პროგრამები

საქართველოს უნივერსიტეტი

პროგრამა:	საჯარო მმართველობა
განათლების საფეხური:	მაგისტრატურა
ხელმძღვანელი:	ეკა გეგეშიძე
სწავლების ენა:	ქართული, ნაწილობრივ ინგლისური კომპონენტებით
მისანიჭებელი კვალიფიკაცია:	საჯარო მმართველობის მაგისტრი
პროგრამის მოცულობა:	120
პროგრამაზე დაშვების წინაპირობა:	აკადემიური უმაღლესი განათლების მეორე საფეხურზე (სამაგისტრო პროგრამებზე) სტუდენტთა ჩარიცხვა ხორციელდება ერთიანი სამაგისტრო გამოცდების შედეგების საფუძველზე ან საქართველოს განათლებისა და მეცნიერების მინისტრის №224/ნ (2011 წლის 29 დეკემბერი) ბრძანების შესაბამისად, ინგლისურ ენაში (წერითი) და სპეციალობაში (ზეპირი) გამოცდის წარმატებით გავლის, ადმინისტრაციული რეგისტრაციის და დირექტორის ბრძანების საფუძველზე.
პროგრამის მიზანი:	საქართველოს უნივერსიტეტის საჯარო მმართველობის სამაგისტრო პროგრამის მიზანია დემოკრატიული აზროვნების, მაღალკვალიფიციური და კონკურენტუნარიანი საჯარო მმართველების მომზადება, ახალი საჯარო ლიდერების გამოვლენა და წარმოჩენა, რომლებიც პოლიტიკის ცვლილებისა და ინოვაციის გზით წვლილს შეიტანენ საქართველოს საჯარო მართვისა და საჯარო პოლიტიკის წარმართვის არსებული სისტმის გაუმჯობესების პროცესში. სფეროს მულტიდისციპლინარული ხასიათიდან გამომდინარე საქართველოში საჯარო მმართველობითი პროცესი მრავალ გამოწვევას უკავშირდება. მიმდინარე ადმინისტრაციული რეფორმები თუ საჯარო პოლიტიკური ცვლილებები, ევროატლანტიკურ სივრცეში ინტეგრაციის პროცესი თუ საჯარო სერვისების დასავლური სტანდარტების შესაბამისად უზრუნველყოფა მართვის მრავალ კონცეპტუალურ და პრაქტიკულ სირთულეს იწვევს. ამ გამოწვევების დაძლევა სწორედ შესაბამისი თეორიული ცოდნითა და პრაქტიკული უნარებით აღჭურვილი საჯარო კადრების მეშვეობით არის შესაძლებელი. შესაბამისად, საჯარო ადმინისტრირების სამაგისტრო პროგრამა მიზნად ისახავს კურსდამთავრებულებს მისცეს მრავალმხრივი, სიღმისეული და სისტემური ცოდნა საჯარო ადმინისტრირების მენეჯერულ, პოლიტიკურ და სამართლებრივ კონტექსტში, ჩამოუყალიბოს ინოვაციისა და კრიტიკული აზროვნების უნარი, უზრუნველყოს მაქსიმალური შესაძლებლობებისა და ლიდერობის პოტენციალის გამოვლენა, რაც ხელს შეუწყობს როგორც კურსდამთავრებულის დასაქმებასა და კარიერულ წინსვლას, ასევე ქვეყანაში არსებული საჯარო მმართველობითი პროცესის ხარისხის გაუმჯობესებას. გარდა აღნიშნულისა, პროგრამის მიზანია კურსდამთავრებულთათვის საჯარო მმართველის პროფესიული უნარ-ჩვევების გამომუშავება, რაც გულისხმობს საჯარო და არა-კომერციულ ორგანიზაციებში წარმატებული მოღვაწეობისთვის აუცილებელი უნარ-ჩვევების, ასევე საჯარო პოლიტიკის შემუშავებისა და სახელმწიფო პროგრამების განხორციელების პროცესის ყველა ეტაპზე ობიექტური, რაციონალური, პოლიტიკურად მიუკერძოებელი და ეფექტიანი გადაწყვეტილებების მიღების, მართვისა და შეფასების მექნიზმების გამოყენების პრაქტიკული უნარებისა და ჩვევების გამომუშავებას. პროგრამის მიზნის განუყოფელი ნაწილია ასევე კურსდამთავრებულთათვის დემოკრატიულ ღირებულებებზე დაფუძნებული სახელმწიფოებრივი და სამოქალაქო აზროვნების ჩამოყალიბება, რაც საჯარო ადმინისტრირების პროფესიული ეთიკის უმნიშვნელოვანეს ღირებულებას წარმოადგენს.
სწავლის შედეგების მიღწევის მეთოდები/აქტივობები:	ლექცია-სემინარები ახსნა-განმარტებითი მეთოდი დემონსტრირების მეთოდი ინტერაქტიული ლექციები სიახლეთა გარჩევა პრაქტიკული მუშაობა გუნდური მუშაობა კრიტიკული ანალიზი შემთხვევის შესწავლა და ანალიზი (case study) ლიტერატურის მიმოხილვა წიგნზე მუშაობის მეთოდი შესაბამისი მასალის მოძიება ელექტრონულ ფორმატში ან ბიბლიოთეკაში წერითი მუშაობის მეთოდი ვერბალური, ანუ ზეპირსიტყვიერი მეთოდი დისკუსიები
სწავლის შედეგი:	ცოდნა და გაცნობიერება კურსდამთავრებულს ექნება: სისტემური ცოდნა სახელმწიფო სისტემის ადმინისტრაციული მოწყობის, საჯარო სექტორის შემადგენელი რგოლების როლის, ფუნქციების, ურთიერთდამოკიდებულებისა და ურთიერთქმედების შესახებ; დემოკრატიისა და კარგი მმართველობის ცნებებისა და ძირითადი ასპექტების ღრმა და სისტემური ცოდნა; საქართველოს სახელმწიფო ხელისუფლების ორგანოთა სისტემის, საქართველოს პარლამენტის, პრეზიდენტის, მთავრობის, სასამართლო ხელისუფლებისა და ადგილობრივი თვითმმართველობის ორგანოთა სისტემის, მათი უფლებამოსილებებისა და კომპეტენციის, ასევე საჯარო სამსახურის სისტემის ადამინისტრაციულ ორგანოთა საქმიანობის ძირითადი პრინციპების ღრმა და სისტემური ცოდნა; საჯარო პოლიტიკის ციკლური პროცესებისა და ეტაპების, საჯარო პოლიტიკის პროცესში ხელისუფლების, ფორმალური და არაფორმალური აქტორების როლისა და ფუნქციების სიღრმისეული ცოდნა; ორგანიზაციული თეორიისა და ორგანიზაციული ქცევის პრინციპების, საჯარო ორგანიზაციების მართვის თავისებურებების სისტემური ცოდნა. არასამთავრობო სექტორის წარმოშობა-განვითარების, არასამთავრობო ორგანიზაციების მართვის საკითხების, სახელმწიფოს, ბიზნესსა და საერთაშორისო მოთამაშეებთან ურთიერთქმედებისა და ურთიერდამოკიდებულების სისტემური ცოდნა. გაცნობიერებული სახელმწიფოს სოციალურ-ეკონომიკური პოლიტიკის მნიშვნელობა, გადასახადების ზეგავლენა ეკონომიკაზე, შიდა ბაზრების და საერთაშორისო ვაჭრობის რეგულირებაში მთავრობის როლი, ასევე უმუშევრობის და მისი გამომწვევი ფაქტორების, მთლიანი შიდა და ეროვნული პროდუქტის კომპონენტების, ინფლაციის გამოთვლისა და შეფასების მეთოდების ცოდნა საჯარო პოლიტიკის ანალიზის მეთოდებისა და ინსტრუმენტების, ასევე პოლიტიკის შემუშავების, მონიტორინგისა და შეფასების მეთოდების ღრმა და სისტემური ცოდნა; საგრანტო განაცხადის მომზადების, პროექტის განხორციელების ეტაპების, შეფასებისა და ანაგარიშთა ტიპების სრულყოფილი ცოდნა; სიღრმისეულად გაცნობიერებული არასამთავრობო და კერძო სექტორის საქმიანობის თავისებურებანი და მათი როლი სახელმწიფო მართვის პროცესში. კვლევის სტრუქტურის კომპონენტების, მოდელებისა და მეთოდების, ასევე წერის აკადემიური სტილის (APA) სტანდარტის საფუძვლიანი ცოდნა ძირითადი სტატისტიკური ოპერაციების შესრულების სისტემური ცოდნა. ცოდნის პრაქტიკაში გამოყენების უნარი კურსდამთავრებულს ექნება: საჯარო პოლიტიკის პროცესის, მასში მონაწილე მხარეების როლისა და ურთიერთდამოკიდებულების საჯარო საკითხების დამოუკიდებლად კვლევის, უნარი; შესაბამისი კვლევის მეთოდების გამოყენების გზით მიმდინარე და დასრულებული სახელმწიფო პროგრამების შეფასების უნარი; ბაზრის სხვადასხვა ტიპებისთვის (მონოპოლია, კონკურენცია, ოლიგოპოლია) საბაზრო წონასწორობის აგების და მოგების მაქსიმიზაციის გამოთვლის, მონოპოლიის უარყოფითი მხარეების გათვალისწინებით მონოპოლიური და კონკურენტული ბაზრების შედარების, ასევე სფეროსათვის დამახასიათებელი მეთოდების გამოყენებით ინფლაციის, უმუშევრობის, ფულის ღირებულების გამოთვლის უნარი; პოლიტიკის ანალიზის უახლესი მეთოდებისა და მიდგომების გამოყენებით კომპლექსური საზოგადოებრივი პრობლემის იდენტიფიცირების, პრობლემის გადასაჭრელად ალტერნატიული პოლიტიკური კურსების შემუშავებისა და ფორმულირების, პროგნოზირების, შეფასების, დოკუმენტირებისა და წარდგენის უნარი. საგრანტო განაცხადის წერის, ახალ, მულტიდისციპლინარულ ან ჯგუფში მუშაობისას პროექტის მენეჯმენტთან დაკავშირებული პრობლემების გადაჭრის უნარი. არასამთავრობო ორგანიზაციებისთვის დამახასიათებელ მულტიდისციპლინარულ გარემოში უკეთ ადაპტირების, რელევანტური სიტუაციების დამოუკიდებლად მართვის უნარი. IBM SPSS-ის და Microsoft Excel-ის საშუალებით კვლევის შედეგად მოპოვებული ინფორმაციის დამუშავების უნარი. დასკვნის უნარი კურსდამთავრებულს ექნება: კომპლექსური და არასრული ინფორმაციის პირობებში საზოგადოებრივი პრობლემების გამომწვევი ფაქტორების მიზეზ–შედეგობრივი კავშირების გააანალიზების, საჯარო სერვისების მიწოდების სხვადასხვა მექანიზმების დადებითი დაუარყოფითი მხარეების, მათი ეფექტიანობის შესახებ კვლევის დამუკიდებლად წარმოების, კრიტიკული ანალიზის, შეფასების და შესაბამისი დასკვნების გაკეთების უნარი. საჯარო პოლიტიკის ანალიტიკური ბარათის სტრუქტურისა და შედეგების მატრიცის, მოცემული რაოდენობრივი და თვისობრივი მონაცემების შესწავლის საფუძველზე საჯარო პოლიტიკის მიზანთან მიმართებაში მონიტორინგისა და შეფასების მეთოდების ადეკვატურობისა და საჯარო პოლიტიკის მიზანშეწონილობის დადგენის უნარი. საჯარო პოლიტიკის პროცესში ოფიციალური და არაოფიციალური მონაწილეების ფუნქციების სისტემური ანალიზის და დასაბუთებული დასკვნების ჩამოყალიბების უნარი; პროექტის მართვის პროცესში წარმოშობილი პრობლემების სისტემური ანალიზისა და დასაბუთებული დასკვნების გამოტანის უნარი; საჯარო ხელისუფლების ორგანოების როლისა და ფუნქციის შეფასების უნარი დემოკრატიული და სამართლებრივი სახელმწიფოს დამკვიდრების პროცესში; საჯარო სამართლებრივი ურთიერთობის მარეგულირებელი ნორმების ანალიზის, საჯარო სამართლებრივი და კერძოსამართლებრივი ურთიერთობის მარეგულირებელი ნორმების ურთიერთგამიჯვნის უნარი; კვლევაში გამოყენებული მეთოდებისა და კვლევის ვალიდურობის შეფასებისა და კრიტიკული ანალიზის უნარი; კომუნიკაციის უნარი კურსდამთავრებულს ექნება: აკადემიურ და პროფესიულ საზოგადოებასთან საჯარო მართვისა და პოლიტიკის თავისებურებებზე შეხედულებებისა და დასკვნების კომუნიკაციის, საჯარო პოლიტიკის კონკრეტული საკითხის გადაწყვეტაზე ორიენტირებული ალტერნატივების წარმოდგინისა და არგუმენტირებულად დაასაბუთიების უნარი; საჯარო პოლიტიკის კვლევისა და ანალიზის შედეგების საინფორმაციო-საკომუნიკაციო ტექნოლოგიების გამოყენებით წარმოდგენის უნარი; აკადემიურ და პროფესიულ საზოგადოებასთან პროექტის მართვის საკითხებზე ქართულ და ინგლისურ ენაზე კომუნიკაციის უნარი; საგრანტო განაცხადთან დაკავშირებული დასკვნების, არგუმენტაციისა და საკუთარი შეხედულებების, ასევე პროექტის შეფასების შედეგების, მოსაზრებებისა და არგუმენტების კომუნიკაციის უნარი აკადემიური და პროფესიული საზოგადოების წინაშე. საჯარო ადმინისტრირებაში კვლევების მეთოდოლოგიის თემატიკაზე ზეპირი და წერითი ფორმით არგუმენტაციისა და გადმოცემის, ასევე აკადემიური სტანდარტების დაცვით ეფექტური წერითი და ზეპირი კომუნიკაციის უნარი. სწავლის უნარი კურსდამთავრებულს ექნება: სახელმწიფო მართვისა და საჯარო პოლიტიკის დარგში ცოდნის დამოუკიდებლად გაღრმავების, შესაბამისი ლიტერატურის მოძიებისა და შემდგომი სწავლის მიმართულების განსაზღვრისა და დაგეგმვის უნარი. ღირებულებები კურსდამთავრებულს ექნება: გათავისებული საჯარო მოხელის ეთიკური ნორმები და მათი მნიშვნელობა; სოციალური და სამოქალაქო პასუხისმგებლობა; გათავისებული არასამთავრობო სექტორის როლი თანამედროვე დემოკრატიულ საზოგადოებაში. დემოკრატიული მმართველობის პრინციპებისადმი ერთგულება; ტოლერანტული დამოკიდებულება უმცირესობების წარმომადგენლების მიმართ; დემოკრატიული მმართველობის პრინციპების, სოციალური პასუხისმგებლობის, საჯარო მმართველის ეთიკური ნორმების, ადამიანის ძირითადი უფლებებისა და თავისუფლებების შესახებ თავისი და სხვისი დამოკიდებულების შეფასების უნარი.
პროგრამის დამტკიცების თარიღი:	12-12-2005
პროგრამის დამტკიცების ოქმის ნომერი:	4
პროგრამის განახლების თარიღი:	12-16-2014
პროგრამის განახლების ოქმის ნომერი:	55-14
პროგრამის დეტალები:	საჯარო მმართველობის სამაგისტრო პროგრამის ძირითადი და არჩევითი კურსების ერთობლიობა უზრუნველყოფს თემატური ბლოკებში ჩაღრმავების შესაძლებლობას, რაც კურსდამთავრებულს გამოუმუშავებს კვალიფიკაციის შესაბამის და დასაქმების ბაზარზე ორიენტირებულ კომპეტენციებს. გამოკვეთილი პროფესიული ინტერესებიდან გამომდინარე სტუდენტს შეუძლია აირჩიოს საგნები საჯარო ადმინისტრირებისა და მართვის, პოლიტიკისა და საერთაშორისო ურთიერთობების ან სამართლის ბლოკებიდან. შესაძლებელია საგნების არჩევა როგორც ერთი, ასევე სამივე ბლოკიდან, რაც სტუდენტს საშუალებას აძლევს მიიღოს სპეციფკიური ცოდნა არჩეული მიმართულებით ან შეარჩიოს მისთვის საინტერესო საგანთა კომბინაცია. პროგრამით გათვალისწინებული სასწავლო კურსები მიმდინარეობს ქართულ ენაზე ინგლისური კომპონენტებით.
სწავლების ორგანიზების თავისებურებები:	საჯარო მმართველობის სამაგისტრო პროგრამა შედგება 120 (ECTS) კრედიტისგან. საჯარო მმართველობის მაგისტრის დიპლომის მისაღებად სტუდენტმა უნდა გაიაროს საჯარო მმართველობის სამაგისტრო პროგრამის ძირითადი საგნები, მათ შორის სამაგისტრო ნაშრომი საჯარო მმართველობაში. ძირითადი საგნების ბლოკის კრედიტთა საერთო რაოდენობა შეადგენს 84 კერდიტს. დანარჩენი 36 კრედიტის აღების საშუალებას იძლევა საჯარო მმართველობის სამაგისტრო პროგრამის თემატური ბლოკები: საჯარო ადმინისტრირებისა და მართვის, პოლიტიკისა და საერთაშორისო ურთიერთობების ან სამართლის ბლოკები.

პროგრამის ძირითადი


კოდი	საგანი	კრედიტი	სემესტრი
LAWB8800	საჯარო ადმინისტრირების ძირითადი სამართლებრივი ასპექტები	6	1
PUBL5110	სახელმწიფო მართვა	6	1
PUBL5120	პოლიტიკის პროცესი, ინსტიტუციები და მართვა	6	1
PUBL5278	არასამთავრობო სექტორის მართვა	6	2
PUBL6220	საჯარო პოლიტიკის ანალიზი	6	2
PUBL6580	პოლიტიკური იდეოლოგიები	6	2
ECON6580	ეკონომიკა	6	3
MGMT6130	პროექტის მენეჯმენტი	6	3
PUBL6570	კვლევის მეთოდები საჯარო ადმინისტრირებაში	6	3
PUBL6300	სამაგისტრო ნაშრომი საჯარო მმართველობაში	30	4
	კრედიტების ჯამი:	84

ასარჩევი


კოდი	საგანი	კრედიტი
MGMT5210	ადამიანური რესურსების მართვა	6
PUBL5111	დეცენტრალიზაცია და მოქალაქეთა თანამონაწილეობა მმართველობაში	6
PUBL5240	საერთაშორისო ორგანიზაციები და ინსტიტუციები	6
PUBL6230	სოციალური პოლიტიკა	6
BLCH5110	ბლოკჩეინი - დეცენტრალიზებული ინფორმაციული სისტემა	6
IREL5140	განათლების მოდელები და სისტემები აშშ-სა და ევროპაში	6
IREL5240	ენერგოპოლიტიკა და გარემოს დაცვა	6
IREL6131	აშშ-ს საგარეო პოლიტიკა და თავდაცვა	6
LAWP5460	სამოხელეო სამართალი	6
LAWP5510	პოლიტიკური პარტიების სამართალი	6
PUBL5279	ადმინისტრაციული ლიდერობა საჯარო სექტორში	6
STAT5111	ბიზნეს სტატისტიკა	6
BLCH5119	სმარტ კონტრაქტის სამართლებრივი რეგულაცია	6
FINA5250	ფინანსების მენეჯმენტი	6
IREL5120	თანამედროვე აშშ-ს პოლიტიკა	6
IREL5130	ევროკავშირის ინტეგრაცია, პოლიტიკური და ეკონომიკური ასპექტები	6
LAWB6190	ეკონომიკური საქმიანობა და გადასახადებით დაბეგვრა	6
LAWI5220	ადამიანის უფლებათა საერთაშორისო სამართალი	6
LAWP 5260	შედარებითი კონსტიტუციური სამართალი	6
LAWP5160	ევროპის კავშირის ადმინისტრაციული სამართალი	6
LAWP5250	ადმინისტრაციული ორგანოს საქმიანობის სამართლებრივი ფორმები	6
MGMT5230	სტრატეგიული მენეჯმენტი	6
MGMT6110	ორგანიზაციული ქცევა	6
PHMA5110	საზოგადოებრივი ჯანდაცვა და ჯანდაცვის პოლიტიკა	6
PUBL6112	კრიზისის მენეჯმენტი საჯარო ორგანიზაციებში	6
PUBL5112	არაღიარებული სახელმწიფოების მშენებლობა	6
PUBL5225	საგრანტო განაცხადის შემუშავება და წერა	6
	კრედიტების ჯამი:	162

საჯარო ადმინისტრირებისა და მართვის ბლოკი - ასარჩევი


კოდი	საგანი	კრედიტი	სემესტრი
MGMT5210	ადამიანური რესურსების მართვა	6	1
PUBL5111	დეცენტრალიზაცია და მოქალაქეთა თანამონაწილეობა მმართველობაში	6	1
PUBL5279	ადმინისტრაციული ლიდერობა საჯარო სექტორში	6	2
STAT5111	ბიზნეს სტატისტიკა	6	2
BLCH5110	ბლოკჩეინი - დეცენტრალიზებული ინფორმაციული სისტემა	6	2
PUBL6112	კრიზისის მენეჯმენტი საჯარო ორგანიზაციებში	6	3
MGMT6110	ორგანიზაციული ქცევა	6	3
MGMT5230	სტრატეგიული მენეჯმენტი	6	3
FINA5250	ფინანსების მენეჯმენტი	6	3
PUBL5225	საგრანტო განაცხადის შემუშავება და წერა	6	4
	კრედიტების ჯამი:	60

სამართლის ბლოკი - ასარჩევი


კოდი	საგანი	კრედიტი	სემესტრი
LAWP5510	პოლიტიკური პარტიების სამართალი	6	2
LAWP5460	სამოხელეო სამართალი	6	2
LAWI5220	ადამიანის უფლებათა საერთაშორისო სამართალი	6	3
LAWP5250	ადმინისტრაციული ორგანოს საქმიანობის სამართლებრივი ფორმები	6	3
LAWP5160	ევროპის კავშირის ადმინისტრაციული სამართალი	6	3
LAWB6190	ეკონომიკური საქმიანობა და გადასახადებით დაბეგვრა	6	3
BLCH5119	სმარტ კონტრაქტის სამართლებრივი რეგულაცია	6	3
LAWP 5260	შედარებითი კონსტიტუციური სამართალი	6	3
	კრედიტების ჯამი:	48

პოლიტიკისა და საერთაშორისო ურთიერთობების ბლოკი - ასარჩევი


კოდი	საგანი	კრედიტი	სემესტრი
PUBL5240	საერთაშორისო ორგანიზაციები და ინსტიტუციები	6	1
PUBL6230	სოციალური პოლიტიკა	6	1
IREL6131	აშშ-ს საგარეო პოლიტიკა და თავდაცვა	6	2
IREL5140	განათლების მოდელები და სისტემები აშშ-სა და ევროპაში	6	2
IREL5240	ენერგოპოლიტიკა და გარემოს დაცვა	6	2
IREL5130	ევროკავშირის ინტეგრაცია, პოლიტიკური და ეკონომიკური ასპექტები	6	3
IREL5120	თანამედროვე აშშ-ს პოლიტიკა	6	3
PHMA5110	საზოგადოებრივი ჯანდაცვა და ჯანდაცვის პოლიტიკა	6	3
PUBL5112	არაღიარებული სახელმწიფოების მშენებლობა	6	4
	კრედიტების ჯამი:	54

პრერეკვიზიტების მატრიცა

შეფასების სისტემა

ყოველკვირეული შეფასება (ქვიზი)	24 ქულა / 24%;
რეფერატი ან სხვა აქტივობა, რომელიც შეიძლება ითვალისწინებდეს პრეზენტაციას.	16 ქულა/ 16%;
შუალედური გამოცდა	25 ქულა / 25%;
დასკვნითი გამოცდა	35 ქულა / 35%

შედეგების საშუალო	შედეგების საშუალოს კოეფიციენტი (GPA)	საუნივერსიტეტო შეფასება	საქართველოში მოქმედი ზოგადი შეფასება
97-100	4,00	A+	A	ფრიადი
94-96	3,75	A
91-93	3,50	A-
87-90	3,25	B+		ძალიან კარგი
84-86	3,00	B	B
81-83	2,75	B-
77-80	2,50	C+	C	კარგი
74-76	2,25	C
71-73	2,00	C-
67-70	1,75	D+	D	დამაკმაყოფილებელი
64-66	1,50	D
61-63	1,25	D-
51-60	1,00	E	E	საკმარისი
უარყოფითი შეფასება
41-50		FX	FX	ვერ ჩააბარა
<40		F	F	ჩაიჭრა