eng

საქართველოს უნივერსიტეტი
პროგრამა: ბლოკჩეინი - დეცენტრალიზებული ინფორმაციული სისტემები
განათლების საფეხური: მაგისტრატურა
ხელმძღვანელი: დავით კიზირია
სულხან სულხანიშვილი
სწავლების ენა: ქართული
მისანიჭებელი კვალიფიკაცია: ინფორმაცული სისტემების მაგისტრი
პროგრამის მოცულობა: 120
პროგრამაზე დაშვების წინაპირობა: აკადემიური უმაღლესი განათლების მეორე საფეხურზე (სამაგისტრო პროგრამებზე) სტუდენტთა ჩარიცხვა ხორციელდება საერთო სამაგისტრო გამოცდების შედეგების საფუძველზე ან საქართველოს განათლებისა და მეცნიერების მინისტრის №224/ნ (2011 წლის 29 დეკემბერი) ბრძანების შესაბამისად, ინგლისურ ენაში (წერითი გამოცდა სადაც ინგლისურის დონე განისაზღვროს B2) და სპეციალობაში (ზეპირი) გამოცდის წარმატებით გავლის, ადმინისტრაციული რეგისტრაციის და პრეზიდენტების ბრძანების საფუძველზე.
პროგრამის მიზანი:

პროგრამის მიზანია როგორც ლოკალური, ასევე გლობალური ბაზარისთვის თანამედროვე, კონკურენტუნარიანი, მაღალი რანგის სპეციალისტების (პროგრამისტები, კონსულტანტ/სისტემ-ანალიტიკოსები და IT მენეჯერები) ფორმირება, რომლებიც IV ინდუსტრიული რევოლუციისა და კრიპტოეკონომიკის კონტექსტში, უახლესი ტექნოლოგიებისა და მიდგომების სისტემური სინთეზის გზით შექმნიან და განავითარებენ თანამედროვე გამოწვევებზე ორიენტირებულ ტექნოლოგიურ სოლუშენებს - ბლოკჩეინ-ტექნოლოგიებზე დაფუძნებულ დეცენტრალიზებულ ინფორმაციულ სისტემებსა და სერვისებს. პროგრამა ორიენტირებულია, ბაზრის მოთხოვნების შესაბამისი სასწავლო პროგრამის შექმნითა და ბლოკჩეინ-ტექნოლოგიების სფეროში მაღალი რანგის სპეციალისტების ფორმირების გზით, ხელი შეუწყოს საქართველოში უახლესი ტექნოლოგიების, მათზე დაფუძნებული სოლუშენების სწრაფ განვითარებას, IT სფეროში ექსპერტიზისა და საექსპორტო პოტენციალის ზრდასა და ქვეყნის გლობალურ ციფრულ საზოგადოების რეგიონალურ ლიდერად ფორმირებას.
კურსდამთავრებულები შეიძლება დასაქმდნენ, საქართველოსა და უცხოეთში IT მიმართულებით, საჯარო თუ კერძო სექტორში, მაღალი რანგის სპეციალისტებად. ასევე, შეუძლიათ შექმნან საკუთარი სტარტაპი ან გაარგრძელონ სწავლა დოქტორანტურაში.

სწავლის შედეგების მიღწევის მეთოდები/აქტივობები:
  • ახსნა-განმარტებითი მეთოდი;
  • გუნდური მუშაობის მეთოდი;
  • დემონსტრირების მეთოდი;
  • დისკუსიურ-დებატური თემების წარმოდგენა და დაცვა ვერბალური, ანუ ზეპირსიტყვიერი მეთოდი;
  • ინტერაქტიული მეცადინეობები. კვლევების ჩატარება; კრიტიკული ანალიზი;
  • ლექცია-სემინარები;
  • ლიტერატურის მიმოხილვა;
  • მზარდი სირთულის კვლევის წარმოება. 
  • პრაქტიკული მუშაობა;
  • პრეზენტაციების წარდგენა;
  • პრობლემების დასმა და მათი გადაჭრა;
  • პრობლემის გადაჭრაზე ორიენტირებული სავარჯიშოები;
  • პროექტები;
  • საკუთარი სამუშაოს კრიტიკული შეფასება;
  • სიახლეთა გარჩევა;
  • სხვათა სამუშაოს კონსტრუქციული კრიტიკა. 
  • შესაბამისი მასალის მოძიება ელექტრონულ ფორმატში ან ბიბლიოთეკაში. 
  • წერითი მუშაობის მეთოდი;
  • ელექტრონული სწავლებისა და თანამშრომლობა- ინტერაქციის მეთოდები
სწავლის შედეგი:
ცოდნა და გაცნობიერება
    • ექსპერტიზა ბლოკჩეინზე დაფუძნებულ დეცენტრალიზებულ სისტემებში, მათ შორის კრიპტოვალუტებში, ჭკვიან აქტივებში, ჭკვიან კონტრაქტებში, კიბერფიზიკურ სისტემებში, მონაცემთა ბაზებსა და დეცენტრალიზებული სისტემების პროგრამირებაში, უახლესი ტექნოლოგიური ტენდენციებისა და თანამედროვე მიდგომების კონტექსტში; ამ ცოდნის საფუძველზე, მათ ექნებათ ფართო, სისტემური პერსპექტივა და აცნობიერებენ ბლოკჩეინ ტექნოლოგიის სარგებელს, მის რეალურ პოტენციალს, პოტენციურ რისკებსა და შესაძლებლობების შეზღუდვის სფეროებს;
    • სიტუაციის ანალიზისთვის საჭირო მეთოდების სიღრმისეული და სისტემატური ცოდნა, ასევე ანალიზის მეთოდების შეგნებულად და შესაბამისად შერჩევის უნარი, რაც საშუალებას მისცემს სიტუაციის მრავალმხრივ და სისტემატურ შესწავლას (ჩართული მხარეები, გამოწვევები, გლობალური და ადგილობრივი კონტექსტები და ა.შ.); 
    • პრობლემის ანალიზის მეთოდების ღრმა და სისტემატური ცოდნა, რათა დაინახონ და გაიგონ მის წინაშე მდგომ კონკრეტულ კლიენტთან, მოცემულ დეცენტრალიზებულ საინფორმაციო გადაწყვეტასთან, დეცენტრალიზებულ ონლაინ სერვისებთან ან დეცენტრალიზებულ კიბერსისტემებთან დაკავშირებული პრობლემები, შეარჩიონ კვლევის წყაროები და ტექნიკა, გამოავლინონ და პრიორიტეტულად დაასახელონ პრობლემები;
    • ბლოკჩეინზე დაფუძნებული პროექტის მიზნების ანალიზის ჩატარების სიღრმისეული და სისტემატური ცოდნა, რათა დაინახოს და გაიგოს მის წინაშე არსებული რეალისტური მიზნები ფართო კონტექსტში არსებული პრობლემების გადასაჭრელად და ამ მიზნების სწორად იდენტიფიცირებისა და პრიორიტეტულობის დასადგენად;
    • ინოვაციური განვითარების სფეროში სიღრმისეული და სისტემატური ცოდნა, რომელიც ხელს უწყობს ახალ, ორიგინალურ კონცეფციებზე დაფუძნებული, თანამედროვე გამოწვევებზე ორიენტირებული და გლობალურ ბაზარზე კონკურენტუნარიანი დეცენტრალიზებული საინფორმაციო სისტემების, გადაწყვეტილებების ან სერვისების განვითარების აუცილებელი მოთხოვნების გააზრებას;
    • ფართო კონტექსტის გათვალისწინებით, ბლოკჩეინზე დაფუძნებული გადაწყვეტილებების კონცეფციების გენერირების ღრმა და სისტემატური ცოდნა ახალი, ორიგინალური გადაწყვეტილებების შესამუშავებლად, პროექტის სასურველი შედეგების ზოგადი სურათის დასადგენად და მათგან ოპტიმალურის შეგნებულად შერჩევის უნარის შესანარჩუნებლად; 
    • ტოკენ ეკონომიკის კონტექსტში, ინოვაციური ბიზნეს მოდელების საფუძვლიანი გაგება, რაც საშუალებას აძლევს მათ გაიგონ შესაძლებლობები და რისკები, რომელთა წინაშეც შეიძლება აღმოჩნდეს ისინი და/ან მათი კლიენტის ბიზნესი ან პროექტი. გარდა ამისა, ეს ხელს შეუწყობს ამ შესაძლებლობების საფუძველზე ბლოკჩეინზე დაფუძნებული გამომგონებელი ბიზნეს მოდელების შემუშავებას და, სურვილის შემთხვევაში, წარმატებული სტარტაპების დაგეგმვას.
    • ფართო კონტექსტის გათვალისწინებით, ბლოკჩეინზე დაფუძნებული ბიზნეს პროცესების შემუშავებისთვის აუცილებელი მეთოდების ღრმა და სისტემატური ცოდნა, რაც საშუალებას მოგვცემს გავიგოთ მომხმარებლის საჭიროებები, მოცემული დეცენტრალიზებული საინფორმაციო სისტემისთვის ოპტიმალური ბიზნეს პროცესები;
    • ფართო კონტექსტის გათვალისწინებით, ბლოკჩეინზე დაფუძნებული საინფორმაციო სისტემის IT არქიტექტურის დაგეგმვის ღრმა და სისტემატური ცოდნა ყველაზე ოპტიმალური ვარიანტის გასაგებად და ადეკვატურად შესარჩევად;
    • ინფორმაციული სისტემების/სერვისების დაგეგმვის, მართვისა და მონიტორინგის ექსპერტიზა, რაც კანდიდატს საშუალებას მისცემს გაიაზროს ოპტიმალური მეთოდები და შეარჩიოს ყველაზე შესაფერისი სტრატეგიები, რათა უზრუნველყოს პროგრამული კოდის დაგეგმვის, შემუშავების, ტესტირებისა და მომსახურების დოკუმენტირების პროცესის წარმატებული მართვა მომხმარებლის საჭიროებების და პროექტის სპეციფიკური ტექნიკური და სისტემური მოთხოვნების შესაბამისად; 
    • მონაცემთა ბაზების, ასევე ბლოკჩეინზე დაფუძნებული საინფორმაციო სისტემების პროგრამული კოდის შემუშავების (პროგრამირების) ღრმა და სისტემატური ცოდნა, რაც საშუალებას მოგვცემს განვახორციელოთ ასეთი სისტემების დანერგვა/პროგრამირება და ამ ტიპის პროექტების მონიტორინგი და მართვა;

    • უნარი
    • პროექტის კლიენტებთან ან კოლეგებთან პროექტის მიმდინარეობის შესახებ საჭირო ინფორმაციის თანმიმდევრულად და ნათლად ფორმულირებისა და წარდგენის უნარი;
    • ეფექტური წერილობითი და ზეპირი კომუნიკაციის უნარები ნებისმიერ თემაზე, მათ შორის დეცენტრალიზებულ სისტემებთან დაკავშირებულ თემებზე, შესაბამისი პრეზენტაციის ინსტრუმენტების გამოყენებით; 
    • გამოცდილება და კომუნიკაციის უნარი როგორც F2F, ასევე ონლაინ, სინქრონულ და ასინქრონულ რეჟიმებში; 
    • წერილობითი კომუნიკაციის დროს, მაგისტრანტი შეძლებს არა მხოლოდ ტექსტური ფორმატის, არამედ სხვადასხვა ტიპის ვიზუალიზაციის ინსტრუმენტების (მათ შორის ბლოკ-დიაგრამების, რუკების, გრაფიკების და სხვადასხვა ტიპის სქემების) გამოყენებას, რაც მათ მიერ მოწოდებულ ინფორმაციას უფრო ადვილად აღსაქმელს გახდის;
    • ფართო კონტექსტში, გლობალურ ტენდენციებსა და კონკრეტულ სიტუაციაში ორიენტირებისა და სისტემური ანალიზის ჩატარების უნარი;
    • არსებულ ეკოსისტემასთან დაკავშირებული პრობლემების, მიზნების კვლევისა და მათი პრიორიტეტულობის განსაზღვრის უნარი;
    • კონკრეტული ამოცანისთვის ოპტიმალური ბლოკჩეინ სისტემის, კონსენსუსის და ტოკენის ტიპის არჩევის შესაძლებლობა;
    • ბიზნეს მოდელების პრაქტიკული ცოდნა, ბიზნეს პროცესების ანალიზი, ოპტიმალური შერჩევის ჩათვლით;
    • პრობლემების გადაჭრის ოპტიმალური გზების, შესაბამისი IT არქიტექტურის არჩევის უნარი, არსებული რესურსებისა და შეზღუდვების გათვალისწინებით;
    • არსებული დავალების/შეკვეთის ანალიზის საფუძველზე, საჭირო ინფორმაციისა და შესაბამისი წყაროების იდენტიფიცირება; ასევე, წყაროების სანდოობისა და ხარისხის შეფასების უნარი;
    • სხვადასხვა ტექნიკის გამოყენება, რომელიც დაფუძნებულია უახლეს კვლევებზე და ასევე, არასანდო (!) და სხვადასხვა წყაროების კრიტიკული ანალიზისა და ურთიერთშედარების საფუძველზე, მონაცემების მოძიების, ინფორმაციის გადამოწმების, სისტემატიზაციის, წარმოდგენისა და შესაბამისი დასკვნების გამოტანის უნარის მაქსიმალურად გაზრდის მიზნით; 
    • ყველაზე კარგად დასაბუთებული დასკვნების გამოტანის და სიტუაციის ფართო სურათის შექმნის უნარი, ერთი მხრივ, სანდო ინფორმაციისა და ცოდნის სინთეზზე დაყრდნობით, მეორე მხრივ, არასრული და ხშირად დაბალი ხარისხის მონაცემების საფუძველზე, ორგანიზაციასთან, სისტემასთან, პროცესთან მიმართებაში; გარდა ამისა, საკუთარი დასკვნების სუსტი და ძლიერი მხარეების გაგების უნარი, ლოგიკური მსჯელობის სიმყარის ხარისხი;
    • დამოუკიდებლად დასაბუთებული დასკვნების ფორმულირების უნარი რთული და არასრული ინფორმაციის კრიტიკული ანალიზის საფუძველზე, მათ შორის დეცენტრალიზებული საინფორმაციო სისტემებისა და ბლოკჩეინზე დაფუძნებული გადაწყვეტილებების შესახებ უახლესი კვლევების ჩათვლით;
    • უახლესი მონაცემების საფუძველზე ინფორმაციის ინოვაციური სინთეზის საფუძველზე ახალი, ინოვაციური იდეების გენერირების უნარი, ბლოკჩეინთან დაკავშირებით სწორი დასკვნების გამოტანა;
    • რთულ გარემოში მრავალი პირობისა და ფაქტორის ანალიზის საფუძველზე პრიორიტეტების განსაზღვრისა და ოპტიმალური გადაწყვეტილებების გენერირების უნარი, არსებული რესურსების მაქსიმალურად გამოყენების პარალელურად.

    • პასუხისმგებლობა და ავტონომიურობა
    • სწავლის დროის დაგეგმვისა და მართვის უნარი;
    • სწავლის დამოუკიდებლად წარმართვისა და ახალი ცოდნის შეძენის უნარი;
    • სწავლის პროცესის, მისი ნიუანსების გააზრების უნარი და სტრატეგიული დაგეგმვის მაღალი ხარისხი;
    • გამოცდილება და სწავლის უნარი, როგორც პირისპირ, ასევე დისტანციურად, სინქრონულ და ასინქრონულ გარემოში, რაც გადამწყვეტია „ცოდნის საზოგადოებაში“;
    • რისკების, თაღლითობების გაგების უნარი, რაც ავითარებს საკუთარი და სხვების დამოკიდებულების სრულყოფილად შეფასების უნარს მოცემულ სფეროსთან (კეთილგანწყობასთან) დაკავშირებული ღირებულებების მიმართ;
    • კომპეტენცია სფეროში წარმოშობილი ღირებულებითი დილემების ეფექტურად ადმინისტრირებაში, ღირებულებების, რისკებისა და სარგებლის პრიორიტეტულობისა და სისტემატიზაციის უნარზე დაყრდნობით.
    • პროგრამის დამტკიცების თარიღი: 03-07-2018
    პროგრამის დამტკიცების ოქმის ნომერი: 44/18
    პროგრამის განახლების თარიღი:
    პროგრამის განახლების ოქმის ნომერი:
    პროგრამის დეტალები:

    პირველი სემესტრში სიღმისეულად ეცნობიან იმ გლობალური ტრანსფორმაციების კონტექსტს, რომელშიც მათ მოუწევთ მუშაობა. ასევე, დეცენტრალიზებული სისტემებთან დაკავშირებულ ფუნდამენტურ საკითხებს, იღრმავებენ ცოდნას ინოვაციური ბიზნეს-მოდელების, კრიპტოგრაფიის, მონაცემთა ბაზებისა და პრაქტიკული პროგრამირების სფეროში. მეორე სემესტრის ფარგლებში ანვითარებენ თავიანთ კომპეტენციას კრიპტოვალუტების, როგორც თეორიულ, ასევე, პრაქტიკული პროგრამირების მიმართულებით. ასევე, იძენენ ცოდნასა და პრაქტიკულ უნარებს ბიზნეს-პროცესების აღწერის, დოკუმენტირების, რედიზაინის მიმართულებით. მესამე სემესტრის განმავლობაში ეუფლებიან ერთი მხრივ - თეორიულ ცოდნასა და პრაქტიკულ უნარებს გონიერი აქტივებისა და სმარტკონტრაქტების და მეორე მხრივ - IT პროექტების მენეჯმენტს სფეროში. ყოველი სემესტრის ბოლოს, სტუდენტები, მიღებულ თორიულ და პრაქტიკულ ცოდნაზე დაყრდნობით, ქმნიან ინტეგრირებულ პროექტს, რომელთა საფუძველზე მე-4 სემესტრში ქმნიან საკუთარი სტარტაპის, ბლოკჩეინზე-დაფუძნეებულ სისტემის/სერვისის პროტოტიპს. სამაგისტრო პროგრამაზე სასწავლო პროცესი მიმდინარეობს 19:00 -21:15 სთ-მდე, აქედან სააუდიტორიო დატვირთვის ხანგრძლივობა 120 წუთია, შესვენება - 15 წუთი. სამაგისტრო სტუდენტთა მაქსიმალური რაოდენობა ჯგუფებში განისაზღვრება 25-30 სტუდენტით. სამაგისტრო პროგრამების კომპონენტები შედგება 19 კვირაზე გათვლილი ელემენტებისგან

    სწავლების ორგანიზების თავისებურებები:

    პროგრამის 120 კრედიტი შედგება: პროგრამის ძირითად ნაწილი - 90 ECTS, მ.შ. სავალდებულო საგნები 60 ECTS და სამაგისტრო პროგრამა 30 ECTS. არჩევითი საგნების საერთო რაოდენობა შეადგენს 114 ECTS, საიდანაც სტუდენტი ირჩევს 30 ECTS.

    პროგრამის ძირითადი

    კოდი საგანი კრედიტი სემესტრი
    BLCH5110ბლოკჩეინი - დეცენტრალიზებული ინფორმაციული სისტემა6 1
    BLCH5140ინოვაციური ბიზნეს-მოდელები6 1
    BLCH5220კრიპტოგრაფია6 1
    INFO6271მონაცემთა ბაზების სისტემები6 1
    BLCH5130კრიპტოვალუტების ტექნოლოგიები (ბიტკოინის ქეისი)6 2
    BLCH5210ფულის დეცენტრალიზაცია და კრიპტოვალუტები6 2
    BLCH5230ბიზნეს-პროცესები6 2
    BLCH5310ბლოკჩეინი 2.0 - გონიერი აქტივები და სმარტკონტრაქტები6 3
    BLCH5320სმარტკონტრაქტების ტექნოლოგიები (ეთერიუმის ქეისი)6 3
    INFO6260IT პროექტების მართვა6 3
    BLCH5400სამაგისტრო პროექტი30 4

    კრედიტების ჯამი:

    90

    პროგრამის ასარჩევი

    კოდი საგანი კრედიტი
    INFO5111ქსელური გადამრთველების დაგეგმვა6
    INFO5221რთული სისტემების ლოგიკურ-ალბათური მოდელირება6
    INFO5250კომპიუტერული გრაფიკის მათემატიკური აპარატი6
    INFO6293დაპროგრამების პარადიგმები6
    BLCH5119სმარტ კონტრაქტის სამართლებრივი რეგულაცია6
    INFO5112დაპროგრამების ინსტრუმენტები მონაცემთა ბაზებისათვის6
    INFO5114მონაცემთა საცავების სისტემები6
    INFO5120ArcGIS სისტემები6
    INFO5211მარშრუტიზაციის უზრუნველყოფა ქსელებში6
    INFO5253IT სერვისების ოპერირება და მუდმივი გაუმჯობესება6
    INFO5254IT სერვისების სტრატეგია და დიზაინი6
    INFO6140ERP სისტემების სტრუქტურა და ფუნქციონალობა6
    INFO6250ინდუსტრიულ პლატმორმაზე დაფუძნებული დეველოპმენტი6
    BLCH5118კრიპტოვალუტის სამართლებრივი რეგულაცია6
    INFO5252Agile-პროგრამული უზრუნველყოფის განვითარების პროექტების მართვა6
    INFO5256IT სერვისების ტრანზიტულობა6
    INFO5257Android პლატფორმაზე დაფუძნებული დეველოპმენტი6
    INFO6120მანქანური სწავლების მოდელები და ალგორითმები6
    INFO6220ქსელების გამართული მუშაობის უზრუნველყოფა და მხარდაჭერა6

    კრედიტების ჯამი:

    114









    პრერეკვიზიტების მატრიცა


    შედეგების საშუალო შედეგების საშუალოს კოეფიციენტი (GPA) საუნივერსიტეტო შეფასება   საქართველოში მოქმედი ზოგადი შეფასება
    97-100 4,00 A+ A ფრიადი
    94-96 3,75 A
    91-93 3,50 A-
    87-90 3,25 B+   ძალიან კარგი
    84-86 3,00 B B
    81-83 2,75 B-  
    77-80 2,50 C+   C კარგი
    74-76 2,25 C
    71-73 2,00 C-
    67-70 1,75 D+   D დამაკმაყოფილებელი
    64-66 1,50 D
    61-63 1,25 D-
    51-60 1,00 E E საკმარისი
    უარყოფითი შეფასება
    41-50   FX FX ვერ ჩააბარა
    <40   F F ჩაიჭრა



    ყველა უფლება დაცულია.Copyright © 2025 საქართველოს უნივერსიტეტი