eng

საქართველოს უნივერსიტეტი
პროგრამა: ინგლისური ფილოლოგია
განათლების საფეხური: მაგისტრატურა
ხელმძღვანელი: მაია ჩხეიძე
სწავლების ენა: ინგლისური
მისანიჭებელი კვალიფიკაცია: ინგლისური ფილოლოგიის მაგისტრი
პროგრამის მოცულობა: 120
პროგრამაზე დაშვების წინაპირობა: პროგრამაზე დაშვების წინაპირობა (საქართველოს მოქალაქეებისათვის): აკადემიური უმაღლესი განათლების მეორე საფეხურზე (სამაგისტრო პროგრამებზე) სტუდენტთა ჩარიცხვა ხორციელდება ერთიანი სამაგისტრო გამოცდების შედეგების საფუძველზე ან საქართველოს განათლებისა და მეცნიერების მინისტრის №224/ნ (2011 წლის 29 დეკემბერი) ბრძანების შესაბამისად, ინგლისურ ენაში (წერითი) და სპეციალობაში (ზეპირი) გამოცდის წარმატებით გავლის, ადმინისტრაციული რეგისტრაციისა და უნივერსიტეტის პრეზიდენტების ბრძანების საფუძველზე. პროგრამაზე დაშვების წინაპირობა (უცხო ქვეყნის მოქალაქეებისათვის): უცხოელმა აბიტურიენტებმა, რომლებმაც მიიღეს სრული საბაკალავრო განათლება საზღვარგარეთ ან მისი ექვივალენტი, ან/და ან/და ბოლო ორი წლის განმავლობაში ისწავლეს საზღვარგარეთ, ან სტუდენტები, რომლებიც უცხო ქვეყანაში ცხოვრობდნენ ბოლო ორი ან მეტი წლის განმავლობაში და სწავლობენ საზღვარგარეთ მასპინძელი ქვეყნის კანონმდებლობით აღიარებულ უმაღლეს საგანმანათლებლო ინსტიტუტებში შეძლებენ პროგრამაში ჩარიცხვას ერთიანი ერთიანი სამაგისტრო გამოცდების ჩაბარების გარეშე №224 / ნ საქართველოს განათლებისა და მეცნიერების სამინისტრო (29 დეკემბერი, 2011) ბრძანების თანახმად. ინგლისური ენის სავალდებულო კომპეტენცია განისაზღვრება B2 დონით. ინგლისურის დონის დასადასტურებლად სტუდენტს უღიარდება საერთაშორისო სერტიფიკატები: TOEFL IBT – მინიმალური ქულა 80; IELTS – მინიმალური ქულა 6; PTE General – მინიმალური დონე B2; FCE – მინიმალური დონე B.  სტუდენტებს, რომლებსაც არ გააჩნიათ ინგლისური ენის კომპეტენციის დამადასტურებელი სერტიფიკატი, საქართველოს უნივერსიტეტი ჩაუტარებს B2 დონის შესაბამის ტესტს, სადაც კომპეტენციის დადასტურებად ჩაითვლება ტესტის 70% -ის გადალახვა“.
პროგრამის მიზანი:

პროგრამის მიზანს წარმოადგენს ინგლისური ფილოლოგიის სააზროვნო სივრცისათვის რელევანტური თეორიებისა და კვლევის მეთოდების რეალურ პრაქტიკულ კვლევებში სრულფასოვნად და მიზნობრივად გამოყენების უნარის მქონე მაღალკვალიფიციური სპეციალისტის მომზადება, რომელიც შეძლებს ინგლისური ფილოლოგიის სააზროვნო სივრცის ინტერდიციპლინარულობის, პოლიპარადგიმულობისა და ინტერპარადიგმულობის სიღრმისეულ გააზრებას, ლინგვისტიკისა და ლიტერატურის, კულტუროლოგიისა და სოციოლოგიის სააზროვნო სივრცეებისათვის რელევანტური თეორიების ექსპლონატორული პოტენციალისა და პრაქტიკული ღირებულების გაცნობიერებას.
დასახული მიზანი მიიღწევა, ერთი მხრივ, სასწავლო გეგმაში თეორიული და პრაქტიკული (კვლევითი) კომპონენტების სინთეზირებით, მეორე მხრივ კი, პროგრამის ინტერდიციპლინარიმზე ორიენტირებულობით, რაც მნიშვნელოვნად აფართოებს პროგრამის კურსდამთავრებულთა კომპეტენციასა და ზრდის მათი წარმატების შანსებს როგორც ადგილობრივ, ისე საერთაშორისო შრომით ბაზარზე.
ითვალისწინებს რა, ერთი მხრივ, ინგლისური ფილოლოგიის სააზროვნო სივრცის ინტეგრატიულობას, მეორე მხრივ კი, თანამედროვე შრომითი ბაზრის მზარდ მოთხოვნებს, პროგრამა ორიენტირებულია ფილოლოგიური კვლევისათვის შესაბამისი ეთიკის კომპეტენციის, თეორიული ცოდნისა და პრაქტიკული უნარების მქონე ინგლისური ფილოლოგიის სპეციალისტის ჩამოყალიბებაზე.
პროგრამა ორიენტირებულია სტუდენტის ინტერესებისა და მოთხოვნების დაკმაყოფილებაზე, სტუდენტისთვის პიროვნული და აკადემიური თავისუფლებით სარგებლობის, ეთიკური და პროფესიული იდეალების დაცვის, დამოუკიდებელი კვლევების დაგეგმვისა და განხორციელების უნარის გამომუშავებაზე, შესაბამისად კი, მაღალი კონკურენტულობის, ინგლისური ფილოლოგიის სფეროსათვის რელევანტური თეორიული ცოდნისა და პრაქტიკული უნარების მქონე პროფესიული კადრის მომზადებაზე.

სწავლის შედეგების მიღწევის მეთოდები/აქტივობები:
  • ანალიზი და სინთეზი
  • წიგნზე მუშაობის მეთოდი
  • წერითი მუშაობა
  • ახსნა-განმარტებითი მეთოდი
  • დემონსტრირების მეთოდი
  • ლექცია-სემინარი
  • ინტერაქტიული მეცადინეობები
  • პრეზენტაციების წარდგენა
  • ზეპირსიტყვიერი, ანუ ვერბალური მეთოდი
  • დისკუსია/დებატები
  • შემთხვევის ანალიზი
  • გუნდური მუშაობა
სწავლის შედეგი:
ცოდნა და გაცნობიერება
  • კურსდამთავრებულმა:

    იცის:

    • ენის, კულტურის, მენტალური რეპრეზენტაციებისა და სოციალური ქცევის ურთიერთდამოკიდებულების არსი;
    • თანამედროვე ლინგვისტიკის პარადიგმების, ტენდენციებისა და კონცეფციების სამეცნიერო მახასიათებლები, თანამედროვე ლინგვისტიკის შესწავლის ობიექტების კონსტრუირების პრინციპები, თანამედროვე ლინგვისტური თეორიებისა და კვლევითი მიდგომების განმარტებითი პოტენციალი და პრაქტიკული მნიშვნელობა;
    • ინგლისური ენის კომპეტენტური გამოყენებისათვის (C1) რელევანტური სირთულისა და სხვადასხვა კომუნიკაციური მიზანდასახულობის მქონე ტექსტების კონსტრუირების პრინციპები, ეფექტური ინტერკულტურული და პროფესიული (ბიზნესკომუნიკაციის) კომუნიკაციის სტრატეგიები და ეთიკის ნორმები;
    • მხატვრული ლიტერატურის ნიმუშების ანალიზის პრინციპები ლინგვისტური და სოციოკულტურული კონტექსტის, ფილოსოფიური, ესთეტიკური, პოლიტიკური და სოციალური თვალსაზრისების გათვალისწინებით;
    • პროექტის მართვის მეთოდების, ინსტრუმენტებისა და პროექტის სასიცოცხლო ციკლის სპეციფიკა.

    აღწერს:

    • ინგლისური ენის ისტორიასა და ინგლისური ენის განვითარების დინამიკას ისტორიული ლინგვისტიკის სიღრმისეული ცოდნის გამოყენებით;
    • ენობრივი, კულტურული და სოციალური აღქმის ურთიერთმიმართებს სხვადასხვა სააზროვნო სივრცეთა ინტერსექციურობის სიღრმისეული გააზრების საფუძველზე;
    • ლინგვისტიკის დარგებს შორის არსებულ "გენეალოგიური" მიმართებებების, ლინგვისტური აზროვნების დინამიკისა და თანამედროვე ლინგვისტიკის პარადიგმული სიტუაციის თავისებურებებს მემკვიდრეობითობის, პოლიპარადიგმულობისა და ინტეგრატიულობის არსის სიღრმისეული გააზრების გზით;
    • მხატვრული ტექსტის პროცესირების თავისებურებებს სტრუქტურალისტური და კოგნიტური სემანტიკის თეორიული და მეთოდოლოგიური მიდგომების (წესების, პრინციპებისა და მეთოდების), ასევე პოლიპარადიგმულობისა და ინტეპარადიგმულობის ფენომენების სპეციფიკის სისტემური და სიღრმისეული ცოდნის გამოყენებით.

  • უნარი
  • კურსდამთავრებული:

    • კრიტიკულად აანალიზებს ინგლისური ენის ცვლილებათა გამომწვევ მიზეზებს;
    • კრიტიკულად აანალიზებს ფილოლოგიური კვლევისათვის რელევანტური მეთოდოლოგიური მიდგომების, პარადიგმების, ტენდენციების სამეცნიერო მახასიათებლების სპეციფიკას, თანამედროვე თეორიების განმარტებით პოტენციალსა და პრაქტიკულ მნიშვნელობას;
    • ახორციელებს მხატვრული ტექსტის ინტერპრეტაციას ლინგვისტური და სოციოკულტურული კონტექსტის, ფილოსოფიური, ესთეტიკური, პოლიტიკური და სოციალური თვალსაზრისების გათვალისწინებით;
    • ახდენს ფილოლოგიის სააზროვნო სივრცისათვის რელევანტურ თეორიულ და მეთოდოლოგიურ მიდგომათა სინთეზირებას ლინგვისტურ კვლევაში, ასევე მხატვრული ტექსტის ინტეგრატიული ინტერპრეტაციისას;
    • აგებს სხვადასხვა კომუნიკაციური მიზანდასახულობის ეფექტურად სტრუქტურირებულ წერილობით და ზეპირ ტექსტებს სპონტანურად, შეუფერხებლად ადეკვატური სტრატეგიების, სტილის, ორგანიზაციული მოდელებისა და კოჰეზიური საშუალებების მიზნობრივი გამოყენებით;
    • ახორციელებს ეფექტურ კომუნიკაციას ინტერკულტურული და პროფესიული კომუნიკაციის (ბიზნესკომუნიაციისათვის) სფეროებისათვის რელევანტურ ლინგვისტურ და ექსტრალინგვისტურ კომპეტენციათა სინთეზირებისა და ეთიკური ნორმების დაცვის გზით;
    • ამზადებს და მართავს პროექტს ეფექტიანობის, ეფექტურობისა და წარმატების განმსაზღვრელი ფაქტორების გათვალისწინებით;
    • ფილოლოგიის სფეროსათვის რელევანტურ საკითხებზე არგუმენტირებული დასკვნის ჩამოყალიბების მიზნით იძიებს ინფორმაციას სხვადასხვა წყაროდან, ახდენს საკითხთა თანმიმდევრულად, ნათლად ფორმულირებასა და პრეზენტაციას როგორც სპეციალისტებთან (ფილოლოგები, ენის მასწავლებლები), ისე არასპეციალისტებთან (ფართო საზოგადოება) თანამედროვე საინფორმაციო და საკომუნიკაციო ტექნოლოგიების მიზნობრივი გამოყენებით.

  • პასუხისმგებლობა და ავტონომიურობა
  • კურსდამთავრებული:

    • ითვისებს რა ფილოლოგიის კომპლექსურ, მულტიპარადიგმულ, ინტერპარადიგმულ და მულტიდისციპლინარულ სივრცეს, იღებს პასუხისმგებლობას პროფესიულ განვითარებაზე მის მიერ ჩატარებული კვლევის მონაცემთა ანალოგიზაცია/კონტრასტირების, სინთეზირებისა და კვლევის შედეგების რეპრეზენტაციის, მის მიერ მომზადებულ ნაშრომებში (რეფერატი, მცირე კვლევა, სამაგისტრო ნაშრომი) ფილოლოგიის სააზროვნო სივრცის სისტემური და სიღრმისეული ცოდნის გამოყენებისა და აკადემიური პატიოსნების სტანდარტების დაცვის გზით.
  • პროგრამის დამტკიცების თარიღი: 01-19-2022
    პროგრამის დამტკიცების ოქმის ნომერი: 01/22
    პროგრამის განახლების თარიღი:
    პროგრამის განახლების ოქმის ნომერი:
    პროგრამის დეტალები:

    ინგლისური ფილოლოგიის სამაგისტრო პროგრამის შინაარსი და სტრუქტურა მოიცავს სასწავლო და კვლევით კომპონენტებს: მაგისტრის აკადემიური ხარსისხის მოსაპოვებლად ინგლისურ ფილოლოგიაში განსაზღვრულია 120 ECTS რაც მოიცავს: პროგრამის ძირითად საგნებს - 108 ECTS (მათ შორის სამაგისტრო ნაშრომის მომზადება და დაცვა – 30 კრედიტი); ასარჩევ საგნებს - 12 ECTS.

    სწავლების ორგანიზების თავისებურებები:

    პროგრამის ძირითადი

    კოდი საგანი კრედიტი სემესტრი
    ACWR5110Eაკადემიური წერა და კვლევა6 1
    ELTS5210Eინგლისური ენა დროსა და სივრცეში6 1
    MOLG5110Eთანამედროვე ლინგვისტიკა6 1
    RMLG5320Eლინგვისტური კვლევის მეთოდები3 1
    TECT5120Eტექსტი და კონტექსტი9 1
    BSCM5320Eბიზნესკომუნიკაცია6 2
    LCUS5210Eენა, კულტურა და საზოგადოება6 2
    LITH5210Eლიტერატურის თეორია: კრიტიკა და ისტორია I6 2
    PTML5210Eპარადიგმები და ტენდენციები თანამედროვე ლინგვისტიკაში6 2
    INCM5310Eინტერკულტურული კომუნიკაცია6 3
    LALT5210Eმხატვრული ტექსტის ლინგვისტური ანალიზი6 3
    LITH5310Eლიტერატურის თეორია: კრიტიკა და ისტორია II6 3
    MGMT0613პროექტის მენეჯმენტი6 3
    ENGL6110Eსამაგისტრო ნაშრომი ინგლისურ ფილოლოგიაში30 4

    კრედიტების ჯამი:

    108

    პროგრამის ასარჩევი

    კოდი საგანი კრედიტი
    APLG5310Eგამოყენებითი ლინგვისტიკა6
    EDUC5112Eგანათლების პოლიტიკა და გლობალიზაცია6
    EDUC5212Eსწავლებისა და სწავლის თეორიები და სტრატეგიები6
    EDUC5215Eგანათლების ფილოსოფია6
    EDUC5216Eგანათლების სოციოლოგია6
    ENGL5214Eინგლისური ენა C1/16
    LAGD5320Eენა და გენდერი6
    MDDS5310Eმედია დისკურსი6
    TELG5420Eტექსტის ლინგვისტიკა6
    UDLT5410Eუტოპიური და დისტოპიური ლიტერატურა6
    DSAN5310Eდისკურსის ანალიზი6
    EDUC5115Eინკლუზიური განათლება6
    EDUC5124Eგანათლების ლიდერობა და მართვა3
    EDUC5214Eკურიკულუმის განვითარება3
    EDUC5219Eინფორმაციული საკომუნიკაციო ტექნოლოგიები განათლებაში6
    ENGL5215Eინგლისური ენა C1/26
    ENGP5216Eინგლისური ენა პოლიტიკაში3
    GELT5510Eგენდერი და ლიტერატურა6
    HELS5410Eჰეროიზმი ლიტერატურასა და საზოგადოებაში6
    PRAG5310Eპრაგმატიკა6
    SOLG5310Eსოციოლინგვისტიკა6

    კრედიტების ჯამი:

    117









    პრერეკვიზიტების მატრიცა


    შედეგების საშუალო შედეგების საშუალოს კოეფიციენტი (GPA) საუნივერსიტეტო შეფასება   საქართველოში მოქმედი ზოგადი შეფასება
    97-100 4,00 A+ A ფრიადი
    94-96 3,75 A
    91-93 3,50 A-
    87-90 3,25 B+   ძალიან კარგი
    84-86 3,00 B B
    81-83 2,75 B-  
    77-80 2,50 C+   C კარგი
    74-76 2,25 C
    71-73 2,00 C-
    67-70 1,75 D+   D დამაკმაყოფილებელი
    64-66 1,50 D
    61-63 1,25 D-
    51-60 1,00 E E საკმარისი
    უარყოფითი შეფასება
    41-50   FX FX ვერ ჩააბარა
    <40   F F ჩაიჭრა



    ყველა უფლება დაცულია.Copyright © 2022 საქართველოს უნივერსიტეტი