პროგრამები

საქართველოს უნივერსიტეტი

პროგრამა:	განათლების მეცნიერებები
განათლების საფეხური:	დოქტორანტურა
ხელმძღვანელი:	რევაზ ტაბატაძე
სწავლების ენა:	ქართული
მისანიჭებელი კვალიფიკაცია:	განათლების მეცნიერების დოქტორი
პროგრამის მოცულობა:	60
პროგრამაზე დაშვების წინაპირობა:	სადოქტორო პროგრამაზე მიიღებიან მაგისტრის ან მასთან გათანაბრებული აკადემიური ხარისხის მქონე პირები ჰუმანიტარულ ან სოციალურ მეცნიერებებში ან მომიჯნავე დარგებში, რომლებიც შეძლებენ ინგლისური ენის არანაკლებ B2 (Upper-Intermediate) დონეზე ფლობის დამადასტურებელი დოკუმენტის (ინგლისური ენის დონის დასადასტურებლად სტუდენტს უღიარდება საერთაშორისო სერტიფიკატები: TOEFL IBT – მინიმალური ქულა 72 - 80; IELTS – მინიმალური ქულა 5.5. ან 6; PTE General – მინიმალური დონე B2; FCE – მინიმალური დონე B. სტუდენტებს, რომლებსაც არ გააჩნიათ ინგლისური ენის კომპეტენციის დამადასტურებელი სერტიფიკატი, საქართველოს უნივერსიტეტი ჩაუტარებს B2 დონის შესაბამის ტესტს, სადაც კომპეტენციის დადასტურებად ჩაითვლება ტესტის 70% -ის გადალახვა.) და კვლევის კონცეფციის წარმოდგენას და წარმატებით გაივლიან გასაუბრებას სპეციალობაში. სკოლის საბჭო გადაწყვეტილების მიღებისას ითვალისწინებს: ა) კანდიდატის კვლევით უნარებს; ბ) კონცეფციისა და თემატიკის შესაბამისობას სკოლის სამეცნიერო თემატიკასთან და ადამიანურ რესურსთან.
პროგრამის მიზანი:	განათლების მეცნიერებების სადოქტორო პროგრამის მიზანია მოამზადოს განათლების დარგის მაღალკვალიფიციური სპეციალისტები / მკვლევრები, რომლებსაც შეეძლებათ განათლების სფეროში არსებული აქტუალური საკითხებისა და პარადიგმების კვლევა და ინტერდისციპლინალურ მიდგომებზე დაყრდნობით ახალი ცოდნის გენერირება. პროგრამა აერთიანებს განათლების თეორიულ და პრაქტიკულ ასპექტებს და ემსახურება დოქტორანტთა აღჭურვას საფუძვლიანი სამეცნიერო - კვლევითი უნარებით. აღნიშნული მიდგომა დოქტორანტებს საშუალებას აძლევს დაგეგმონ და განახორციელონ ინტერდისციპლინური კვლევები აქტუალურ საგანმანათლებლო საკითხებზე, განავითარონ ინოვაციური ხედვები და შეიტანონ წვლილი საგანმანათლებლო პოლიტიკის ფორმირებაში, სწავლა-სწავლების პროცესის გაუმჯობესებასა და საგანმანათლებლო ლიდერობის პრაქტიკაში. პროგრამა განსაკუთრებულ აქცენტს აკეთებს საერთაშორისო თანამშრომლობის გაღრმავებასა და საგანმანათლებლო პროექტების მართვის უნარ-ჩვევების განვითარებაზე. შესაბამისად, პროგრამა უზრუნველყოფს დოქტორანტთა მომზადებას, რომლებიც შეძლებენ კრიტიკულად გაანალიზონ მიმდინარე საგანმანათლებლო რეფორმები და შესთავაზონ შესაბამის სტრუქტურებს მტკიცებულებებზე დაფუძნებული ინოვაციური გადაწყვეტილებები. სპეციალიზაციის მოდულები (სპეციალობის მოდული I - თანამედროვე პედაგოგიკა: თეორიები, კვლევები და პრაქტიკა; სპეციალობის მოდული II - განათლების პოლიტიკა და ადმინისტრირება) საშუალებას აძლევს დოქტორანტებს განავითარონ თეორიული, პრაქტიკული და კვლევითი უნარები იმ მიმართულებით, რაც განსაზღვრავს მათ პროფესიულ პროფილსა და კვლევის მიმართულებას. პროგრამის ინტერდისციპლინარული ხასიათი აფართოებს განათლების კვლევის არეალს და უზრუნველყოფს დარგის ჰოლისტურ ხედვას. ამდენად, სადოქტორო კვლევები შეიძლება მოიცავდეს ისეთ მიმართულებებს, როგორიცაა განათლების პოლიტიკა და ადმინისტრირება; თანამედროვე პედაგოგიკის აქტუალური საკითხები; განათლების სამართლებრივი ასპექტები, დაფინანსება, ფილოსოფია, სოციოლოგია; კურიკულუმის განვითარება; განათლების კვლევის მეთოდები და დიზაინი; ციფრული ინოვაციები და ხელოვნური ინტელექტი განათლებაში და სხვ. პროგრამა იზიარებს წარმატებულ საერთაშორისო გამოცდილებას განათლების სექტორის პოლიტიკის/მართვისა და პედაგოგიკის მიმართულებით, რაც გულისხმობს პროგრამაში საერთაშორისო ექსპერტების / მკვლევარების ჩართულობას, რომლებსაც შეეძლებათ მონაწილეობა მიიღონ კვლევითი კომპონენტების განხორცილებაში და ამავდროულად უხელმძღვანელონ დოქტორანტებს. პროგრამაში მონაწილე უცხოელი და ქართველი ექსპერტები: პროფ. დომინიკ დვორაკი, საქართველო; ასოც. პროფ. რევაზ ტაბატაძე, საქართველო; პროფ. სტავროლა ფილოპოუ, კვიპროსი; პროფ. კარლოს ლინდადე, პორტუგალია; პროფ. შალვა დუნდუა, საქართველო; პროფ. ივეტა სილოვა, ამერიკის შეერთებული შტატები; ასოც. პროფ. აკაკი ცომაია, საქართველო; პროფ. კევინ ჰირში, ამერიკის შეერთებული შტატები; პროფ. სინტია დაგლასი, ამერიკის შეერთებული შტატები; პროფ. კახაბერ თავზარაშვილი, საქართველო; ასოც. პროფ. ირმა მესირიძე, საქართველო; პროფ. ეკატერინე ფიფია, საქართველო; პროფ. თინა ბოჭორიშვილი, საქართველო; პროფ. ჯოლიტა ჰორბაჩაუსკიენე, ლიეტუვა; პროფ. ქეთევან ჩაჩხიანი, ამერიკის შეერთებული შტატები; პროფ. ქეთი ცოტნიაშვილი, საქართველო; პროფ. ლია ღლონტი, საქართველო; პროფ. მაია ჩხეიძე, საქართველო; პროფ. რემიგიას ბაბნისი, ლიეტუვა; პროფ. რენატა ოროსოვა, სლოვაკეთი; პროფ. სიმონ ჯანაშია, საქართველო; პროფ. ჰისკლიფ შემბრი, საქართველო. პროფ. ჯულიეტ ტორაბიანი, შვეიცარია. პროფ. ნათია ვაჭარაძე, საქართველო. პროგრამის დასრულების შემდეგ კურსდამთავრებულებს ექნებათ შესაძლებლობა დასაქმდნენ განათლების სფეროს სხვადასხვა სამთავრობო და არასამთავრობო დაწესებულებაში, კვლევით ცენტრებში, უმაღლეს სასწავლებლებში, საერთაშორისო ორგანიზაციებსა და საგანმანათლებლო პოლიტიკის შემუშავებასთან დაკავშირებულ უწყებებში, სადაც მათ მიერ მიღებული თეორიული ცოდნა და კვლევითი უნარები უზრუნველყოფს საგანმანათლებლო სისტემის განვითარებასა და სრულყოფას.
სწავლის შედეგების მიღწევის მეთოდები/აქტივობები:	შემთხვევის შესწავლა და ანალიზი ტექსტზე და წიგნზე დაფუძნებული სწავლება პრობლემაზე დაფუძნებული სწავლება (PBL) სტრუქტურირებული დისკუსიები და აკადემიური დებატები პროექტზე დაფუძნებული სწავლება გამოცდილებაზე დაფუძნებული სწავლება სიმულაციაზე დაფუძნებული სწავლება პორტფოლიოს მომზადება კვლევაზე ორიენტირებული სწავლება სამეცნიერო ლიტერატურის მიმოხილვა და ანალიზი მულტიმედიით გამყარებული ლექციები (ვიზუალური ლექციები) წერითი დავალებები და აკადემიური წერითი ამოცანები ლექცია–სემინარი სტრატეგიული დოკუმენტის შექმნა შებრუნებული საკლასო ოთახი ხარაჩოს მეთოდი და ქოუჩინგი სწავლის უნივერსალური დიზაინი დიგიტალური სწავლება ინტერაქტიული სასწავლო სესიები პრეზენტაციის მომზადება და წარდგენა დამოუკიდებელ რესურსებზე დაფუძნებული სწავლება ზეპირი/ვერბალური კომუნიკაციის მეთოდები თანამშრომლობითი სწავლება და გუნდური მუშაობა კრიტიკული და შედარებითი ანალიზი ექსპლანატორული და ინტერპრეტატიული მეთოდები ინდუქციური, დედუქციური, ანალიტიკური და სინთეზური მსჯელობა ლიტერატურაზე დაფუძნებული ანალიტიკური მუშაობა როლური თამაშები და სცენარებზე დაფუძნებული სწავლება
სწავლის შედეგი:	ცოდნა და გაცნობიერება პროგრამის დასრულების შემდეგ კურსდამთავრებული: საფუძვლიანად განიხილავს განათლების ძირითად თეორიულ და მეთოდოლოგიურ პარადიგმებს ინტერდისციპლინური მიდგომების სინთეზირების გზით; ინტერდისციპლინური კვლევების ჩატარების მიზნით, თანმიმდევრულად მსჯელობს განათლების კვლევის უახლესი მეთოდებისა და მიდგომების შესახებ; თანმიმდევრულად და სიღრმისეულად განიხილავს დარგში უახლეს მიღწევებზე დამყარებულ ცოდნას. უნარი პროგრამის დასრულების შემდეგ კურსდამთავრებული: კრიტიკულად აანალიზებს განათლების სექტორის პოლიტიკის / ადმინისტრირების და პედაგოგიკის აქტუალურ საკითხებსა და გამოწვევებს სხვადასხვა თეორიის ჭრილში; ახალი ცოდნის გენერირების მიზნით, შეიმუშავებს რელევანტურ კვლევით ან/და ანალიტიკურ მეთოდებსა და მიდგომებს; ინტერდისციპლინური მიდგომების გამოყენებითა და აკადემიური კეთილსინდისიერების პრინციპების დაცვით, თანმიმდევრულად გეგმავს და ახორციელებს ინოვაციური კვლევის სრულ ციკლს და იყენებს მოპოვებულ შედეგებს დარგში არსებული პრობლემების გადასაწყვეტად მეცნიერული რეკომენდაციებისა და ნორმატიული ხასიათის წინადადებების შემუშავების საფუძველზე; საერთაშორისო და ადგილობრივ საგანმანათლებლო დონორებთან თანამშრომლობით, წარმატებით გეგმავს და ახორციელებს კვლევით პროექტებს დადგენილ ვადებში, ახდენს დროის სწორ მენეჯმენტს და მოპოვებული მონაცემების / კვლევის შედეგების გაზიარებას დაინტერესებულ საზოგადოებასთან. პასუხისმგებლობა და ავტონომიურობა პროგრამის დასრულების შემდეგ კურსდამთავრებული: აკადემიური და პროფესიული კეთილსინდისიერების პრინციპების დაცვით, ახორციელებს მეცნიერების უახლეს მიღწევებზე დამყარებულ კვლევით პროექტებს და ახდენს შედეგების დისემინაციას პროფესიულ წრეებში და შესაბამისად, ხელს უწყობს განათლების როგორც ღირებულების დამკვიდრებას საზოგადოებაში; ახორციელებს საკუთარი საქმიანობის რეფლექსიას, შეფასებას და განსაზღვრავს საკუთარი პროფესიული განვითარების ეტაპებს.
პროგრამის დამტკიცების თარიღი:	07-15-2025
პროგრამის დამტკიცების ოქმის ნომერი:	28
პროგრამის განახლების თარიღი:
პროგრამის განახლების ოქმის ნომერი:
პროგრამის დეტალები:	სადოქტორო ნაშრომის სიტყვების რაოდენობა განისაზღვრება არა ნაკლებ 35 000 და არა უმეტეს 40 000 სიტყვით.
სწავლების ორგანიზების თავისებურებები:	დოქტორანტის დატვირთვა შედგება: სასწავლო და კვლევითი კომპონენტებისაგან. სასწავლო კომპონენტების სწავლება სემესტრულია და მოიცავს 60 ECTS (ძირითადი კურსები /აქტივობები - 45 ECTS და არჩევითი - 15 ECTS). სემესტრის ხანგრძლივობა განისაზღვრება 22, ხოლო სასწავლო წლისა - 44 კვირით. სასწავლო კომპონენტებს ხელმძღვანელობენ შესაბამისი კომპონენტის ავტორები, კვლევით კომპონენტს - დოქტორანტის მეცნიერ-ხელმძღვანელი.

პროგრამის ძირითადი


კოდი	საგანი	კრედიტი	სემესტრი
EDUC7123	განათლების აქტუალური საკითხები და პარადიგმები	10	1
EDUC7124	კვლევა I (თვისებრივი კვლევა და მონაცემთა ანალიზი განათლებაში)	5	1
EDUC7125	სპეციალობის მოდული I (თანამედროვე პედაგოგიკა: თეორიები, კვლევები და პრაქტიკა)	10	1
EDUC7126	კვლევა II (რაოდენობრივი მონაცემების ანალიზის მეთოდები განათლებაში)	5	2
EDUC7127	საგანმანათლებო დონორებთან თანამშრომლობა და პროექტების მართვა განათლებაში	5	2
EDUC7128	სპეციალობის მოდული II (განათლების პოლიტიკა და ადმინისტრირება)	10	2
EDUC7129	სადისერტაციო ნაშრომი განათლების მეცნიერებებში	0	0
	გასავლელი კრედიტების ჯამი:	45

პროგრამის ასარჩევი


კოდი	საგანი	კრედიტი
EDUC7213	ციფრული ინოვაციები და ხელოვნური ინტელექტი განათლებაში	5
EDUC7214	აკადემიური წერა სამეცნიერო პუბლიკაციებისათვის	10
EDUC7215	შედარებითი და საერთაშორისო განათლება	10
EDUC7216	ლიდერობა და ცვლილებების მართვა განათლებაში	10
EDUC7217	განათლების სოციოლოგია	5
EDUC7218	კურიკულუმის განვითარება, იმპლემენტაცია და შეფასება	5
EDUC7219	პრაქტიკა / ასისტირება	5
	გასავლელი კრედიტების ჯამი:	50

შედეგების საშუალო	შედეგების საშუალოს კოეფიციენტი (GPA)	საუნივერსიტეტო შეფასება	საქართველოში მოქმედი ზოგადი შეფასება
97-100	4,00	A+	A	ფრიადი
94-96	3,75	A
91-93	3,50	A-
87-90	3,25	B+		ძალიან კარგი
84-86	3,00	B	B
81-83	2,75	B-
77-80	2,50	C+	C	კარგი
74-76	2,25	C
71-73	2,00	C-
67-70	1,75	D+	D	დამაკმაყოფილებელი
64-66	1,50	D
61-63	1,25	D-
51-60	1,00	E	E	საკმარისი
უარყოფითი შეფასება
41-50		FX	FX	ვერ ჩააბარა
<40		F	F	ჩაიჭრა

ყველა უფლება დაცულია.Copyright © 2026 საქართველოს უნივერსიტეტი