I ნაწილი 

 კურსდამთავრებული ღრმად და სისტემურად  განიხილავს:

• ქართული ზმნის სტრუქტურასა და კონსტრუქციას, უღლების ტიპებად დაყოფის გრამატიკულ საფუძველს,  შესაბამისი პარადიგმების ინტერპრეტირების ხერხებს.  სახელისა და ზმნის სინტაქსური ურთიერთობის მექანიზმს და  ინდოევროპული ენების  სინტაქსთან არსებულ განსხვავებას; 
• ქართული მწერლობისა და მსოფლიო ლიტერატურული პროცესის ურთიერთმიმართების საკითხს. ძველი, ახალი და უახლესი ქართული მწერლობის ადგილს მედიევისტიკასა და მსოფლიო ლიტერატურის ისტორიაში. 
• „ვეფხისტყაოსნისა“ და მსოფლიო ლიტერატურული პროცესის ურთიერთმიმართების საკითხს. რუსთველის  ადგილს  როგორც ქართული, ისე - მსოფლიო ლიტერატურის ისტორიაში. 
• სიტყვის, როგორც ენის ლექსიკის ერთეულის მიმართებას მთელ ლექსიკურ სისტემასთან. მისი სინქრონული და დიაქრონული შესწავლის თავისებურებებს; ლექსიკოლოგიის დარგებსა და მათ ურთიერთმიმართებას; ლექსიკონის შედგენის თეორიას.
• ლინგვისტურ მოძღვრებათა ისტორიას, თანამედროვე ლინგვისტიკის ძირითად დარგებს, ლინგვისტური აზროვნების პარადიგმებს, წესებს, პრინციპებსა და მეთოდებს; ახასიათებს ლინგვისტური აზროვნების პარადიგმათა დიფერენციალური ნიშნებს; აღწერს ლინგვისტური აზროვნების დინამიკისა და თანამედროვე ლინგვისტიკაში არსებული პარადიგმული სიტუაციის თავისებურებებს.
• კულტუროლოგიური ლინგვისტიკის საბაზისო საკითხებს;  ლინგვოკულტუროლოგიისა და კოგნიტური ლინგვისტიკის უმთავრეს ასპექტებს; ბილინგვიზმისა და მულტილინგვიზმის არსს; სფეროსთან დაკავშირებული თეორიები და სფეროს კომპლექსური საკითხები;

კომპლექსურად განსაზღვრავს და ახასიათებს:

• აკადემიური წერისა და სამეცნიერო კვლევის ძირითად პრინციპებს, აკადემიური დისკურსის თავისებურებებს, კვლევის დაგეგმვისა და განხორციელების ფუნდამენტურ მიდგომებს, სამეცნიერო წყაროების გამოყენების, ციტირებისა და აკადემიური კეთილსინდისიერების სტანდარტებს.
• ლინგვისტიკის თანამედროვე თეორიებს  და კვლევის მეთოდებს;
• ლექსიკონის რაობასა და მის სახეობებს, შედგენის პრინციპებს.
• სხვადასხვა კომუნიკაციური მიზანდასახულობისა და ფორმატის მქონე წერილობითი ტექსტების სტრუქტურულ და ენობრივ მახასიათებლებს;
• ლინგვისტური აზროვნების პარადიგმათა დიფერენციალური ნიშნებს;  ლინგვისტური აზროვნების დინამიკისა და თანამედროვე ლინგვისტიკაში არსებული პარადიგმული სიტუაციის თავისებურებებს.
• ქართული  პოეზიის განვითარების ძირითად  ტენდენციებსა და კანონზომიერებებს; ქართული ლექსის ისტორიის ძირითადი ეტაპების სპეციფიკას  მსოფლიო პოეზიის კონტექსტში.

II ნაწილი 

 კურსდამთავრებული ღრმად და სისტემურად  განიხილავს:

• ზოგადი დიალექტოლოგიის პრობლემებსა და ქართული ენის დიალექტების თავისებურებებს (ფონეტიკურ-მორფოლოგიურ-ლექსიკური);  ერთგვაროვანი მოვლენების ნაირგვარ შეპირობებულობას სხვადასხვა დიალექტურ სისტემაში; ამ სფეროსთან დაკავშირებულ თეორიებსა და პრინციპებს; სფეროს კომპლექსურ საკითხებს;
• ენობრივი პოლიტიკის ძირითად  თეორიებსა და თანამედროვე მეთოდებს;  ენობრივი პოლიტიკის, როგორც  დარგის  ჩამოყალიბებისა და განვითარების, ენისა და ნაციონალიზაციის, ენისა და ეთნიკურობის, ენობრივი  კორპუსისა და ენის მიღების დაგეგმარებას, ენობრივ მენეჯმენტს.
• კრიტიკულად აანალიზებს ლინგვისტური და ლიტერატურათმცოდნეობითი კვლევის თეორიულ საფუძვლებს, თანამედროვე მეთოდოლოგიურ მიდგომებსა და მეთოდებს, აღწერს სხვადასხვა კვლევითი სტრატეგიის შესაძლებლობებსა და შეზღუდვებს, განიხილავს კვლევის ეთიკისა და აკადემიური კეთილსინდისიერების პრინციპების მნიშვნელობას ახალი ცოდნის პროდუცირების პროცესში.
• ტექსტის შედარებითი ანალიზის პრინციპებს; საერთოისტორიულ კონტექსტში მხატვრულ-ლიტერატურული აზროვნების განვითარების ზოგად კანონებს და თანამედროვე „ცივილიზაცითა ინტეგრაციის“ პროცესში „კულტურათშორისი დიალოგის“ მნიშვნელობას;

კომპლექსურად განსაზღვრავს და ახასიათებს:

• ქართული ენის დიალექტებს (ფონეტიკა-მორფოლოგია-ლექსიკა) და მათ მიმართებას სალიტერატურო ენასთან;
• ქართული მწერლობისა და მსოფლიო ლიტერატურული პროცესის ურთიერთმიმართების საკითხს. ძველი, ახალი და უახლესი ქართული მწერლობის ადგილს მედიევისტიკასა და მსოფლიო ლიტერატურის ისტორიაში.
• ქართული ენისა და ეროვნული კულტურის ურთიერთმიმართებას, ენისა და ერის, ენისა და საზოგადოების, ენისა და აზროვნების და საერთოდ, ენისა და კულტურის ურთიერთმიმართების საკითხებს.  ენობრივი მოვლენების სინქრონიულ  აღწერსა და ანალიზს.  მულტილინგვიზმის ფენომენის არსს და ამ უკანასკნელის როლს ენობრივი პოლიტიკის ჩამოყალიბებაში.  
   

I ნაწილი 

კურსდამთავრებული:

• აღწერს და კრიტიკულად აანალიზებს ქართული ლიტერატურის (უძველესი პერიოდიდან დღემდე) ძირითად ტენდენციებს და აყალიბებს დასკვნებს მათი კრიტიკული ანალიზის საფუძველზე;  დამოუკიდებლად იკვლევს ქართველ მწერალთა შემოქმედებით მემკვიდრეობას მსოფლიო ლიტერატურული პროცესების  კონტექსტში;
• კომპლექსურად აანალიზებს ქართული  ენის მხასიათებლებს და აყალიბებს დასაბუთებულ დასკვნებს; სინქრონიულ და დიაქრონიულ ჭრილში შეისწავლის  ენობრივ მოვლენებს და იყენებს მიღებულ ცოდნას  საკითხთა ინტერდისციპლინურ კვლევებში.
• დამოუკიდებლად აგებს სხვადასხვა კომუნიკაციური ინტენციისა და ფორმატის მქონე ტექსტებს აკადემიური კეთილსინდისირების პრინციპების დაცვით, ეფექტური წერილობითი ტექსტის კონსტრუირებისათვის რელევანტური მეთოდებისა და მიდგომების გამოყენებით; იყენებს ინფორმაციის პროცესირებისა და რედაქტირების ძირითად თეორიულ და მეთოდოლოგიურ მიდგომებს;
• კრიტიკულად აანალიზებს თანამედროვე ლინგვისტიკის ძირითადი დარგების, მიმდინარეობების, თეორიებისა და კვლევის მეთოდების ამა თუ იმ პარადგმისათვის მიკუთვნებულობის საფუძველს; ახდენს თანამედროვე ლინგვისტიკის ძირითადი დარგების, მიმდინარეობების, თეორიების, ლინგვისტური აზროვნების პარადიგმებისა და თანამედროვე ლინგვისტიკის ძირითადი თეორიული და მეთოდოლოგიური მიდგომების შესახებ არსებული ცოდნის სინთეზირებას;
• შემოქმედებითად იყენებს  თანამედროვე საინფორმაციო და საკომუნიკაციო ტექნოლოგიებს ინფორმაციის ეფექტური ვიზუალიზაციის მიზნით; ციფრულ/ბეჭდვით ბიბლიოთეკებსა და ელექტრონულ პლატფორმებზე ახდენს ინფორმაციის განთავსებასა და გავრცელებას.
• მუშაობს სხვადასხვა ტიპის ლექსიკონის შედგენაზე. 
• აანალიზებს ქართული პოეზიის განვითარების ძირითად ტენდენციებს; მიღებული თეორიული ცოდნისა და დარგისთვის რელევანტური მეთოდოლოგიის პრაქტიკაში გამოყენების გზით  აფასებს ქართული ლექსის განვითარების სხვადასხვა ეტაპზე გამოკვეთილ ტენდენციებსა და  მხატვრულ-ესთეტიკურ ღირებულებას.
• აკადემიური წერის სტანდარტების ზედმიწევნით დაცვით ამზადებს კვლევით ნაშრომს ან მისი ცალკეული კომპონენტებს, ახდენს სამეცნიერო ლიტერატურის კრიტიკულ ანალიზსა და სინთეზს, აყალიბებს კვლევით პრობლემას, მიზანსა და კვლევის კითხვებს, იყენებს შესაბამის აკადემიურ წყაროებსა და მონაცემთა ბაზებს. 

II ნაწილი 

კურსდამთავრებული

• აკადემიური კეთილსინდისიერებისა და კვლევის ეთიკის პრინციპების ზედმიწევნით დაცვით დამოუკიდებლად გეგმავს და ახორციელებს  კვლევას  ქართული ფილოლოგიის სფეროში  უახლესი მეთოდებისა და მიდგომების პრაქტიკაში გამოყენებით;
• სამეცნიერო პუბლიკაციების  (მათ შორის, უახლესი კვლევების) კრიტიკული ანალიზის საფუძველზე აყალიბებს  დასაბუთებულ  დასკვნებს შესაბამისი  სამეცნიერო-ტერმინოლოგიური აპარატის გამოყენებით;
• საკვლევი საკითხის შესახებ სამეცნიერო ლიტერატურაში სხვადასხვა დროს  გამოთქმული შეხედულებების  უახლეს მონაცემებთან შეჯერების საფუძველზე ახდენს  ინფორმაციის ინოვაციურ სინთეზს;   
• შემოქმედებითად იყენებს  თანამედროვე საინფორმაციო და საკომუნიკაციო ტექნოლოგიებს ინფორმაციის ეფექტური ვიზუალიზაციის მიზნით; ციფრულ/ბეჭდვით ბიბლიოთეკებსა და ელექტრონულ პლატფორმებზე ახდენს ინფორმაციის განთავსებასა და გავრცელებას.

I ნაწილი

კურსდამთავრებული:

• ახდენს მიღებული ცოდნის ინტეგრირებას  ქართული ფილოლოგიის სფეროს უახლეს მიღწევებთან;
• განსაზღვრავს  საკუთარი ცოდნისა და მიღებული გამოცდილების განვითარების აუცილებლობას კვლევითი უნარების გაღრმავებით  მაგისტრატურის მეორე  დონეზე. 

II ნაწილი

კურსდამთავრებული:

• ახდენს ქართული ფილოლოგიის სფეროში  კვლევისთვის რელევანტური  პრობლემის იდენტიფიცირებას, გეგმავს და ახორციელებს კვლევას და იყენებს მიღებულ შედეგებს  სამაგისტრო  ნაშრომის კონსტრუირებისას აკადემიური  წერისა და კვლევის სტრატეგიების გამოყენებით.