კურსდამთავრებული აღწერს და ახასიათებს:

• აღმოსავლეთმცოდნეობის, როგორც სამეცნიერო დისციპლინის განვითარების ისტორიას, სხვადასხვა მიმდინარეობების, ძირითად თეორიულ და მეთოდოლოგიურ მიდგომათა თავისებურებებს და აღმოსავლეთმცოდნეობის როგორც ქართული, ისე უცხოური სკოლების მიღწევებს;
• ახლო აღმოსავლეთის უძველესი, შუა საუკუნეების, ახალი და უახლესი ეპოქების ისტორიას, წარსულის ზოგად დიაქრონულ ჩარჩოს და მრავალეროვნული და მრავალკონფესიური საზოგადოებებისა და ცივილიზაციების დამახასიათებელ და ურთიერთგანმასხვავებელ ნიშან-თვისებათა ძირითად ასპექტებს;
• თანამედროვე ახლო აღმოსავლეთის რეგიონს, პოლიტიკური ტენდენციების, იდეოლოგიების, უსაფრთხოების, მედია პოლიტიკის, ეთნიკური და რელიგიური კონფლიქტების კონტექსტში;
• რელიგიის ადგილს, მნიშვნელობასა და გავლენას თანამედროვე ახლო აღმოსავლეთის საზოგადოების განვითარების პროცესში;
• მედიისა და პოლიტიკის თავისებურებებს ახლო აღმოსავლეთში.

ასახელებს და გამნარტავს:

• ახლო აღმოსავლეთის სახელმწიფოთა ჩამოყალიბებისა და განვითარების პროცესებს და მათი პოლიტიკური, ეკონომიკური და სამართლებრივი მოწყობის ძირითად სახეობებსა და განვითარების ეტაპებს;
• ახლო აღმოსავლეთის ხალხებისა და ქვეყნების ზოგად და საერთო კულტურულ მემკვიდრეობას; მათ შორის, ისლამის, როგორც რელიგიისა და კულტურული ფენომენის წარმოშობის, განვითარებისა და გავრცელების ისტორიასა და ძირითად დოგმებს;
• ახლო აღმოსავლეთის რეგიონის პოლიტიკური და ეკონომიკური გეოგრაფიის თავისებურებებს და საქართველოსთან პოლიტიკური ურთიერთობის საკვანძო საკითხებს;
• ახლო აღმოსავლეთის ქვეყნების პოლიტიკური და ეკონომიკური განვითარებისა და პერსპექტივების ძირითად კრიტერიუმებსა და მახასიათებლებს;
• ქართული სალიტერატურო ენის ჩამოყალიბებისა და განვითარების ეტაპებს, სალიტერატურო ენის ნორმალიზაციასთან დაკავშირებულ პრობლემებს, სტილისტიკისა და დარგობრივი ტერმინოლოგიის საკითხებს.

კურსდამთავრებული ადასტურებს:

• ზეპირი და/ან წერილობითი კომუნიკაციისას, ასევე, ტექსტის გააზრებისა და ინტერპრეტაციის პროცესში ინგლისური ენის  ცოდნას B/2 დონეზე;
• მის მიერ შესწავლილ აღმოსავლურ ენაზე (სპარსული /თურქული/ არაბული) გამართული კომუნიკაციის უნარს;
• აღმოსავლური (არაბული / თურქული / სპარსული) ისტორიული, ეკონომიკური, პოლიტიკური (პირველადი და მეორადი) და სხვა ტიპის წყაროების / მასალების / ინფორმაციის თანმიმდევრულად ორგანიზების, გააზრებისა და ადეკვატური დამოწმების , ასევე, სხვადასხვა სახის ბიბლიოგრაფიული, საარქივო მასალების, ელექტრონული მონაცემების / რეფერენციების მოძიების, სტატისტიკური მონაცემების მოპოვების და მათი გამოყენებით საკვლევი საკითხის / პრობლემის იდენტიფიცირების  და წარდგენის უნარს;
• თანამედროვე სალიტერატურო ენის ძირითადი ნორმებისა და პრაქტიკული სტილისტიკის მოთხოვნების დაცვის უნარს.

კურსდამთავრებული განსაზღვრავს:

• ახლო აღმოსავლეთის რეგიონის ისტორიის, კულტურის, რელიგიის, თანამედროვე სოციალურ-პოლიტიკური და / ან არაბული, სპარსული და თურქული ენების სფეროში საბაკალავრო კვლევისთვის რელევანტურ პრობლემას, გეგმავს და აწარმოებს კვლევას და ახდენს მიღებული შედეგების ტრანსფორმაციას საბაკალავრო ნაშრომის ფორმატში.