პროგრამის დასრულების შემდეგ, კურსდამთავრებული:

• აღწერს არქეოლოგიის, როგორც სამეცნიერო დისციპლინის, განვითარების ძირითად ეტაპებს, არქეოლოგიური პერიოდების (ქვის, ბრინჯაოს, რკინის ხანა, კლასიკური პერიოდი და შუა საუკუნეები) ნივთიერი კულტურის თავისებურებებსა და უმთავრეს არქეოლოგიურ ძეგლებს;
• განმარტავს მსოფლიოსა და საქართველოს ისტორიის ძირითად პერიოდებსა და მოვლენებს, საქართველოსა და კავკასიის ისტორიულ-გეოგრაფიულ თავისებურებებს, აგრეთვე მსოფლიო და ქართული ხელოვნების განვითარების ძირითად ეტაპებს კულტურულ-ისტორიულ კონტექსტში;
• განმარტავს ქართული სალიტერატურო ენის განვითარების, პერიოდიზაციისა და ნორმირების ძირითად პრინციპებს და იყენებს სახელმწიფო ენას აკადემიური და პროფესიული კომუნიკაციისას;
• აღწერს არქეოლოგიური კვლევის ძირითად მეთოდებს, ლანდშაფტის არქეოლოგიის, ნუმიზმატიკის, პალეოგრაფიის, ეპიგრაფიკის, აგრეთვე არქეოლოგიური მასალების ტექნოლოგიისა და კონსერვაციის საბაზისო პრინციპებს.

პროგრამის დასრულების შემდეგ, კურსდამთავრებული:

• აანალიზებს არქეოლოგიის სფეროს სამეცნიერო ლიტერატურას, დამოუკიდებლად მოიძიებს, ამუშავებს და კრიტიკულად აფასებს პროფესიული საქმიანობისათვის საჭირო ინფორმაციას;
• იყენებს არქეოლოგიური კვლევის შესაბამის მეთოდებს საველე და კამერული კვლევის პროცესში, ახორციელებს არქეოლოგიური მასალის იდენტიფიცირებას, კლასიფიცირებასა და დოკუმენტირებას;
• ამზადებს საველე დოკუმენტაციას, არქეოლოგიურ ანგარიშებსა და აკადემიურ ნაშრომებს კვლევის სპეციფიკის, აკადემიური კეთილსინდისიერებისა და სახელმწიფო ენის ნორმების დაცვით;
• იყენებს გეოინფორმაციულ ტექნოლოგიებს, ციფრული არქეოლოგიის ინსტრუმენტებსა და ზუსტი და საბუნებისმეტყველო მეცნიერებების შესაბამის მეთოდებს არქეოლოგიური კვლევის პროცესში;
• არჩევს კვლევის მიზნისა და არქეოლოგიური მასალის სპეციფიკის შესაბამის მეთოდებს, აანალიზებს მიღებულ მონაცემებს და აყალიბებს დასაბუთებულ დასკვნებს;
• ამყარებს ეფექტიან პროფესიულ კომუნიკაციას არქეოლოგიისა და კულტურული მემკვიდრეობის საკითხებზე დარგის სპეციალისტებთან, მომიჯნავე სფეროების წარმომადგენლებთან და არასპეციალისტ აუდიტორიასთან.

პროგრამის დასრულების შემდეგ, კურსდამთავრებული:

• იცავს პროფესიული ეთიკის, აკადემიური კეთილსინდისიერებისა და კულტურული მემკვიდრეობის დაცვის პრინციპებს სასწავლო და პროფესიულ საქმიანობაში;
• გეგმავს და წარმართავს საკუთარი პროფესიული ცოდნისა და უნარების განვითარებას, თანამედროვე სამეცნიერო მიღწევებისა და პრაქტიკის გათვალისწინებით.