პროგრამები

საქართველოს უნივერსიტეტი

პროგრამა:	სამართალი
განათლების საფეხური:	მაგისტრატურა
ხელმძღვანელი:	ანა ხურციძე ლალი ლაზარაშვილი
სწავლების ენა:	ქართული
მისანიჭებელი კვალიფიკაცია:	სამართლის მაგისტრი
პროგრამის მოცულობა:	120
პროგრამაზე დაშვების წინაპირობა:	აკადემიური უმაღლესი განათლების მეორე საფეხურზე (სამაგისტრო პროგრამებზე) სტუდენტთა ჩარიცხვა ხორციელდება ერთიანი სამაგისტრო გამოცდების შედეგების საფუძველზე ან საქართველოს განათლებისა და მეცნიერების მინისტრის №224/ნ (2011 წლის 29 დეკემბერი) ბრძანების შესაბამისად, ინგლისურ/გერმანულ ენაში (წერითი) და სპეციალობაში (ზეპირი) გამოცდის წარმატებით გავლის ან ინგლისური/გერმანული ენის არანაკლებ B2 (Upper Intermediate) დონეზე ფლობის დამადასტურებელ საერაშორისო სერთიფიკატის, ადმინისტრაციული რეგისტრაციის და რექტორის ბრძანების საფუძველზე. პროგრამაზე ჩაირიცხებიან სამართლის ბაკალავრის ხარისხის მქონე პირები. პროგრამაზე მიღების გამოცხადების შემთხვევაში, 1 მაისიდან გააქტიურდება ბმული, რომელიც მსურველს საშუალებას მიცემს იხილოს ინგლისური/გერმანული ენის ტესტების და სპეციალობის საგამოცდო საკითხების ნიმუშები.
პროგრამის მიზანი:	სამართლის სამაგისტრო პროგრამის მიზანია ბაკალავრის შემდგომი დონის სპეციალისტის მომზადება, მისი პროფესიული ზრდის ხელშეწყობა. კურსდამთავრებულს შეეძლება პრაქტიკული საქმიანობის განხორციელება და გამოუმუშავდება დამოუკიდებელი სამეცნიერო კვლევისთვის საჭირო კომპეტენციები. პროგრამა ითვალისწინებს სამართლის სფეროს კომპლექსური ცოდნის მიცემას, რაც უზრუნველყოფს კურსდამთავრებულის მონაწილეობას მაღალგანვითარებული სამართლებრივი და დემოკრატიული სახელმწიფოს განმტკიცებაში. პრაქტიკული საქმიანობისათვის საჭირო უნარ-ჩვევები, კერძო, საჯარო და/ან სისხლის სამართლის სფეროს ღრმა და სისტემური ცოდნა მისცემს საშუალებას კურსდამთავრებულს გახდეს შრომის ბაზარზე არსებული მოთხოვნების შესაბამისი, კონკურენტუნარიანი და მაღალკვალიფიციური სპეციალისტი. კურსდამთავრებულები შეძლებენ დასაქმდნენ ყველა პოზიციაზე, სადაც მოითხოვება სამართლის მაგისტრის აკადემიური ხარისხი და არაა აუცილებელი სახელმწიფო სასერთიფიკაციო გამოცდის ჩაბარება. კვლევითი უნარების გამომუშავების შედეგად კურსდამთავრებულს შეეძლება სწავლა განაგრძოს დოქტორანტურის საფეხურზე.
სწავლის შედეგების მიღწევის მეთოდები/აქტივობები:	ახსნა-განმარტებითი მეთოდი; ინტერაქციული მეთოდი; დისკუსია/დებატები; ინდუქცია, დედუქცია, ანალიზი და სინთეზი; პრობლემის გადაჭრაზე ორიენტირებული სავარჯიშოები; შემთხვევის შესწავლა და ანალიზი (Case Study); გუნდური მუშაობა; როლური თამაშები; შესაბამისი მასალის მოძიება ელექტრონულ ფორმატში ან ბიბლიოთეკაში; წერითი მუშაობის მეთოდი; დემონსტრირების მეთოდი; პრაქტიკული მუშობის მეთოდი; წიგნზე მუშაობის მეთოდი; პრეზენტაციების წარდგენა; სიახლეთა გარჩევა.
სწავლის შედეგი:	ცოდნა და გაცნობიერება კურსდამთავრებულს ექნება: კომპლექსური პრობლემების გადაწყვეტის ახლებური ხედვის ფორმირებისათვის აუცილებელი ღრმა და სისტემური თეორიული ცოდნა კერძო, სისხლის და/ან საჯარო სამართლის სფეროში, რაც საშუალებას აძლევს მოახდინოს დასმული კომპლექსური და ინტერდისციპლინური პრობლემების გადაწყვეტის ახლებული ხედვის ფორმირების შესაძლებლობას; გაცნობიერებული სასამართლო პრაქტიკაში, დოგმატიკასა და კანონმდებლობაში არსებული ხარვეზებისა და უზუსტობების გადაჭრის არსებული გზები; ნაციონალური და/ან საერთაშორისო სასამართლოების პრაქტიკისა და პრეცენდენტების ცოდნა; სამეცნიერო კვლევის ფარგლებში, აკადემიური წერის შინაარსობრივი მოთხოვნებისა და საერთაშორისოდ დამკვიდრებული ტექნიკური სტანდარტების ცოდნა. ცოდნის პრაქტიკაში გამოყენების უნარი კურსდამთავრებულს ექნება: საჯარო, კერძო და/ან სისხლის სამართლებრივი პრობლემის კომპლექსურად შეფასების და პრობლემის გადაწყვეტის ორიგინალური გზების შემუშავების უნარი; განმარტების მეთოდებით (მაგ: ისტორიული–სამართლებრივი, შედარებით–სამართლებრივი, სისტემური, დოგმატური, ფორმალურ–ლოგიკური, სტატისტიკური, დედუქცია–ინდუქცია, ანალიზი და სინთეზი, ანალოგიაზე დაფუძნებული მსჯელობა) სამართლებრივი პრობლემის მრავალმხრივი შეფასების უნარი; მიღებული თეორიული ცოდნის პრაქტიკაში გამოყენების მიზნით, არაპროგნოზირებად გარემოში მოქმედებისას, პრობლემების კომპლექსურად შეფასების გზით, რთული სამართლებრივი შემთხვევის მაქსიმალურად ეფექტურად გადაწყვეტის უნარი; სამართლებრივი ნორმის მოძიების, ნორმის განმარტების სხვადასხვა მეთოდების (მაგ: ახსნა-განმარტებითი მეთოდი) გამოყენებისა და და საბუთებული შეფარდების უნარი; განვითარებული კვლევის დამოუკიდებლად ჩატარებისთვის საჭირო კომპეტენცია. დასკვნის უნარი კურსდამთავრებულს ექნება: სასამართლო პრაქტიკის და საკანონმდებლო სფეროს სიახლეების ანალიზის უნარი; იურიდიული მეცნიერული მიდგომების განხილვა-ანალიზისა და განსხვავებულ აზრთა მეცნიერულად დასაბუთებული და პრაქტიკულად გამართლებული შეხედულების გამოყოფისა და შეფასების უნარი; ურთიერთსაწინააღმდეგო პოზიციების განხილვის შედეგად დასაბუთებული სამართლებრივი დასკვნის გამოტანის უნარი; უკვე დამკვიდრებული მოსაზრებებისა და შეხედულებების კრიტიკული გაანალიზებისა და პრობლემურ საკითხთა გადაჭრის ორიგინალური გზების შემუშავებისა და დასაბუთების უნარი; კონკრეტულ შემთხვევასთან მიმართებაში არსებულისა სასამართლო პრაქტიკის ანალიზის, განზოგადების, სამართლებრივად მნიშვნელოვან საკითხთა გამოცალკევებისა და საკუთარი აზრის არგუმენტირების უნარი; საკანონმდებლო ხარვეზების, სასამართლო პრაქტიკის არაერთგვაროვნების და სამეცნიერო კვლევების არასრული ან ურთიერთგამომრიცხავი მონაცემების შეჯერებისა და მათი სრულყოფისათვის არგუმენტირებული დასკვნის ჩამოყალიბების უნარი. კომუნიკაციის უნარი კურსდამთავრებულს ექნება: პროფესიული და აკადემიური საზოგადოებისთვის (დოქტორები, აკადემიური თანამდებობის პირები, იურისტები) ქართულ და ინგლისურ ენაზე იურიდიული ტერმინოლოგიის გამოყენებით საკუთარი სამართლებრივად არგუმენტირებული შეხედულებების გადაცემისა და მოხსენებების გაკეთების უნარი; განსხვავებული პოზიციის ჩამოაყალიბებისა და დაცვის მიზნით, დებატებში თავისუფლად ჩართვის უნარი: უახლესი ელექტრონული რესურსების გამოყენებით, აკადემიური წერის პატიოსნების სტანდარტების დაცვით, მონაცემთა ანალიზისა და დამუშავებით კვლევის შედეგის აკადემიური საზოგადებისათვის წერილობით წარდგენის უნარი. სწავლის უნარი კურსდამთავრებულს ექნება: მიღებული თეორიული და პრაქტიკული ცოდნის სინთეზით, პირველადი წყაროების, სამეცნიერო სტატიებისა და სასამართლო გადაწყვეტილებების ანალიზის მეშვეობით შემდგომი საქმიანობისა და სამეცნიერო კვლევის დამოუკიდებლად განხორციელების უნარი; ცოდნის გაფართოების გზით პროფესიული განვითარებისადმი სწრაფვის უნარი. სწავლის შემდეგ საფეხურზე გაგრძელების მიზანშეწონილობის დადგენისა და სადოქტორო კვლევის წარმართვისათვის საფუძვლიანი ბაზის განვითარების უნარი. ღირებულებები კურსდამთავრებულს ექნება: გათავისებული პრაქტიკულ თუ სამეცნიერო საქმიანობაში საზოგადოებრივი, აკადემიური, რელიგიური, მორალური თუ ნაციონალური ფაქტორებისა და ღირებულებების მიმართ სხვათა დამოკიდებულება; მხარეთა ინტერესების ბალანსის დაცვისა და საჭიროების შემთხვევაში, ახალი ღირებულებების ფორმირებაში წვლილის შეტანის მნიშვნელობა სამართლებრივი სახელმწიფოს იდეის განსამტკიცებლად; გათავისებული აკადემიური პატიოსნების ღირებულებათა კატეგორია.
პროგრამის დამტკიცების თარიღი:	10-24-2005
პროგრამის დამტკიცების ოქმის ნომერი:	3
პროგრამის განახლების თარიღი:
პროგრამის განახლების ოქმის ნომერი:	20-15
პროგრამის დეტალები:	LAWC6114 სამართლის კლინიკა მაგისტრანტებისთვის კომპონენტის წინაპირობაა სტუდენტის მიერ მინიმუმ 36 კრედიტის გავლა; LAWC 5420 აკადემიური წერა-კვლევის მეთოდების წინაპირობაა სტუდენტის მიერ მინიმუმ 36 კრედიტის გავლა; LAWC 8080 სამაგისტრო ნაშრომი სამართალში წინაპირობაა სტუდენტის მიერ მინიმუმ 78 კრედიტის გავლა. LAWC5315 იმიტირებული სასამართლო პროცესი მაგისტრებისთვის და კერძო სამართალი - სპეციალობის ასარჩევი კომპონენტიების: LAWC5125 საერთაშორისო ბიზნეს სამართალი და LAWP9090 მსოფლიო სავაჭრო ორგანიზაცია სწავლების ენაა ინგლისური.
სწავლების ორგანიზების თავისებურებები:	პროგრამა შედგება: 1. კვლევის 36 კრედიტიანი სავალდებულო კომპონენტისგან, რომლის ფარგლებშიც მაგისტრანტს მოეთხოვება სამეცნიერო წერის კულტურის სწავლებაზე მიმართული 6 კრედიტიანი კომპონენტის ჩაბარება და სამაგისტრო ნაშრომის შესრულება, რომელიც ფასდება 30 კრედიტით; 2. პრაქტიკული უნარ-ჩვევების გამომუშავების მიზნით სტუდენტი სავალდებულოდ გადის 12 კრედიტიან კომპონენტს - სამართლის კლინიკას. 3. სამაგისტრო პროგრამის შემადგენელ დანარჩენ 72 კრედიტს სტუდენტი ირჩევს საკუთარი ინტერესების შესაბამისად.

პროგრამის ძირითადი


კოდი	საგანი	კრედიტი	სემესტრი
LAWC5420	აკადემიური წერა - კვლევის მეთოდები	6	3
LAWC6114	სამართლის კლინიკა მაგისტრანტებისთვის	12	3
LAWC8080	სამაგისტრო ნაშრომი სამართალში	30	4
	კრედიტების ჯამი:	48

პროგრამის ასარჩევი


კოდი	საგანი	კრედიტი
LAWC5316	იმიტირებული სასამართლო პროცესი მაგისტრებისათვის	18
	კრედიტების ჯამი:	18

სისხლის სამართალი - სპეციალობის ასარჩევი


კოდი	საგანი	კრედიტი	სემესტრი
LAWCR6120	ადამიანის უფლებები სისხლის სამართლის პროცესში	6	1
LAWCR5150	ადამიანის წინააღმდეგ მიმართულ დანაშაულთა სუბსუმციისა და კვალიფიკაციის პრობლემები	6	1
LAWCR6160	გამოძიების საფუძვლები	6	1
LAWCR5120	დანაშაულის კვალიფიკაციის პრობლემები	6	1
LAWCR5330	ევროპული სისხლის სამართალი და ლისაბონის ხელშეკრულება	6	1
LAWCR5125	კიბერუსაფრთხოების სამართალი	6	1
LAWCR5126	მოწმის დაკითხვის მეთოდები სისხლის სამართლის პროცესში	6	1
LAWC5331	მტკიცებითი სამართალი	6	1
LAWCR6140	სისხლის სამართლის დოგმატიკა და სასამართლო პრაქტიკა	6	1
LAWCR5140	შედარებითი სისხლის სამართლის პროცესი	6	1
LAWCR5230	კრიმინოლოგია	6	2
LAWCR5220	საერთაშორისო სისხლის სამართალი (სისხლის სამართლის საერთაშორისო სასამართლოების იურისდიქცია)	6	2
LAWCR5210	ქონებრივი და სხვა დანაშაულების სუბსუმციისა და კვალიფიკაციის პრობლემები	6	2
	კრედიტების ჯამი:	78

საჯარო სამართალი - სპეციალობის ასარჩევი


კოდი	საგანი	კრედიტი	სემესტრი
LAWP5250	ადმინისტრაციული ორგანოს საქმიანობის სამართლებრივი ფორმები	6	1
LAWP5255	აშშ-ის სამართლებრივი სისტემა	6	1
LAWP5470	განათლების სამართალი	6	1
LAWP5310	იურიდიულ პროფესიათა ეთიკა	6	1
LAWP5430	რელიგიური უფლებების სამართალი	6	1
LAWPA5340	საგადასახადო სამართლის პრაქტიკუმი	6	1
LAWP5490	საკუთრების კონსტიტუციურ–სამართლებრივი საფუძვლები	6	1
LAWP 5260	შედარებითი კონსტიტუციური სამართალი	6	1
LAWC5522	ადმინისტრაციული ნორმაშემოქმედება	6	2
LAWPA5220	ადმინისტრაციული საპროცესო სამართლის სასამართლო პრაქტიკა	6	2
LAWP5420	ევროკავშირის კონკურენციის სამართალი	6	2
LAWP5160	ევროპის კავშირის ადმინისტრაციული სამართალი	6	2
LAWC5521	კონსტიტუციური კონტროლის სასამართლო პრაქტიკა საქართველოში და საზღვარგარეთ	6	2
LAWP5510	პოლიტიკური პარტიების სამართალი	6	2
LAWP5460	სამოხელეო სამართალი	6	2
LAWI5220	ადამიანის უფლებათა საერთაშორისო სამართალი	6	3
	კრედიტების ჯამი:	96

კერძო სამართალი - სპეციალობის ასარჩევი


კოდი	საგანი	კრედიტი	სემესტრი
LAWC5210	ზოგადი ვალდებულებითი სამართლის პრაქტიკუმი	6	1
LAWC5131	კომერციული მედიაცია მაგისტრებისთვის	6	1
BLCH5118	კრიპტოვალუტის სამართლებრივი რეგულაცია	6	1
LAWC5160	საავტორო სამართალი	6	1
LAWC5125	საერთაშორისო ბიზნეს სამართალი	6	1
LAWC5130	საერთაშორისო კოლიზიური სამართალი	6	1
LAWC5170	სანივთო სამართლის პრაქტიკუმი	6	1
BLCH5119	სმარტ კონტრაქტის სამართლებრივი რეგულაცია	6	1
LAWC5340	შედარებითი სახელშეკრულებო სამართალი	6	1
LAWC5510	ვადები სამოქალაქო და სამოქალაქო საპროცესო სამართალში	6	2
LAWC5330	ვალაუვალობის სამართალი	6	2
LAWC5390	კანონისმიერი ვალდებულებითი ურთიერთობების სასამართლო პრაქტიკა	6	2
LAWC5140	კორპორაციული მართვა	6	2
LAWC5410	მოთხოვნის უზრუნველყოფის სამართალი	6	2
LAWC5150	საბანკო ზედამხედველობის სამართალი	6	2
LAWC5320	სადაზღვევო დავების გადაწყვეტა	6	2
LAWC5370	საერთაშორისო კომერციული არბიტრაჟი	6	2
LAWC5220	საოჯახო და მემკვიდრეობითი სამართალი და სასამართლო პრაქტიკა	6	2
LAWC5310	სახელშეკრულებო სამართლის სასამართლო პრაქტიკა	6	2
LAWC5250	ფასიანი ქაღალდების სამართალი	6	2
LAWC5270	ევროპის კავშირის შრომის სამართალი	6	3
LAWP9090	მსოფლიო სავაჭრო ორგანიზაცია	6	3
LAWC5315	სამედიცინო სამართალი	6	3
LAWC5230	სასარჩელო წარმოების თავისებურებები სამოქალაქო საპროცესო სამართალში	6	3
	კრედიტების ჯამი:	144

პრერეკვიზიტების მატრიცა

მატერიალური რესურსები

ადამიანური რესურსები

შეფასების სისტემა

ყოველკვირეული შეფასება (ქვიზი)	24 ქულა / 24%;
რეფერატი ან სხვა აქტივობა, რომელიც შეიძლება ითვალისწინებდეს პრეზენტაციას.	16 ქულა/ 16%;
შუალედური გამოცდა	25 ქულა / 25%;
დასკვნითი გამოცდა	35 ქულა / 35%

შედეგების საშუალო	შედეგების საშუალოს კოეფიციენტი (GPA)	საუნივერსიტეტო შეფასება	საქართველოში მოქმედი ზოგადი შეფასება
97-100	4,00	A+	A	ფრიადი
94-96	3,75	A
91-93	3,50	A-
87-90	3,25	B+		ძალიან კარგი
84-86	3,00	B	B
81-83	2,75	B-
77-80	2,50	C+	C	კარგი
74-76	2,25	C
71-73	2,00	C-
67-70	1,75	D+	D	დამაკმაყოფილებელი
64-66	1,50	D
61-63	1,25	D-
51-60	1,00	E	E	საკმარისი
უარყოფითი შეფასება
41-50		FX	FX	ვერ ჩააბარა
<40		F	F	ჩაიჭრა