პროგრამის დასრულების შემდეგ, კურსდამთავრებული:

• აღწერს ჯანდაცვის სისტემის სტრუქტურას, ძირითადი მონაწილეების ფუნქციებს, ჯანმრთელობის პოლიტიკისა და დაფინანსების მოდელებს და ხსნის მათ კავშირს სამედიცინო მომსახურების ხელმისაწვდომობასა და მოსახლეობის ჯანმრთელობასთან;
• ხსნის ეკონომიკისა და მენეჯმენტის ძირითად პრინციპებს, თანამედროვე თეორიებსა და კონცეფციებს, ორგანიზაციის სტრატეგიული და ოპერაციული მართვის ფუნქციებსა და ჯანმრთელობის პროდუქტების მარკეტინგის თავისებურებებს. აღწერს ჯანდაცვის ორგანიზაციის ეკონომიკურ და საქმიან გარემოს, მის ძირითად ფუნქციურ სფეროებსა და მათ შორის ურთიერთკავშირს;
• განმარტავს ფინანსური და მმართველობითი აღრიცხვის ძირითად პრინციპებს და ხსნის ფინანსური ინფორმაციის მნიშვნელობას ჯანდაცვის ორგანიზაციის რესურსების დაგეგმვისა და საქმიანობის შეფასებისთვის, მათ შორის, მონაცემთა დამუშავების საბაზისო სტატისტიკურ მეთოდებზე დაფუძნებით;
• აღწერს ადამიანის ორგანოთა სისტემების აგებულებასა და ძირითად ფუნქციებს, განმარტავს სამედიცინო ტერმინებს და განასხვავებს სამედიცინო პერსონალის როლებს ჯანმრთელობის დაცვის სერვისების მიწოდების პროცესში;
• განმარტავს ჯანმრთელობის დაცვის სფეროს ძირითად სამართლებრივ მოთხოვნებს, ბიოეთიკისა და პაციენტის უფლებების დაცვის პრინციპებს, სამედიცინო მომსახურების ხარისხისა და უსაფრთხოების შეფასების ძირითად მიდგომებს. აფასებს ჯანდაცვის ორგანიზაციის სოციალური პასუხისმგებლობისა და ბიზნესეთიკის პრინციპების მნიშვნელობას;
• ასახელებს და განმარტავს ქართული სალიტერატურო ენის რაობასა და არსს; მის განმსაზღვრელ ისტორიულ, სოციალურ და კულტურულ პირობებს; სალიტერატურო ენის პერიოდიზაციის საკითხებს; ენის ნორმალიზაციის ისტორიას, ნორმათა დადგენის მეთოდებსა და  პრინციპებს.

პროგრამის დასრულების შემდეგ, კურსდამთავრებული:

• ჯანდაცვის ორგანიზაციის მისიისა და მიზნების, აგრეთვე შიდა და გარე გარემოს შესახებ მოძიებული ინფორმაციისა და SWOT ანალიზის საფუძველზე შეიმუშავებს სტრატეგიული და ოპერაციული გეგმების პროექტებს, განსაზღვრავს შესაბამის აქტივობებს, საჭირო რესურსებსა და შესრულების შეფასების ინდიკატორებს. ავლენს ორგანიზაციის საქმიანობასთან დაკავშირებულ ძირითად რისკებს და სახავს მათი მართვის გზებს;
• იყენებს ფინანსური და მმართველობითი აღრიცხვის მონაცემებს ჯანდაცვის ორგანიზაციის ხარჯების, შემოსავლებისა და რესურსების გამოყენების გასაანალიზებლად და აყალიბებს დასაბუთებულ წინადადებებს მათი ეფექტიანობის გასაუმჯობესებლად;
• წინასწარ განსაზღვრული მითითებების საფუძველზე გეგმავს და ახორციელებს ჯანდაცვის ადმინისტრირების საკითხზე მცირე მასშტაბის გამოყენებით კვლევას: მოიძიებს და აფასებს შესაბამის წყაროებს, აგროვებს და ამუშავებს მონაცემებს საბაზისო რაოდენობრივი, თვისებრივი, სტატისტიკური და ეპიდემიოლოგიური მეთოდებით, საინფორმაციო ტექნოლოგიების გამოყენებით და აყალიბებს დასაბუთებულ დასკვნებს;
• ხელმძღვანელის ზედამხედველობით მონაწილეობს ჯანდაცვის ორგანიზაციის პროექტების, ოპერაციებისა და სტრატეგიების შემუშავებისა და განხორციელების პროცესში, ასრულებს ჯანდაცვის სერვისების ორგანიზებასა და ადმინისტრირებასთან დაკავშირებულ პრაქტიკულ დავალებებს; მომსახურების ხარისხისა და საქმიანობის მაჩვენებლების ანალიზის საფუძველზე განსაზღვრავს პრობლემებს და სთავაზობს მათი გაუმჯობესების გზებს;
• ამზადებს და წარადგენს პროფესიულ ანგარიშებს, კვლევის შედეგებსა და მენეჯერულ წინადადებებს ქართულად და ინგლისურად, შესაბამისი ენობრივი ნორმების, პროფესიული ტერმინოლოგიისა და საკომუნიკაციო ტექნოლოგიების გამოყენებით; ამყარებს წერილობით და ზეპირ კომუნიკაციას შესაბამის დაინტერესებულ მხარეებთან, აუდიტორიის თავისებურებების გათვალისწინებით მონაწილეობს პროფესიულ დისკუსიასა და გუნდურ მუშაობაში;
• ამუშავებს და აანალიზებს განსხვავებული სამეცნიერო ენით/სტილით შექმნილ ნაშრომებს, ტერმინებს, დამოუკიდებლად იძიებს მისთვის საჭირო მასალას/ინფორმაციას.

პროგრამის დასრულების შემდეგ, კურსდამთავრებული:

• პროფესიული და კვლევითი დავალებების შესრულებისას იცავს ეთიკის, აკადემიური კეთილსინდისიერების, პაციენტის უფლებებისა და მონაცემთა კონფიდენციალურობის მოთხოვნებს; მოქმედებს საკუთარი კომპეტენციის ფარგლებში და საკითხებს, რომლებიც ამ ფარგლებს სცდება, განსახილველად წარუდგენს ხელმძღვანელს;
• შესრულებული დავალებებისა და მიღებული უკუკავშირის საფუძველზე აფასებს საკუთარ ცოდნასა და უნარებს, განსაზღვრავს პროფესიული განვითარების საჭიროებებს და ადგენს შემდგომი სწავლის გეგმას კონკრეტული მიზნების, აქტივობებისა და ვადების მითითებით.