I ნაწილი

პროგრამის დასრულების შემდეგ, კურსდამთავრებული:

• დეტალურად განიხილავს საგანმანათლებლო პოლიტიკას, მმართველობის სტრუქტურებს, ლიდერობისა და დაფინანსების მოდელებსა და სამართლებრივ ჩარჩოებს;
• სიღრმისეულად აღწერს და დეტალურად განმარტავს კურიკულუმის დაგეგმვის, იმპლემენტაციისა და შეფასების საკვანძო საკითხებსა და პრინციპებს ისევე როგორც სწავლისა და სწავლების თეორიებსა და სტრატეგიებს;
• აღწერს დავის გადაჭრისა და კონფლიქტების მართვის პროცესის თავისებურებებს საგანმანათლებლო დაწესებულებებში;
• განსაზღვრავს პოზიტიური ორგანიზაციული კულტურის ფორმირებისა და ცვლილებების მართვის პრინციპებს;
• სიღრმისეულად აღწერს თანამედროვე საინფორმაციო და საკომუნიკაციო ტექნოლოგიების გამოყენებისა და ციფრული ტრანსფორმაციის მართვის თავისებურებებს საგანმანათლებლო ორგანიზაციებსა და დაწესებულებებში.

II ნაწილი

პროგრამის დასრულების შემდეგ, კურსდამთავრებული:

• საფუძვლიანად აღწერს და განმარტავს თანამედროვე თვისებრივი და რაოდენობრივი კვლევის მეთოდოლოგიას, კვლევის დიზაინსა და მონაცემთა ანალიზის მიდგომებს განათლების სფეროში;
• განმარტავს აკადემიური წერის, სამეცნიერო კომუნიკაციისა და კვლევის ეთიკის პრინციპებს;
• აანალიზებს განათლების ადმინისტრირებისა და პოლიტიკის სფეროში მიმდინარე კვლევით ტენდენციებსა და მიდგომებს; 
•  სიღრმისეულად აღწერს საგანმანათლებლო და კვლევითი პროექტების მართვის პრინციპებს, პროექტის სასიცოცხლო ციკლის ეტაპებს, რესურსების მართვის, მონიტორინგისა და შეფასების მექანიზმებს; 
• განსაზღვრავს მტკიცებულებებზე დაფუძნებული გადაწყვეტილებების მიღების მნიშვნელობას საგანმანათლებლო ორგანიზაციების ადმინისტრირების პროცესში.

I ნაწილი

პროგრამის დასრულების შემდეგ კურსდამთავრებული:

• კრიტიკულად აანალიზებს და თანმიმდევრულად იყენებს სწავლა-სწავლების პროცესების მართვისა და კურიკულუმის შემუშავების, იმპლემენტაციისა და შეფასების პრინციპებსა და სტრატეგიებს;
• კრიტიკულად აანალიზებს და აფასებს განათლების პოლიტიკის, მართვისა და ლიდერობის აქტუალურ საკითხებსა და გამოწვევებს;
• თანმიმდევრულად იყენებს პოზიტიური ორგანიზაციული გარემოსა და კულტურის ჩამოყალიბებასა და შენარჩუნებაზე ორიენტირებულ მიდგომებს, აგრეთვე საგანმანათლებლო სივრცეში არსებული კონფლიქტების მართვისა და მედიაციის სტრატეგიებსა და პრინციპებს;
• იყენებს განათლების დაფინანსების, რესურსების მართვისა და სტრატეგიული დაგეგმვის ინსტრუმენტებს საგანმანათლებლო ორგანიზაციის ეფექტური ფუნქციონირების უზრუნველსაყოფად;
• თანმიმდევრულად იყენებს განათლების ხარისხის უზრუნველყოფის მექანიზმებსა და მეთოდებს საგანმანათლებლო ორგანიზაციის განვითარების სტრატეგიის მართვისა და შეფასების პროცესში.

II ნაწილი

პროგრამის დასრულების შემდეგ კურსდამთავრებული:

• აკადემიური კეთილსინდისიერებისა და კვლევის ეთიკის პრინციპების ზედმიწევნით დაცვით დამოუკიდებლად გეგმავს, ახორციელებს და აფასებს კვლევებს განათლების სფეროში; 
• იყენებს თვისებრივი და რაოდენობრივი მონაცემების შეგროვების, დამუშავებისა და ანალიზის თანამედროვე მეთოდებს;
•  პრაქტიკის ფარგლებში აანალიზებს საგანმანათლებლო ორგანიზაციებში არსებულ პრობლემებსა და გამოწვევებს, განსაზღვრავს კვლევის საჭიროებებს და შესაბამისი მტკიცებულებების საფუძველზე შეიმუშავებს რჩევებსა და რეკომენდაციებს;
• იყენებს კვლევის შედეგებს საგანმანათლებლო პოლიტიკის, მართვისა და ორგანიზაციული განვითარების საკითხებთან დაკავშირებული გადაწყვეტილებების დასაბუთებისა და გაუმჯობესების მიზნით;
• გეგმავს, მართავს და აფასებს საგანმანათლებლო და კვლევით პროექტებს, იყენებს პროექტების მართვის თანამედროვე ინსტრუმენტებსა და მიდგომებს პროექტის ეფექტურად განხორციელებისა და რელევანტური შედეგების უზრუნველყოფის მიზნით; 
• დამოუკიდებლად ამზადებს აკადემიურ ნაშრომს, კვლევით ანგარიშს ან პროექტს აკადემიური წერის საერთაშორისო სტანდარტების გამოყენებით. 

I ნაწილი

პროგრამის დასრულების შემდეგ კურსდამთავრებული:

• მონაწილეობს განათლებასთან დაკავშირებული პროგრესული ღირებულებების დამკვიდრების პროცესში და შეაქვს წვლილი საგანმანათლებლო ორგანიზაციისა და მისი ეკოსისტემის განვითარებაში პროფესიული ეთიკის, საზოგადოებრივი ინტერესის, კეთილდღეობის პრინციპებისა და დემოკრატიული ღირებულებების დაცვით.

II ნაწილი

პროგრამის დასრულების შემდეგ კურსდამთავრებული:

• დამოუკიდებლად წარმართავს კვლევით საქმიანობას, იღებს პასუხისმგებლობას კვლევის დაგეგმვის, განხორციელებასა და შედეგების დისემინაციაზე აკადემიური კეთილსინდისიერებისა და კვლევის ეთიკის პრინციპების დაცვით;
• განსაზღვრავს პროფესიული განვითარების საჭიროებებს და მზად არის დამოუკიდებელი სამეცნიერო საქმიანობისა და სადოქტორო საფეხურზე სწავლისათვის.