პროგრამები

საქართველოს უნივერსიტეტი

პროგრამა:	ქართული ფილოლოგია
განათლების საფეხური:	ბაკალავრიატი
ხელმძღვანელი:	ნანა შავთვალაძე
სწავლების ენა:	ქართული
მისანიჭებელი კვალიფიკაცია:	ფილოლოგიის ბაკალავრი
პროგრამის მოცულობა:	240
პროგრამაზე დაშვების წინაპირობა:	აკადემიური უმაღლესი განათლების პირველ საფეხურზე (საბაკალავრო პროგრამებზე) სტუდენტთა ჩარიცხვა ხორციელდება ერთიანი ეროვნული გამოცდების შედეგების ან საქართველოს განათლებისა და მეცნიერების მინისტრის №224/ნ (2011 წლის 29 დეკემბერი) ბრძანების შესაბამისად, ადმინისტრაციული რეგისტრაციის გავლისა და უნივერსიტეტის პრეზიდენტების ბრძანების საფუძველზე.
პროგრამის მიზანი:	ქართული ფილოლოგიის საბაკალავრო პროგრამა მიზნად ისახავს, კურსადამთავრებულს მისცეს ისეთი განათლება, რომ მან შეძლოს წარმატებული სამსახურებრივი კარიერის შექმნა; უზრუნველყოს იგი ზოგადად ჰუმანიტარულ და ფილოლოგიურ მეცნიერებებთან დაკავშირებული ინტერდისციპლინური საკითხების ცოდნით, გააცნოს მას ლიტერატურათმცოდნეობითი და ენათმეცნიერული კვლევის დანიშნულება, მნიშვნელობა; განუვითაროს ლიტერატურული ნაწარმოებების ანალიზისა და კრიტიკული შეფასების, მათი ისტორიულ და კულტურულ ჭრილში განხილვის, კომენტირებისა და ინტერპრეტირების უნარი; შეასწავლოს ქართული ენის სტრუქტურა და ისტორია; მისცეს ინგლისური ენის ცოდნა, რათა შეძლოს წარმატებული კომუნიკაცია; გამოუმუშავოს სტუდენტს პრაქტიკული უნარები ენათმეცნიერებისა და ლიტერატურათმცოდნეობის სფეროებში; დაეხმაროს, გაიაზროს ქართული ლიტერატურა და კულტურა ევროპული ცივილიზაციის კონტექსტში. აგრეთვე, პროგრამის მიზანია, ფილოლოგიის ბაკალავრმა შეძლოს მუშაობა მასმედიის და საგამომცემლო სფეროში, საჯარო, კერძო და არასამთავრობო ორგანიზაციებში, კვალიფიკაციის შემდგომი ამაღლების საფუძველზე კი - სამეცნიერო-კვლევითი და პედაგოგიური საქმიანობის გაგრძელება. ფართო ჰუმანიტარულ–ფილოლოგიური განათლება და სამეცნიერო–კვლევითი საქმიანობის ჩვევები კურსდამთავრებულს არა მხოლოდ ქართული ფილოლოგიის, არამედ ჰუმანიტარულ და სოციალურ მეცნიერებათა პროფილით სწავლის გაგრძელების საშუალებასაც აძლევს. ამასთან, პროგრამის მიზანია, გამოუმუშავოს ახალგაზრდას მეცნიერული პატიოსნებისა და ღირსების შეგნება, რათა საკუთარი თავდაუზოგავი შრომითა და მაღალი პროფესიონალიზმით ხელი შეუწყოს ჩვენს საზოგადოებაში ჯანსაღი სამოქალაქო შეგნებისა და დემოკრატიული იდეების დამკვიდრებას.
სწავლის შედეგების მიღწევის მეთოდები/აქტივობები:	წერითი მუშაობის მეთოდი, რომელიც გულისხმობს შემდეგი სახის აქტივობებს: ამონაწერებისა და ჩანაწერების გაკეთება, მასალის დაკონსპექტება, თეზისების შედგენა, ესეს შესრულება და ა.შ. ახსნა-განმარტებითი მეთოდი; დემონსტრირების მეთოდი; ინტერაქტიული მეცადინეობები; შესაბამისი მასალის მოძიება ელექტრონულ ფორმატსა ან ბიბლიოთეკაში; რეფერატის მომზადება; რეფერატების პრეზენტაცია; ვერბალური მეთოდი; დისკუსია/დებატები.
სწავლის შედეგი:	ცოდნა და გაცნობიერება კურსდამთავრებული იცნობს: ძირითადი ენათმეცნიერული და ლიტერატურათმცოდნეობითი თეორიების (კომპარატივისტული, ტექსტის რელევანტური ანალიზის, ენის დიაქრონული და შედარებითი ანალიზის, ფუქსის, ქოსბის მეთოდები ...) პრინციპებისა და კვლევის (შედარება-შეპირისპირება, ტექსტის ლინგვისტურ-სტატისტიკური ანალიზი, ქრონოლოგიურ-სტრუქტურული ანალიზი, კონოტაციის დომინანტურობა...) მეთოდებს; ლიტერატურის თეორიის საფუძვლებს; ქართული ენის განვითარების ძირითად ეტაპებს, ენაში მიმდინარე ძირითად ენობრივ მოვლენებსა და ენობრივ ცვლილებათა ხასიათსა და ქრონოლოგიას; ქართული ლიტერატურის ისტორიის ძირითად ეტაპებს, ჟანრებს, მნიშვნელოვანი ავტორებისა და მათი ნაწარმოებების კონცეპტუალურ და სტილისტურ მახასიათებლებს; ზეპირსიტყვიერი შემოქმედების სპეციფიკას, ქართული ფოლკლორისა და მითოლოგიური ტექსტების სტრუქტურას, ძირითად პრობლემატიკასა და მითოლოგემების სისტემას. მსოფლიო ლიტერატურის ისტორიას ლიტერატურული პერიოდიზაციის პრინციპების გათვალისწინებით; საქართველოს ისტორიის უმნიშვნელოვანეს ეტაპებს; აკადემიური წერის ძირითად პრინციპებსა და უნივერსიტეტის მიერ შერჩეულ (APA) აკადემიური სტილის სტანდარტს; იცის: ინგლისური ენა B2/2 დონეზე; განსაზღვრავს და ახასიათებს: თანამედროვე ქართული ენის ფონეტიკა-ფონოლოგიას, თანამედროვე ქართული ენის მორფოლოგიას, თანამედროვე ქართული ენის სინტაქსსა და ამ სფეროსთან დაკავშირებულ თეორიებს; ქართული ენის სტილისტიკისა და სალიტერატურო ქართულის ნორმალიზაციის საკითხებს; ქართული ენისა და ლექსიკოლოგიის საკვანძო საკითხებს; ძველი ქართული ენის ლექსიკურ-ფრაზეოლოგიურ თავისებურებებს; ძველი ქართული ენის გრამატიკული სტრუქტურისათვის დამახასიათებელ ძირითად ფონეტიკურ, მორფოლოგიურ და სინტაქსურ თავისებურებებს და ამ სფეროსთან დაკავშირებულ თეორიებს; ქართული პალეოგრაფიის საფუძვლებსა და ძირითად თეორიულ საკითხებს; ძველი ქართული სასულიერო და საერო ლიტერატურის საკვანძო საკითხებს, რუსთველოლოგიის ძირითად პრობლემატიკას; XII-XVIII საუკუნეების ქართული მწერლობის თვალსაჩინო წარმომადგენელთა შემოქმედების შესახებ ძირითად ინფორმაციას; XIX საუკუნის ქართული ლიტერატურისა და საზოგადოებრივი აზროვნების განვითარების ძირითად ტენდენციებს, ქართულ რომანტიზმსა და მის სპეციფიკას; XX საუკუნის ქართული ლიტერატურის ისტორიის ძირითდ საკითხებს (ქართული პროზისა და პოეზიის ჟანრობრივ და ესთეტიკურ თავისებურებებს; 20-იანი წლების ლიტერატურულ სკოლებსა და დაჯგუფებებს, ქართულ ინტელექტუალურ ემიგრაციას); უნარი კურსდამთავრებული ახერხებს: ფილოლოგიური ცნებებით ოპერირებას, მიზნის ადეკვატური ენობრივი ერთეულების შერჩევასა და აკადემიურ გარემოში ქართულ ენაზე სხვადასხვა დანიშნულების ტექსტის შექმნას; მიღებული საბაზისო ცოდნისა და უნარ-ჩვევების გამოყენებას საშუალო სირთულის ძველი ქართული ეპიგრაფიკული ძეგლებისა და ხელნაწერების წასაკითხად; ჰუმანიტარული სფეროსთვის დამახასიათებელი ძირითადი მეთოდების (ინდუქცია, დედუქცია, ანალიზი, სინთეზი და ახსნა-განმარტება) გამოყენებით წყაროების დამუშავებასა და კვლევითი ან პრაქტიკული ხასიათის პროექტის განხორციელებას წინასწარ განსაზღვრული მითითებების შესაბამისად; წინასწარ მიცემული მითითების საფუძველზე ავტორის შემოქმედების ამა თუ იმ ასპექტის და/ან კონკრეტული ნაწარმოების (ზეპირად ან წერილობით) შესწავლისათვის ადეკვატური მეთოდების გამოყენებას. ქართული ფილოლოგიის სფეროში (ქართველური ენათმეცნიერება, ქართული ლიტერატურა, ლიტერატურათმცოდნეობა, ზეპირსიტყვიერება) არსებული მკაფიოდ გამოკვეთილი საშუალო სირთულის პრობლემატიკის ამოცნობას, მისი ანალიზისათვის საჭირო მონაცემების იდენტიფიცირებას, სტანდარტული მეთოდებით გაანალიზებასა და არგუმენტირებული დასკვნის ჩამოყალიბებას; სწავლებისა და კვლევის პროცესში საინფორმაციო ტექნოლოგიების, ქართული ფილოლოგიისა და ზოგადად ფილოლოგიურ მეცნიერებებში არსებული უახლესი ელექტრონული რესურსების გამოყენებას, თანამედროვე სალიტერატურო ენის ნორმების დაცვით ზეპირ და წერილობით კომუნიკაციას ქართული ენისა და ლიტერატურის არსებითი საკითხების შესახებ როგორც სპეციალისტთა (ფილოლოგი, ფოლკლორისტი), ასევე, არასპეციალისტთა (დაინტერესებული ჯგუფები, ფართო საზოგადოება, მედია და სხვა) წრეში; პასუხისმგებლობა და ავტონომიურობა კურსდამთავრებული პასუხისმგებელია: ქართული ფილოლოგიის სფეროში კვლევისთვის განსაზღვროს რელევანტური პრობლემა, იდენტიფიცირება, დაგეგმოს კვლევა, განახორციელოს მიღებული შედეგების ტრანსფორმაცია საბაკალავრო ნაშრომის ფორმატში; დაიცვას აკადემიური ურთიერთობის პრინციპები, არ დაუშვას პლაგიატი. პროფესიული სრულყოფის მიზნით განათლების შემდეგ საფეხურზე (მაგისტრატურა) სწავლის საჭიროების განსაზღვრა და განხორციელება.
პროგრამის დამტკიცების თარიღი:	07-12-2010
პროგრამის დამტკიცების ოქმის ნომერი:
პროგრამის განახლების თარიღი:
პროგრამის განახლების ოქმის ნომერი:	52/18
პროგრამის დეტალები:	კომპეტენციის მაფორმირებელი სავალდებულო საგნების გარდა, პროგრამას გააჩნია საუნივერსიტეტო-სავალდებულო არჩევითი საგნების ორი- სოციალურ/ჰუმანიტარული და STEM ბლოკი, სპეციალობის არჩევითი საგნები და თავისუფალი კრედიტები. ძირითადი სპეციალობის გარდა სტუდენტს შეუძლია აირჩიოს დამატებითი სპეციალობა. დამატებითი სპეციალობის არჩევა შესაძლებელია როგორც ძირითადი სპეციალობის განმახორციელებელ, ისე სხვა სკოლაში; (დამატებითი სპეციალობა სტუდენტს არ ანიჭებს აკადემიურ ხარისხს, თუმცა ძირითად სპეციალობასთან კომბინაციაში აღრმავებს სტუდენტის ზოგად და დარგობრივ კომპეტენციებს და /ან აძლევს შესაძლებლობას, შეიძინოს გარკვეული საბაზისო ცოდნა, რომელიც ძირითად სპეციალობასთან ერთად ჩამოუყალიბებს მას დასაქმებისთვის ან განათლების შემდგომ საფეხურზე სწავლის გაგრძელებისათვის საჭირო დარგობრივ კომპეტენციებს). პროგრამა შედგენილია იმგვარად, რომ გათვალისწინებულია სტუდენტების დიფერენციაცია ენობრივი კომპეტენციების მიმართულებით. კერძოდ, სტუდენტი იწყებს ინგლისურ ენას იმ ეტაპიდან, რომელიც შეესაბამება მის ცოდნას, რაც დგინდება ერთიან ეროვნულ გამოცდებზე მიღებული შეფასების და შიდა გამოცდის საფუძველზე. ერთიან ეროვნულ გამოცდაზე დადგენილი მაქსიმალური ნედლი ქულის 63%-ის მიღების შემთხვევაში სტუდენტის დაშვება ხდება ინგლისური ენის B1/1 დონეზე; 64%-დან 86%-ის მიღების შემთხვევაში - B1/2 დონეზე; 87%-დან 100%-ის მიღების შემთხვევაში - B2/1 დონეზე. 93%-ზე მეტის მიღების შემთხვევაში სტუდენტს უტარდება ენის კომპეტენციის დამდგენი ტესტირება და ზღვრული ქულების დაგროვების შემთხვევაში, სტუდენტს შეეძლება რეგისტრაცია ინგლისური ენის B2/2 დონეზე. თუ სტუდენტი ვერ დააგროვებს ზღვრულ რაოდენობას, მისი დაშვება მოხდება B2/1 დონეზე. 93%-ზე მეტის მიღების შემთხვევაში თუ სტუდენტი არ გამოცხადდება ტესტირებაზე, მისი დაშვება მოხდება B2/1 დონეზე.
სწავლების ორგანიზების თავისებურებები:	ბაკალავრის აკადემიური ხარისხის მოსაპოვებლად ქართულ ფილოლოგიაში სტუდენტმა უნდა დააგროვოს 240 კრედიტი, რაც გულისხმობს: • კომპეტენციის მაფორმირებელ სავალდებულო საგნებს– 132 ECTS ( მათ შორის ინგლისური ენა B 2/2 6 ECTS); • საუნივერსიტეტო სავალდებულო-არჩევითი ბლოკების 30 ECTS (18 ECTS სოციალურ/ჰუმანიტარული ბლოკიდან და 12 ECTS STEM ბლოკიდან), • თავისუფალ კრედიტს 18 ECTS; • დამატებით სპეციალობის საგნებს 60 ECTS.

ჰუმანიტარულ-სოციალური ბლოკი


კოდი	საგანი	კრედიტი	სემესტრი
ANTH3130	კულტურული ანთროპოლოგიის საფუძვლები	6	1,2,4
HIST1222	რუსული ოკუპაციის ისტორია საქართველოში	6	1,2,4
LAWB1155	დებატები და კრიტიკული აზროვნება	6	1,2,4
LAWB1195	მოქალაქეობა თანამედროვე მსოფლიოში	6	1,2,4
LITR1212	დიადი წიგნები	6	1,2,4
BUSN4433	ეკონომიკა, ბიზნესი, მენეჯმენტი	6	1,2,4
HIST1118	ცივილიზაციები და კაცობრიობის განვითარება	6	1,2,4
LAWB1177	აზროვნება და მორალი	6	1,2,4
POLI2260	პოლიტიკური იდეოლოგიების საფუძვლები	6	1,2,4
	კრედიტების ჯამი:	18

STEM ბლოკი


კოდი	საგანი	კრედიტი	სემესტრი
MATH1414	ანალიტიკური და რაოდენობრივი აზროვნება	6	1,2
STEM0002	გამომგონებლობის ტექნოლოგიები	6	1,2
STEM0005	თანამედროვე ტექნოლოგიები	6	1,2
STEM0007	მათემატიკა და ცივილიზაციები	6	1,2
STEM0010	ლოგიკა	6	1,2
STEM0011	კომპიუტერული აზროვნება	6	1,2
STEM0003	მსოფლიოს უდიდესი აღმოჩენები	6	1,2
STEM0004	თამაშთა თეორია	6	1,2
STEM0012	ადამიანის ბიოლოგია და ჯანმრთელობა	6	1,2
STEM0013	კიბერ ჰიგიენის საფუძვლები	6	1,2
	კრედიტების ჯამი:	12

პროგრამის ძირითადი


კოდი	საგანი	კრედიტი	სემესტრი
ENGL3213	ინგლისური ენა VI (B2/2)	6	1
LING1130	ენათმეცნიერების შესავალი	6	1
KART1140	ქართული ენა I	6	1
PHIL1217	შესავალი ქართულ ფილოლოგიაში	6	2
KART1220	აკადემიური წერა	6	3
KART1230	ქართული ლიტერატურის ისტორია I	6	3
KART1240	ქართული ენა II	6	2
LITR1120	მსოფლიო ლიტერატურის ისტორიის შესავალი	6	3
KART2131	ქართული ლიტერატურის ისტორია II	6	4
KART2140	ქართული ენა III	6	3
HIST1230	შესავალი საქართველოს ისტორიაში	6	5
KART2230	ქართული ლიტერატურის ისტორია III	6	5
KART2240	ქართული ენა IV	6	4
LITR2217	ლიტერატურათმცოდნეობისა და ლიტერატურის თეორიის საფუძვლები	6	5
KART3117	ქართული ენის სტილისტიკა და ლექსიკოლოგია	6	6
KART3131	ქართული ლიტერატურის ისტორია IV	6	6
KART4138	რუსთველოლოგია	6	6
KART3227	ძველი ქართული ენა და პალეოგრაფია	6	7
KART3147	ქართული სალიტერატურო ენის ისტორია	6	8
KART4227	ქართული მითოლოგია და ფოლკლორი	6	8
KART4240	საბაკალავრო ნაშრომი ქართულ ფილოლოგიაში	12	8
	კრედიტების ჯამი:	132

პროგრამის ასარჩევი


კოდი	საგანი	კრედიტი
HIST2150	ანტიკური კულტურის საფუძვლები	6
TRANS4110	თარგმანის თეორია	6
HIST3125	ქართველთა ცხოვრება - მატიანე და ისტორია	6
HIST4187	ქართული ბიოგრაფიული და ჰაგიოგრაფიული ჟანრის თხზულებები-საქართველოს ისტორიის წყარო	6
ARTS2140	ქართული ხელოვნების ისტორია	6
KART1217	რიტორიკა	6
GREK2217	ძველი ბერძნული ენა	6
KART1211	საჯარო გამოსვლა და პრეზენტაცია	6
LATN2217	ლათინური ენა	6
PHIL2130	ფილოსოფიური აზრის ისტორია	6
KART3231	ქართული კულტურის პარადიგმები	6
LANC2117	ენა და ინტერკულტურული კომუნიკაცია	6
ORBC1223	ზეპირი ბიზნესკომუნიკაცია	3
WRBC1223	წერითი ბიზნესკომუნიკაცია	3
	კრედიტების ჯამი:	60

პრერეკვიზიტების მატრიცა

შედეგების საშუალო	შედეგების საშუალოს კოეფიციენტი (GPA)	საუნივერსიტეტო შეფასება	საქართველოში მოქმედი ზოგადი შეფასება
97-100	4,00	A+	A	ფრიადი
94-96	3,75	A
91-93	3,50	A-
87-90	3,25	B+		ძალიან კარგი
84-86	3,00	B	B
81-83	2,75	B-
77-80	2,50	C+	C	კარგი
74-76	2,25	C
71-73	2,00	C-
67-70	1,75	D+	D	დამაკმაყოფილებელი
64-66	1,50	D
61-63	1,25	D-
51-60	1,00	E	E	საკმარისი
უარყოფითი შეფასება
41-50		FX	FX	ვერ ჩააბარა
<40		F	F	ჩაიჭრა