პროგრამის მიზანია კონკურენტუნარიანი, მაღალკვალიფიციური სპეციალისტების მომზადება, რომლებსაც ექნებათ  მათემატიკის სხვადასხვა დარგის (მათემატიკური ანალიზის, ჩვეულებრივი და კერძოწარმოებულიანი დიფერენციალური განტოლებების, ანალიზური გეომეტრიის, ალბათობის თეორიისა და მათ. სტატისტიკის, ალგებრის, ლოგიკის, კომპლექსური ანალიზის, ნამდვილი ცვლადის ფუნქციათა თეორიის, ოპტიმიზაციის მეთოდების, რიცხვითი მეთოდების და მათემატიკური მოდელირების) საფუძვლების, დაპროგრამების საფუძვლების, საოფისე სისტემების ცოდნა, შეეძლებათ მათემატიკის სხვადასხვა დარგში წარმოქმნილი პრობლემების შესწავლა, ანალიზი და ექნებათ შესაბამისი დასკვნის გაკეთების უნარი.

კურსდამთავრებულები შეიძლება დასაქმდნენ მეცნიერების, ბიზნესის სფეროში, სხვადასხვა კერძო ორგანიზაციებსა და სახელმწიფო სტრუქტურებში, სადაც მოთხოვნადია ანალიტიკური აზროვნება და სხვადასხვა მათემატიკური მეთოდების გამოყენება.

კურსდამთავრებულებს შესაძლებლობა ექნებათ სწავლა გააგრძელონ განათლების შემდეგ საფეხურზე როგორც საქართველოში, ასევე მის ფარგლებს გარეთ.

• წიგნზე მუშაობის მეთოდი
• ახსნა-განმარტებითი მეთოდი
• ინტერაქტიული ლექციები
• პრაქტიკული მუშაობა
• კრიტიკული ანალიზი
• შესაბამისი მასალის მოძიება ელექტრონულ ფორმატში ან ბიბლიოთეკაში.
• წერითი მუშაობის მეთოდი
• ვერბალური, ანუ ზეპირსიტყვიერი მეთოდი
• პრეზენტაციების წარდგენა
• დისკუსიები
• ლაბორატორიული მეცადინეობა
• ლექცია-სემინარები
• დემონსტირების მეთოდი
• ვიდეო-აუდიო სასწავლო მასალის გამოყენება
• ლიტერატურის მიმოხილვა
• თემების დაწერა
• გუნდური მუშაობა
• პრობლემის გადაჭრაზე ორიენტირებული სავარჯიშოები
• შემთხვევის შესწავლა და ანალიზი
• სიახლეთა გარჩევა

პროგრამის ძირითადი საგნების სწავლის შედეგები შეესაბამება პროგრამის მიზნებსა და შედეგებს და ემსახურება ზოგადი დარგობრივი კომპეტენციების გამომუშავებას. ძირითადი კურსების შინაარსობრივი და ლოგიკური თანმიმდევრობა უზრუნველყოფს კონკრეტულ მოდულებში ჩაღრმავების შესაძლებლობას, რაც კურსდამთავრებულს გამოუმუშავებს კვალიფიკაციის შესაბამის და დასაქმების ბაზარზე ორიენტირებულ კომპეტენციებს. არჩევითი კურსები ემსახურება სტუდენტის ინტერესის მიხედვით ცოდნის გაღრმავებას სპეციალობის სხვადასხვა მიმართულებით.

პროგრამა შედგენილია იმგვარად, რომ გათვალისწინებულია სტუდენტების დიფერენციაცია ენობრივი კომპეტენციების მიმართულებით. კერძოდ, სტუდენტი იწყებს ინგლისურ ენას იმ ეტაპიდან, რომელიც შეესაბამება მის ცოდნას, რაც დგინდება ერთიან ეროვნულ გამოცდებზე მიღებული შეფასების და შიდა გამოცდის საფუძველზე.

ერთიან ეროვნულ გამოცდაზე დადგენილი მაქსიმალური ნედლი ქულის

• 63%-ის მიღების შემთხვევაში სტუდენტის დაშვება ხდება ინგლისური ენის B1/1 დონეზე;
• 64%-დან 86%-ის მიღების შემთხვევაში  - B1/2 დონეზე;
• 87%-დან 100%-ის მიღების შემთხვევაში - B2/1 დონეზე.
• 93%-ზე მეტის მიღების შემთხვევაში სტუდენტს უტარდება ენის კომპეტენციის დამდგენი ტესტირება და ზღვრული ქულების დაგროვების შემთხვევაში, სტუდენტს შეეძლება რეგისტრაცია ინგლისური ენის B2/2 დონეზე. თუ სტუდენტი ვერ დააგროვებს ზღვრულ რაოდენობას, მისი  დაშვება მოხდება B2/1 დონეზე.  
• 93%-ზე მეტის მიღების შემთხვევაში თუ სტუდენტი არ გამოცხადდება ტესტირებაზე, მისი დაშვება მოხდება B2/1 დონეზე.

მათემატიკის ბაკალავრის აკადემიური ხარისხისმოსაპოვებლად სტუდენტმასაჭიროა დააგროვოს 240 კრედიტი, რაცგულისხმობს:

·         პროგრამის ძირითადსაგნებს 126 ECTS,

·         პროგრამის არჩევით საგნებს 36 ECTS;

·         საუნივერსიტეტო არჩევითი STEM ბლოკიდან 6 ECT;

·         საუნივერსიტეტო არჩევითი ჰუმანიტარულ-სოციალური ბლოკიდან 12 ECTS.

 დარჩენილი 60 ECTS სტუდენტს შეუძლიადააგროვოს:

·         პროგრამის არჩევითი საგნებით

·         დამატებითი სპეციალობის საგნებით. (დამატებითი სპეციალობა სტუდენტსარ ანიჭებსაკადემიურ ხარისხს, თუმცა ძირითადსპეციალობასთან კომბინაციაში, აღრმავებს სტუდენტისზოგად კომპეტენციებს და /ან აძლევს შესაძლებლობას, შეიძინოს გარკვეულისაბაზისო ცოდნა, რომელიც ძირითადსპეციალობასთან ერთადჩამოუყალიბებს მასდასაქმებისთვის ანგანათლების შემდგომსაფეხურზე სწავლისგაგრძელებისათვის საჭიროდარგობრივ კომპეტენციებს);

·         თავისუფალი კრედიტების საგნებით (ინგლისური ენის კომპეტენციის გაუმჯობესების მიზნით სტუდენტს შეუძლია გამოიყენოს თავისუფალი კრედიტები).