კურსდამთავრებული

 იცნობს:

•  სოციალურ-კულტურულ, ქალაქთმშენებლობით, არქიტექტურულ ფასეულობებს და კონტექსტებს, ასევე, გარემოს დაცვასა და არქიტექტურულ მემკვიდრეობაზე პასუხისმგებლობებს;

• შენობა-ნაგებობის სისტემებთან დაკავშირებულ სტრუქტურებს, მასალებს, კონსტრუქციებს, სამშენებლო პროცესებს, ტექნოლოგიებს, მენეჯმენტს, გეოდეზიურ გაანგარიშებებს და სხვა საინჟინრო საკითხებს;

•არქიტექტურული გარემოს შექმნისათვის აუცილებელ სოციალურ კონტექსტს; ეკოლოგიური მდგრადობის პრინციპებს, შენობა–ნაგებობებზე გარე ფაქტორების ზემოქმედების ფაქტორებს;

განსაზღვრავს და ახასიათებს:

• გარემოს დაგეგმარების, შენობა-ნაგებობების დაპროექტების, მშენებლობის, ტერიტორიის კეთილმოწყობისა და ექსპლუატაციის პროცესებში საზოგადოებრივ მოთხოვნებს, დამკვეთისა და მომხმარებლის ინტერესებს, დარგობრივ სამართლებრივ რეგულაციებს და არქიტექტორთა პროფესიულ ეთიკას, არქიტექტურის პროფესიის როლსა და მნიშვნელობას.

•არქიტექტურის ისტორიის, თეორიისა და მასთან დაკავშირებული აკადემიური სფეროებს: ხელოვნების, ტექნოლოგიების, სოციალურ და ჰუმანიტარულ მეცნიერებებს.

იცის:

  მოცულობითი არქიტექტურის, გარემოს დიზაინისა და ინტერიერის მიმართულებით პროფესიული საქმიანობის შესაძლებლობები;

არქიტექტურული პროექტების/ კონცეფციების ხორცშესხმისთვის აუცილებელი პროცედურები და პროცესები, ასევე, დაპროექტების თეორიისა და მეთოდების  თანამედროვე ასპექტები;

კურსდამთავრებულს შეუძლია: 

•წინასწარგანსაზღვრული მითითებების შესაბამისად, წარმოსახვითი და შემოქმედებითი მიდგომით, სამგანზომილებიანი, სივრცითი აზროვნებით  საპროექტო კონცეფციის  ჩამოყალიბება და ფუნქციური, ტექნიკური, ესთეტიკური და პროფესიული ეთიკის მოთხოვნების გათვალისწინებით,  არქიტექტურული პროექტის შექმნა;

• საპროექტო დავალებისთვის შეგროვილი ინფორმაციის ანალიზზე დაყრდნობით და კვლევის მეთოდების გამოყენებით, წინასწარგანსაზღვრული მითითებების შესაბამისად არქიტექტურული პროექტის დამუშავება და დოკუმენტურად გაფორმება;

 • წინასწარ განსაზღვრული მითითებების შესაბამისად პროექტში, როგორც ერთ მთლიან შემაჯამებელ დოკუმენტში, კონსტრუქციების, ტექნოლოგიების, მასალების ტექნიკური, ესთეტიკური და საექსპლუატაციო თვისებების და ასევე სატრანსპორტო, საკომუნიკაციო, ტექნიკური და უსაფრთხოების სისტემების ერთდროულად გათვალისწინება და ასახვა;

•წინასწარ განსაზღვრული მითითებების შესაბამისად, კვლევითი ან პრაქტიკული ხასიათის პროექტის განხორციელებისას და კონკრეტული პრობლემის გადასაჭრელად, მოცემული  საჭიროებისათვის აბსტრაქტული მონაცემების და კონცეფციების  გამოყენება;

• არქიტექტურული პროექტის შემუშავების, წარდგენისა და განხილვისას ელექტრონული, გრაფიკული, მაკეტირების, ვერბალური, წერითი, მულტიმედიური და სხვა მეთოდების გამოყენება.

კურსდამთავრებულს შეუძლია:

• არქიტექტურული დაპროექტების პროცესში, პროფესიული ეთიკის მოთხოვნებისა და პასუხისმგებლობის პრინციპების დაცვით, მუშაობა ინდივიდუალურად ან გუნდში და ამ პროცესში სხვადასხვა ფორმითა და მეთოდით  კომუნიკაციის დამყარება;

• არქიტექტურისთვის დამახასიათებელი პრინციპების, ფასეულობებისა და ღირებულებების, შეფასება და სხვებისთვის გაზიარება;  ლიბერალური ღირებულებების ჩამოყალიბებაში მონაწილეობა,  მოვლენების ინტელექტუალურ და ეთიკურ ჭრილში აღქმა;

•  ინდივიდუალური  სასწავლო საჭიროებების და საკუთარი პროფესიული განვითარების განსაზღვრა და დაგეგმვა.