კურსდამთავრებულებს ექნებათ უნარი შეასრულონ პროფესიული ამოცანები ხელოვნური ინტელექტის მიმართულებით, როგორიცაა მონაცემთა ანალიზი, ინტელექტუალური გადაწყვეტილებების მიღება და ხელოვნური ინტელექტის და მანქანური სწავლების მოდელების შექმნა. ისინი შეძლებენ გამოიყენონ პროგრამირების ენები, მონაცემთა სტრუქტურები და ხელოვნური ინტელექტის ძირითადი ტექნოლოგიები — მათ შორის მანქანური სწავლება, გაძლიერებული სწავლება, ბუნებრივი ენის დამუშავება და კომპიუტერული ხედვა. სტუდენტები შეიძენენ კრიტიკული აზროვნებისა და ტექნიკური კომუნიკაციის უნარებს, იმუშავებენ გუნდურ გარემოში და შეასრულებენ რეალურ ამოცანებზე დაფუძნებულ პროექტებს ეთიკური და პროფესიული სტანდარტების გათვალისწინებით. პროგრამა უზრუნველყოფს თეორიულ და პრაქტიკულ საფუძველს სამაგისტრო სწავლის გასაგრძელებლად ხელოვნურ ინტელექტში, მონაცემთა მეცნიერებასა და პროგრამული უზრუნველყოფის მიმართულებით.

• ლექცია-სემინარები;
• დემონსტრირების მეთოდი;
• სიახლეთა გარჩევა;
• პრაქტიკული მუშაობა;
• ლაბორატორიული მუშაობა;
• პრეზენტაციების წარდგენა;
• გუნდური მუშაობა;
• კრიტიკული ანალიზი;
• ლიტერატურის მიმოხილვა;
• წიგნზე მუშაობის მეთოდი;
• შესაბამისი მასალის მოძიება ელექტრონულ ფორმატში ან ბიბლიოთეკაში;

ბაკალავრის ხარისხის მისაღებად სტუდენტმა უნდა დააგროვოს 240 კრედიტი, რომელიც მოიცავს:

138 ECTS პროგრამის ძირითადი  საგნებიდან (მათ შორის საბაკალავრო პროექტი 12 ECTS);

84 ECTS პროგრამის ასარჩევი საგნების ბლოკიდან;

6 ECTS უნივერსიტეტის არჩევითი STEM ბლოკიდან;

12 ECTS უნივერსიტეტის არჩევითი ჰუმანიტარულ-სოციალური ბლოკიდან.