიბებისა და  დასაბუთებისას შესაბამისი  სამეცნიერო-ტერმინოლოგიური აპარატით ოპერირება;  სამეცნიერო პუბლიკაციების მოძიება და დამუშავება:    რთული და არასრული ინფორმაციის (მათ შორის, უახლესი კვლევების) კრიტიკული ანალიზის საფუძველზე დასაბუთებული დასკვნების ჩამოყალიბება;  ძირითადი და დამხმარე საინფორმაციო წყაროების მნიშვნელობის განსაზღვრა,  სხვადასხვა შეხედულების შედარება, ინფორმაციის ინოვაციური სინთეზი უახლეს მონაცემებზე  დაყრდნობით;
• ქართული ლიტერატურის (უძველესი პერიოდიდან დღემდე) ძირითადი ტენდენციების საფუძვლიანი აღწერისა და კრიტიკული ანალიზის საფუძველზე დასაბუთებული დასკვნების ჩამოყალიბება;  ქართველ მწერალთა შემოქმედებითი მემკვიდრეობის დამოუკიდებელად კვლევა მსოფლიო ლიტერატურული პროცესების  კონტექსტში;
• ქართული  ენისთვის დამახასიათებელი მონაცემების განმარტება და მათი კომპლექსური ანალიზის საფუძველზე დასაბუთებული დასკვნების ჩამოყალიბება; ენობრივი მოვლენების დიაქრონიული და სინქრონიული ასპექტით კვლევა; მიღებული ცოდნის  საკითხთა ინტერდისციპლინურ კვლევებში გამოყენება.
  თანამედროვე საინფორმაციო და საკომუნიკაციო ტექნოლოგიების შემოქმედებითად გამოყენება  ინფორმაციის ეფექტური ვიზუალიზაციის მიზნით; ციფრულ/ბეჭდვით ბიბლიოთეკებსა და ინტერნეტწყაროებში ინფორმაციის განთავსება და გავრცელება.
• იმუშაოს სხვადასხვა ტიპის ლექსიკონის შედგენაზე. 

კურსდამთავრებულს შეუძლია:

• ქართული ფილოლოგიის სფეროში  კვლევისთვის რელევანტური  პრობლემის იდენტიფიცირება, კვლევის დაგეგმვა,  განხორციელება და მიღებული შედეგების ტრანსფორმაცია სამაგისტრო  ნაშრომის ფორმატში აკადემიური  წერისა და კვლევის სტრატეგიების გამოყენებით;