სამართალმცოდნეობის საბაკალავრო პროგრამის მიზანია მოამზადოს მაღალკვალიფიციური სპეციალისტები კერძო, საჯარო და სისხლის სამართლის სფეროში, რითაც ხელს შეუწყობს სამართლებრივი სახელმწიფოს განვითარებას, საზოგადოებაში სამართლებრივი, დემოკრატიული და პროფესიული ეთიკის ღირებულებების განმტკიცებასა და სამოქალაქო მართლშეგნების ამაღლებას.

თეორიული ცოდნისა და პრაქტიკული სწავლების მეთოდების გამოყენებით პროგრამა კურსდამთავრებულს მისცემს სფეროსთვის აქტუალურ ცოდნას, გამოუმუშავებს შესაბამის პრაქტიკულ უნარებს და პროფესიულ პასუხისმგებლობასა და ავტონომიას. პროგრამის დასრულების შემდეგ, კურსდამთავრებული შეძლებს იმუშაოს ნებისმიერ იმ თანამდებობაზე, სადაც მოითხოვება სამართლის ბაკალავრის აკადემიური ხარისხი და არ არის აუცილებელი სახელმწიფო სასერტიფიკაციო გამოცდის ჩაბარება. კურსდამთავრებულს ცოდნის გაღრმავების მიზნით შესაძლებლობა ექნება სწავლა განაგრძოს სამაგისტრო სწავლების საფეხურზე, რომელიც ორიენტირებულია შემდგომი დონის სპეციალისტის მომზადებაზე.

• ახსნა-განმარტებითი მეთოდი;
• გუნდური მუშაობა;
• დემონსტრირების მეთოდი;
• დისკუსია/დებატები;
• ინდუქცია, დედუქცია, ანალიზი და სინთეზი;
• ინტერაქტიული ლექცია;
• კრიტიკული ანალიზი;
• პრაქტიკული მუშაობა;
• პრეზენტაციების წარდგენა;
• პრობლემის გადაჭრაზე ორიენტირებული სავარჯიშოები;
• როლური თამაშები;
• სიახლეთა გარჩევა;
• შემთხვევის შესწავლა და ანალიზი (Case Study);
• შესაბამისი მასალის მოძიება ელექტრონულ ფორმატში ან ბიბლიოთეკაში;
• წერითი მუშაობის მეთოდი;
• წიგნზე მუშაობის მეთოდი.

პროგრამა შედგენილია იმგვარად, რომ გათვალისწინებულია სტუდენტების დიფერენციაცია ენობრივი კომპეტენციების მიმართულებით. კერძოდ, სტუდენტი იწყებს ინგლისურ ენას იმ ეტაპიდან, რომელიც შეესაბამება მის ცოდნას, რაც დგინდება ერთიან ეროვნულ გამოცდებზე მიღებული შეფასების და შიდა გამოცდის საფუძველზე.

ერთიან ეროვნულ გამოცდაზე დადგენილი მაქსიმალური ნედლი ქულის

• 63%-ის მიღების შემთხვევაში სტუდენტის დაშვება ხდება ინგლისური ენის B1/1 დონეზე;
• 64%-დან 86%-ის მიღების შემთხვევაში  - B1/2 დონეზე;
• 87%-დან 100%-ის მიღების შემთხვევაში - B2/1 დონეზე.
• 93%-ზე მეტის მიღების შემთხვევაში სტუდენტს უტარდება ენის კომპეტენციის დამდგენი ტესტირება და ზღვრული ქულების დაგროვების შემთხვევაში, სტუდენტს შეეძლება რეგისტრაცია ინგლისური ენის B2/2 დონეზე. თუ სტუდენტი ვერ დააგროვებს ზღვრულ რაოდენობას, მისი  დაშვება მოხდება B2/1 დონეზე.   
• 93%-ზე მეტის მიღების შემთხვევაში თუ სტუდენტი არ გამოცხადდება ტესტირებაზე, მისი დაშვება მოხდება B2/1 დონეზე.

სამართალმცოდნეობის საბაკალავრო პროგრამით  ინგლისური ენა VI (B2/2) და სამართლებრივი ინგლისური I გავლა სავალდებულოა ყველა სტუდენტისთვის.

პროგრამის კომპონენტების: ENGL2147 ინგლისური ენა III (B1/1), ENGL2217 ინგლისური ენა IV (B1/2), ENGL3149 ინგლისური ენა V (B2/1), ENGL3213 ინგლისური ენა VI (B2/2), LAWB3151 შესავალი სამართლებრივ ინგლისურში, LAWB3152 სამართლებრივი ინგლისური I, LAWB3253 სამართლებრივი ინგლისური II, LAWB3215 იმიტირებული სასამართლო პროცესი ბაკალავრებისთვის, LAWB4179 კონსტიტუციური უფლებები შედარებით პერსპექტივაში, LAWB4242 შესავალი საერთაშორისო ბიზნეს სამართალსა და ეთიკაში, LAWB4116 შესავალი ამერიკის შეერთებული შტატების სამართალში, LAWB4117 საერთაშორისო კომერციული არბიტრაჟი, LAWB4118 შედარებითი საკორპორაციო სამართალი და LAWB4119 ტექნოლოგიური სამართალი სწავლების ენაა ინგლისური.

პროგრამის დასასრულებლად სტუდენტმა უნდა დააგროვოს 240 ECTS, რომელიც შემდეგნაირად არის განაწილებული: 24 ECTS სტუდენტმა უნდა დააგროვოს საუნივერსიტეტო ძირითადი სასწავლო კურსების ბლოკებიდან (12 ECTS - ჰუმანიტარულ-სოციალური ბლოკი, 12 ECTS - STEM ბლოკი), სტუდენტმა უნდა გაიაროს პროგრამით გათვალისწინებული ყველა ძირითადი სასწავლო კურსი (156 ECTS), 12 ECTS სტუდენტმა უნდა დააგროვოს კლინიკის ბლოკში შეთავაზებული სასწავლო კურსებიდან მხოლოდ ერთ-ერთის გავლით, ხოლო 48 ECTS - პროგრამის ასარჩევი ბლოკიდან.

პროგრამის საუნივერსიტეტო ძირითადი სასწავლო კურსების ჰუმანიტარულ-სოციალური და STEM ბლოკები სტუდენტებს ფართო არჩევითობას სთავაზობს, თუმცა, მათ ფარგლებში სტუდენტი პროგრამის დასასრულებლად ირჩევს და გაივლის კრედიტების განსაზღვრულ რაოდენობას. ამ კრედიტების გადაჭარბებით სასწავლო კურსების გავლა სცდება 240 ECTS-ს და სტუდენტს აღნიშნული სასწავლო კურსები პროგრამის არცერთი სხვა ბლოკის, მათ შორის, ასარჩევი ნაწილის კრედიტებში არ ჩაეთვლება.