პროგრამის მიზანია სტუდენტებს მისცეს როგორც თეორიული ასევე პრაქტიკული ცოდნა და გამოცდილება , რომ მათ შეძლონ  კომპლექსური პროფესიული ამოცანების შესრულება, როგორიცაა: ალგორითმების შექმნა, ოპტიმიზირებული კომპიუტერული სისტემების დიზაინი და ციფრული გადაწყვეტილებების გამოყენება სხვადასხვა აპლიკაციებისთვის.
პროგრამა მიზნად ისახავს სტუდენტებს ჰქონდეთ ფუნდამენტური ცოდნა კომპიუტერული მეცნიერების, მათ შორის პროგრამირების, მონაცემთა სტრუქტურების და ხელოვნური ინტელექტის სფეროში.  განუვითაროს მათ ანალიტიკური და კრიტიკული აზროვნება, ასევე, გუნდური მუშაობისა და კომუნიკაციის უნარები, რათა წარმატებით გაუმკლავდნენ პროფესიულ  პრობლემებსა და გამოწვევებს;  აღჭურვოს საჭირო ცოდნითა და უნარებით, რათა გააგრძელონ სწავლა შემდგომ საფეხურებზე და ჩაერთონ ტექნოლოგიურ კვლევებში. 

• ლექცია-სემინარები;
• დემონსტრირების მეთოდი;
• სიახლეთა გარჩევა;
• პრაქტიკული მუშაობა;
• ლაბორატორიული მუშაობა;
• პრეზენტაციების წარდგენა;
• გუნდური მუშაობა;
• კრიტიკული ანალიზი;
• ლიტერატურის მიმოხილვა;
• წიგნზე მუშაობის მეთოდი;
• შესაბამისი მასალის მოძიება ელექტრონულ ფორმატში ან ბიბლიოთეკაში;

პროგრამის ძირითადი საგნების სწავლის შედეგები შეესაბამება პროგრამის მიზნებსა და შედეგებს და ემსახურება ზოგადი დარგობრივი კომპეტენციების გამომუშავებას. ძირითადი კურსების შინაარსობრივი და ლოგიკური თანმიმდევრობა
უზრუნველყოფს კონკრეტულ მოდულებში ჩაღრმავების შესაძლებლობას, რაც კურსდამთავრებულს გამოუმუშავებს კვალიფიკაციის შესაბამის და დასაქმების ბაზარზე ორიენტირებულ კომპეტენციებს. არჩევითი კურსები ემსახურება სტუდენტის ინტერესის მიხედვით ცოდნის გაღრმავებას სპეციალობის სხვადასხვა მიმართულებით.

კომპიუტერული მეცნიერების ბაკალავრის ხარისხის მისაღებად სტუდენტმა უნდა დააგროვოს 240 კრედიტი, რომელიც მოიცავს:

• 138 ECTS ძირითად საგანს (მათ შორის საბაკალავრო პროექტი 12 ECTS);
• 6 ECTS უნივერსიტეტის არჩევითი STEM ბლოკიდან;
• 12 ECTS უნივერსიტეტის არჩევითი ჰუმანიტარულ-სოციალური ბლოკიდან;
• დარჩენილი 84 ECTS სტუდენტს შეუძლია მოიპოვოს კომპიუტერული მეცნიერების პროგრამაში არჩევითი საგნების სხვადასხვა ბლოკებიდან.