პროგრამის დასრულების შემდეგ, კურსდამთავრებული:

• აღწერს სამართლის არსს, ძირითად პრინციპებს, წყაროებს, სამართლებრივი სისტემების მახასიათებლებს, ნორმის განმარტებისა და იურიდიული მსჯელობის მეთოდებს, ქართული სამართლის ისტორიულ წყაროებსა და ინსტიტუტებს;
• აღწერს და განმარტავს საჯარო, კერძო, სისხლისა და საერთაშორისო სამართლის ძირითად ინსტიტუტებს, თეორიულ საფუძვლებსა და რეგულირების თავისებურებებს და კრიტიკულად განიხილავს მათ ურთიერთმიმართებას სამართლებრივი წესრიგის ფორმირებაში;
• ახასიათებს სამართლის როლს საზოგადოებისა და სახელმწიფოს ფუნქციონირებაში, ადამიანის ძირითადი უფლებებისა და თავისუფლებების დაცვის უზრუნველყოფაში, აგრეთვე ლიბერალურ-ჰუმანური ღირებულებების განმტკიცებასა და საზოგადოების დემოკრატიულ განვითარებაში;
• აღწერს და განასხვავებს სამოქალაქო, სისხლის, ადმინისტრაციული და საკონსტიტუციო სამართალწარმოების ძირითად სტადიებსა და თავისებურებებს, აგრეთვე აფასებს პროფესიული ეთიკის მნიშვნელობას სამართლებრივ საქმიანობაში;
• განსაზღვრავს სამართლებრივი დავის წარმოშობის მიზეზებს, ძირითად მახასიათებლებსა და მათი სამართლებრივი საშუალებებით გადაწყვეტის გზებს;
• ასახელებს და განმარტავს ქართული სალიტერატურო ენის რაობასა და არსს, მის განმსაზღვრელ ისტორიულ, სოციალურ და კულტურულ პირობებს, ქართული სალიტერატურო ენის პერიოდიზაციის საკითხებს, ენის ნორმალიზაციის ისტორიას, ნორმათა დადგენის მეთოდებსა და პრინციპებს. 

პროგრამის დასრულების შემდეგ, კურსდამთავრებული:

• მოიძიებს, ამუშავებს და კრიტიკულად აფასებს სამართლებრივ ინფორმაციას, მათ შორის ეროვნული და საერთაშორისო სამართლის წყაროებს, სასამართლო პრაქტიკას, დოქტრინასა და სამეცნიერო წყაროებს, შესაბამისი საინფორმაციო-საკომუნიკაციო სისტემების გამოყენებით;
• აანალიზებს სამართლის ნორმებს, წყაროებს და იყენებს სამართლებრივი ანალიზის მეთოდებს საქმის ფაქტობრივი გარემოებების ზუსტი დადგენის, ობიექტური შეფასების, სამართლებრივ დავაში სტრატეგიული პოზიციების საფუძვლიანი დასაბუთების, კონკრეტული იურიდიული მოქმედებების განხორციელებისა და კომპლექსური იურიდიული ამოცანების ეფექტიანი გადაწყვეტის მიზნით;
• სამართლებრივი ურთიერთობის დარგობრივი კუთვნილების, დავის გადაწყვეტის სამართლებრივი საშუალებებისა და ეთიკური პრინციპების გათვალისწინებით, შეიმუშავებს სამართლებრივი პრობლემის გადაწყვეტის სტრატეგიას და ახორციელებს შესაბამის იურიდიულ მოქმედებებს.
• ამზადებს სამართლებრივ დოკუმენტებს, მათ შორის ხელშეკრულებებს, ადმინისტრაციული აქტის პროექტებს, საპროცესო დოკუმენტებს, სამართლებრივ დასკვნებს, აგრეთვე წინასწარ განსაზღვრული მითითებების შესაბამისად შეიმუშავებს კვლევით ან პრაქტიკული ხასიათის ნაშრომს;
• იურიდიული ტერმინოლოგიისა და არგუმენტაციის გამოყენებით, ზეპირი და წერილობითი ფორმით, აყალიბებს და წარადგენს სამართლებრივ პოზიციას, საკუთარ იდეებსა და სამართლებრივი პრობლემების გადაჭრის გზებს, სპეციალისტებთან და არასპეციალისტებთან, მშობლიურ ან/და ინგლისურ ენაზე;
• ამუშავებს და აანალიზებს განსხვავებული სამეცნიერო ენით/სტილით შექმნილ ნაშრომებს, ტერმინებს, დამოუკიდებლად იძიებს მისთვის საჭირო მასალას/ინფორმაციას.

პროგრამის დასრულების შემდეგ, კურსდამთავრებული:

• პროფესიულ საქმიანობაში მოქმედებს პროფესიული ეთიკის სტანდარტების დაცვით და იღებს პასუხისმგებლობას საკუთარ გადაწყვეტილებებსა და საქმიანობაზე;
• აფასებს დემოკრატიული და სამართლებრივი სახელმწიფოს, ადამიანის ძირითადი უფლებების, თანასწორობის, სამართლიანობისა და ლიბერალურ-ჰუმანური ღირებულებების მნიშვნელობას;
• ინდივიდუალური და გუნდური მუშაობის ძირითადი პრინციპების დაცვით წარმართავს საკუთარი და სხვების განვითარებაზე ორიენტირებულ საქმიანობას და განსაზღვრავს შემდგომი სწავლის საჭიროებებს.