საჯარო ადმინისტრირების მმართველობითი კონტექსტი
● აღწერს და ადარებს საჯარო მმართველობის თეორიებს, სახელმწიფოს პოლიტიკური და ადმინისტრაციული მოწყობის ფორმებსა და პრინციპებს, ცენტრალურ და ადგილობრივ სახელმწიფო ორგანოების სტუქტურასა და ფუნქციებს, მათ ფორმალური ურთიერთქმედებასა და არაფორმალურ სამუშაო არხებს.
● მიმოიხილავს საჯარო პოლიტიკის შემუშავებისა და განხორციელების პროცესში სახელმწიფო უწყებების, სამოქალაქო სექტორის, არასამთავრობო ორგანიზაციების (არაკომერციული, არასამეწარმეო) როლსს, მათი სხვადასხვა ინტერეს-ჯგუფებთან, კერძო სექტორსა და საერთაშორისო აქტორებთან ურთიერთქმედებას.
● აიდენტიფიცირებს და კრიტიკულად განიხილავს საჯარო სერვისების მიწოდებისა და საჯარო ორგანიზაციების ინსტიტუციური განვითარების მართვის თავისებურებებს, მენეჯმენტის ფორმებს, ორგანიზაციულ ფინანსებს, პერსონალის მართვასთან დაკავშირებული პოლიტიკის, საჯარო სამსახურის მოდელებისა და საქართველოში საჯარო სამსახურის რეფორმის ძირითად გამოწვევებს.
საჯარო ადმინისტრირების სფეროს პოლიტიკურ-ეკონომიკური კონტექსტი
● მიმოიხილავს და აანალიზებს პოლიტიკურ და ეკონომიკურ თეორიებს, პოლიტიკურ იდეოლოგიებსა და სისტემებს, ეკონომიკური აზროვნების პრინციპებსა და საბაზრო ეკონომიკის ფუნქციონირების მიკროეკონომიკურ და მაკროეკონომიკურ კანონზომიერებებს.
● აღწერს და მიმოიხილავს სახელმწიფო ფინანსების, საბიუჯეტო სისტემისა და საგადასახადო პოლიტიკის ძირითად ასპექტებსს, საერთო სახელმწიფოებრივი და ადგილობრივი გადასახადების სახეებს.
● აღწერს საჯარო პოლიტიკის ციკლური პროცესის ძირითად ეტაპებსა და პოლიტიკის სახეებს, ასევე საჯარო პოლიტიკის ანალიზის მეთოდოლიგიას, ასევე ასაბუთებს ანალიზის პროცესში რაციონალური გადაწყვეტილების მიღების მოდელის, ეფექტიანობისა და პოლიტიკური მიუკერძოებლობის მნიშვნელობას.
საჯარო ადმინისტრირების სამართლებრივი კონტექსტი
● განმარტავს და ხსნის სამართლის ფუნდამენტურ პრინციპებსა და სამართლებრივ სისტემებს, სამართლებრივი სახელმწიფოს არსსა და სამართლებრივ ტერმინოლოგიას.
● აღწერს და განიხილავს კონსტიტუციური სამართლის ფუნდამენტურ პრინციპებს, უშუალო და წარმომადგენლობითი დემოკრატიის ფორმებს, საქართველოს ხელისუფლების შტოებს შორის ძალაუფლების გადანაწილებას, ადგილობრივი თვითმმართველობის სისტემას, ასევე ადმინისტრაციული სამართლის ძირითად პრინციპებს.

● მონაწილეობას იღებს საზოგადოებრივ პრობლემებზე, საჯარო ადმინისტრირებისა და საჯარო პოლიტიკის საკითხებზე პოლიტიკის ანალიზის მეთოდოლოგიისა და ინსტრუმენტების გამოყენებით პოლიტიკურად მიუკერძოებელი, რაციონალური და ეფექტიანი მოქმედების კურსის განსაზღვრის პროცესში.
● საჯარო ადმინისტრირების სფეროში ახორციელებს კვლევით პროექტს, რაც მოიცავს კვლევის დიზაინისა და მეთოდოლოგიის განსაზღვრას, კვლევითი კითხვებისა და ჰიპოთეზის ჩამოყალიბებას, კვლევითი ინსტრუმენტების შერჩევას, მარტივი ექსპერიმენტის ჩატარებას, მონაცემთა დამუშავებასა და საბოლოო კვლევითი და ანალიტიკური ანაგარიშის მომზადებას.
● ამუშავებს სამართლებრივ დოკუმენტაციას, აინტერპრეტირებს კანონს, სასამართლო გადაწყვეტილებას, განმარტავს და იყენებს კონსტიტუციურ და ზოგად ადმინისტრაციულ ნორმებს, იძიებს ნორმატიულ საფუძვლებს და განსაზღვრავს ნორმათა იერარქიას.
● განსაზღვრული მითითებების შესაბამისად შეიმუშავებს ბიუჯეტის პროექტს, ამუშავებს ეკონომიკურ მონაცემებს და შეიმუშავებს ალტერნატიულ გადაწყვეტილებებს.
● განსაზღვრავს ორგანიზაციის მისიას, პოლიტიკასა და სტრუქტურას, ამოიცნობს და იყენებს ორგანიზაციული ეფექტურობისათვის მართვის სხვადასხვა მოდელსა და მეთოდს, საჯარო ორგანიზაციაში ახდენს საკუთარი თავის უკეთ ადაპტირებას, აანალიზებს საჯარო მართვის პრაქტიკისთვის დამახასიათებელ სტანდარტულ სიტუაციებს სწრაფი რეაგირების მიზნით, ეფექტურად ანაწილებს და მართავს დროსა და რესურსებს; ასევე ადარებს ლიდერობის თეორიებსა და მართვის მოდელებს, აანალიზებს შიდა და გარე ფაქტორების ორგანიზაციულ შედეგებზე გავლენისა და საჯარო სექტორისათვის დამახასიათებელ ორგანიზაციულ სიტუაციებს.
● აანალიზებს საჯარო პოლიტიკისა და ადმინისტრირების სფეროში მიმდინარე პროცესებს, ადგენს მიზეზ-შედეგობრივ კავშირებს, აანალიზებს და მიუკერძოებლად აფასებს სხვადასხვა სახელმწიფო სტრუქტურის საქმიანობას; ასევე აანალიზებს ეკონომიკურ მონაცემებსს, ეკონომიკურ კეთილდღეობასა და მწარმოებლურობას, საჯარო სექტორის ეფექტიანობას, ქვეყნის ეკონომიკაზე სახელმწიფო ფინანსებისა და პოლიტიკის გავლენას.
● საჯარო ადმინისტრირების, საჯარო პოლიტიკისა და მონათესავე მიმართულებებისთვის დამახასიათებელი თემების შესახებ პროფესიულ ინფორმაციას გადასცემს სპეციალისტებს, არასპეციალისტებს და დაინტერესებულ პირებს, ქართულ და ინგლისურ ენებზე არგუმენტირებულად გადმოსცემს საკუთარ ხედვასა და პოზიციას, ამზადებს და წარმოადგენს წერილობით ანგარიშს, ამზადებს წერილობით და ელექტრონულ კორესპონდენციას, მათ შორის აწარმოებს ოფიციალურ, ნახევრად ოფიციალურ და არაოფიციალურ მიმოწერას, ასევე მონაწილეობას იღებს პროფესიულ მოლაპარაკებებში, დისკუსიებსა და დებატებში.

პროგრამის დასრულების შემდეგ სტუდენტი:
● აანალიზებს სახელმწიფოებრივი აზროვნების, საჯარო სექტორში ადმინისტრაციული ლიდერობის, საზოგადოებისა და სახელმწიფოს წინაშე პასუხისმგებლობის, საჯარო მმართველობის სფეროში მორალური, ეთიკური, დისკრეციული და პრაქტიკული პასუხისმგებლობის საკითხებს და მსჯელობს მათზე.
● ხსნის და ასაბუთებს სამუშაო გარემოსადმი პოზიტიური დამოკიდებულების მნიშვნელობას, საჯარო ადმინისტრირებისა და პოლიტიკის შემუშავების პროცესში კეთილსინდისიერი, პოლიტიკურად მიუკერძოებელი და რაციონალური მიდგომის აუცილებლობას.
● აიდენტიფიცირებს საკუთარ პროფესიულ ინტერესებსა და ცოდნის გასაღრმავებლად საჭირო შემდგომ ეტაპებს, დამოუკიდებლად არჩევს სწავლის შემდეგ საფეხურზე მიმართულებას და დამოუკიდებლად იძენს ცოდნას სხვადასხვა პროფესიული პროგრამის, ქართული თუ ინგლისურენოვანი პროფესიული ჟურნალებისა თუ სტატიების საშუალებით.