პროგრამის დასრულების შემდეგ, კურსდამთავრებული

• აღწერს და განიხილავს სტრატეგიული კომუნიკაციების დაგეგმვის, შეფასების პრინციპებს, მათ შორის კვლევის მეთოდების (თვისებრივი და რაოდენობრივი) შერჩევისა და განხორციელების მექანიზმებს.
• აღწერს და აანალიზებს ბრენდის კონცეფციის შექმნისა და კომუნიკაციის თავისებურებებს, ასევე სარეკლამო საშუალებებს და მათი დაგეგმვის პრინციპებს.
• აფასებს და აანალიზებს მულტიმედიური და სოციალური მედიის ტექნიკების როლს ეფექტურ სტრატეგიულ კომუნიკაციაში.
• მსჯელობს ინტეგრირებული მარკეტინგული კომუნიკაციის თავისებურებებსა და საკომუნიკაციო მესიჯების ფორმირების ტექნიკებზე;
• აანალიზებს საზოგადოებასთან ურთიერთობისა და სტრატეგიული კომუნიკაციის მნიშვნელობას ორგანიზაციისა და ქვეყნის დონეზე.
• აანალიზებს PR-ის ურთიერთმიმართებას მარკეტინგთან, გაყიდვების სტრატეგიასთან და საერთაშორისო მარკეტინგულ კომუნიკაციებთან.
• აღწერს სტრატეგიული კომუნიკაციების ძირითად ფუნქციებსა და სამსახურეობრივ მოვალეობებს (წერა-რედაქტირება, კვლევა, კონსულტირება) და მათი გამოყენების პრინციპებს.
• განმარტავს მარკეტინგული გეგმების შემუშავებისა და 4P მოდელის (პროდუქტი, ფასი, ადგილი, პრომოცია) გამოყენების ასპექტებს.
• განიხილავს საჯარო გამოსვლების, ახალი ამბების შექმნის თავისებურებებსა და მედიის როლის მნიშვნელობას სტრატეგიულ კომუნიკაციებში;
• აღწერს Adobe-ის პროგრამებში მუშაობის თავისებურებებს და მათი გამოყენების შესაძლებლობებს მულტიმედიური პროექტებისთვის.
• ასახელებს და განმარტავს ქართული სალიტერატურო ენის რაობასა და არსს; მის განმსაზღვრელ ისტორიულ, სოციალურ და კულტურულ პირობებს;
• ასახელებს და განმარტავს ქართული სალიტერატურო ენის პერიოდიზაციის საკითხებს; ენის ნორმალიზაციის ისტორიას, ნორმათა დადგენის მეთოდებსა და  პრინციპებს;

პროგრამის დასრულების შემდეგ, კურსდამთავრებული

• გეგმავს სტრატეგიული კომუნიკაციების სტრატეგიას, რაც მოიცავს სიტუაციურ ანალიზს მეორადი და პირველადი კვლევების საშუალებით, მიზნობრივი აუდიტორიის შერჩევას, სტრატეგიული მესიჯის ჩამოყალიბებას, სტრატეგიებისა და ტაქტიკური ნაბიჯების განსაზღვრას და შეფასების ინდიკატორებისა და მეთოდების განსაზღვრას.
• ამზადებს მედია პროდუქტებს (სტატიები, რეპორტაჟები, მულტიმედიური პროექტები) სტრატეგიული კომუნიკაციების მიზნებიდან გამომდინარე.
• ქმნის სარეკლამო ბრიფებს, სარეკლამო კამპანიებს და განსაზღვრავს მესიჯებს სხვადასხვა საკომუნიკაციო არხისთვის.
• ქმნის ბრენდის კონცეფციას და ბრენდის პოზიციონირების მიზნით გეგმავს კომუნიკაციასა  სოციალური მედიისა და ტრადიციული მედია საშუალებების გამოყენებით.
• შეიმუშავებს ინტეგრირებული მარკეტინგული კომუნიკაციების სტრატეგიებს.
• აფასებს და შეარჩევს კამპანიებისთვის მიზნობრივ აუდიტორიას დემოგრაფიული, ფსიქოგრაფიული და ქცევითი მახასიათებლების მიხედვით.
• ადგენს და აფასებს საკომუნიკაციო მესიჯებს და კამპანიის ეფექტიანობას თვისებრივი და რაოდენობრივი კვლევების გამოყენებით.
• აანალიზებს სარეკლამო აქტივობებისა და კამპანიების შედეგებს, აფასებს ბრენდის კონცეფციისა და საკომუნიკაციო აქტიობების წარმატება/წარუმატებლობის ფაქტორებს, მათ შორის ბრენდის აუდიტის მეთოდებით.
• ამუშავებს და აანალიზებს განსხვავებული სამეცნიერო ენით/სტილით შექმნილ ნაშრომებს, ტერმინებს, დამოუკიდებლად იძიებს მისთვის საჭირო მასალას/ინფორმაციას.

პროგრამის დასრულების შემდეგ, კურსდამთავრებული:

• იცავს და აღიარებს აკადემიური კეთილსინდისიერებისა და ეთიკური პასუხისმგებლობის პრინციპებს პროფესიულ საქმიანობაში.
• აფასებს და იცავს დემოკრატიულ ღირებულებებს (სიტყვის და გამოხატვის თავისუფლება, ადამიანის უფლებები) ყოველდღიურ პროფესიულ პრაქტიკაში.
• უზრუნველჰყოფს კონკურენტებისა და კოლეგების პატივისცემაზე დაფუძნებული პროფესიული გარემოს ჩამოყალიბებას.