კურსდამთავრებულებს ექნებათ უნარი შეასრულონ თავიანთი პროფესიის ამოცანები, როგორიცაა  ალგორითმების შექმნა და ციფრული გადაწყვეტილებების გამოყენება.
კურსდამთავრებულები შეიძენენ კრიტიკული აზროვნების უნარებს და გააძლიერებენ თავიანთ გუნდურ მუშაობას და კომუნიკაციის უნარებს, რათა ეფექტურად და მარტივად გაუმკლავდნენ  პროფესიულ გამოწვევებს.
კურსდამთავრებულებს ექნებათ მყარი საფუძველი შემდგომი სწავლის გასაგრძელებლად სამაგისტრო პროგრამებში.

• ლექცია-სემინარები;
• დემონსტრირების მეთოდი;
• სიახლეთა გარჩევა;
• პრაქტიკული მუშაობა;
• ლაბორატორიული მუშაობა;
• პრეზენტაციების წარდგენა;
• გუნდური მუშაობა;
• კრიტიკული ანალიზი;
• ლიტერატურის მიმოხილვა;
• წიგნზე მუშაობის მეთოდი;
• შესაბამისი მასალის მოძიება ელექტრონულ ფორმატში ან ბიბლიოთეკაში;

პროგრამის ძირითადი საგნების სწავლის შედეგები შეესაბამება პროგრამის მიზნებსა და შედეგებს და ემსახურება ზოგადი დარგობრივი კომპეტენციების გამომუშავებას. ძირითადი კურსების შინაარსობრივი და ლოგიკური თანმიმდევრობა უზრუნველყოფს კონკრეტულ მოდულებში ჩაღრმავების შესაძლებლობას, რაც კურსდამთავრებულს გამოუმუშავებს კვალიფიკაციის შესაბამის და დასაქმების ბაზარზე ორიენტირებულ კომპეტენციებს. არჩევითი კურსები ემსახურება სტუდენტის ინტერესის მიხედვით ცოდნის გაღრმავებას სპეციალობის სხვადასხვა მიმართულებით.

პროგრამა შედგენილია იმგვარად, რომ გათვალისწინებულია სტუდენტების დიფერენციაცია ენობრივი კომპეტენციების მიმართულებით. კერძოდ, სტუდენტი იწყებს ინგლისურ ენას იმ ეტაპიდან, რომელიც შეესაბამება მის ცოდნას, რაც დგინდება ერთიან ეროვნულ გამოცდებზე მიღებული შეფასების და შიდა გამოცდის საფუძველზე.

ერთიან ეროვნულ გამოცდაზე დადგენილი მაქსიმალური ნედლი ქულის

• 63%-ის მიღების შემთხვევაში სტუდენტის დაშვება ხდება ინგლისური ენის B1/1 დონეზე;
• 64%-დან 86%-ის მიღების შემთხვევაში  - B1/2 დონეზე;
• 87%-დან 100%-ის მიღების შემთხვევაში - B2/1 დონეზე.
• 93%-ზე მეტის მიღების შემთხვევაში სტუდენტს უტარდება ენის კომპეტენციის დამდგენი ტესტირება და ზღვრული ქულების დაგროვების შემთხვევაში, სტუდენტს შეეძლება რეგისტრაცია ინგლისური ენის B2/2 დონეზე. თუ სტუდენტი ვერ დააგროვებს ზღვრულ რაოდენობას, მისი  დაშვება მოხდება B2/1 დონეზე.  
• 93%-ზე მეტის მიღების შემთხვევაში თუ სტუდენტი არ გამოცხადდება ტესტირებაზე, მისი დაშვება მოხდება B2/1 დონეზე.

ინფორმატიკის ბაკალავრის ხარისხის მისაღებად სტუდენტმა უნდა დააგროვოს 240 კრედიტი, რომელიც მოიცავს:

126 ECTS ძირითადი საგანს,
არჩევით საგნებს 36 ECTS ოდენობით;
6 ECTS უნივერსიტეტის არჩევითი STEM ბლოკიდან
12 ECTS უნივერსიტეტის არჩევითი ჰუმანიტარულ-სოციალური ბლოკიდან

დარჩენილ 60 ECTS სტუდენტს შეუძლია მოიპოვოს:
• ინფორმატიკის პროგრამაში არჩევით ან/და თავისუფალ საგნებში 60 კრედიტი ECTS;

(minor სტუდენტი არ იღებს ხარისხს, მაგრამ პროგრამის მთავარი სპეციალობა  ზრდის სტუდენტის ზოგად კომპეტენციებს ან/და შესაძლებლობას შეიძინოს გარკვეული საბაზისო ცოდნა, რაც არის მისი დასაქმების ან  განათლების შემდგომი ციკლის გაგრძელების და დარგობრივი კომპეტენციების მოპოვების ძირითადი საფუძველი.
(სტუდენტებს შეუძლიათ გამოიყენონ თავისუფალი კრედიტები ინგლისური ენის ცოდნის გასაუმჯობესებლად)