პროგრამის დასრულების შემდეგ, კურსდამთავრებული:

• განმარტავს ბავშვის კოგნიტური, სოციალურ-ემოციური და პიროვნული განვითარების თეორიებს, ასაკობრივ თავისებურებებსა და მათ მნიშვნელობას სწავლა-სწავლების პროცესში;
• აღწერს და მიმოიხილავს სწავლის, სწავლებისა და მოტივაციის თეორიებს პედაგოგიურ პრაქტიკასთან მიმართებით;
• აღწერს და განმარტავს კურიკულუმის განვითარების, შეფასებისა და იმპლემენტაციის თავისებურებებს სკოლაში;
• განმარტავს ბავშვის უფლებების ძირითად პრინციპებს, ეროვნულ და საერთაშორისო სამართლებრივ საფუძვლებს და მათ მნიშვნელობას უსაფრთხო, ინკლუზიური და ბავშვზე ორიენტირებული სასწავლო გარემოს უზრუნველყოფისთვის;
• აღწერს შედეგზე ორიენტირებული სწავლების, განმავითარებელი შეფასების, კლასის მართვის, ინკლუზიური განათლების, სწავლების უნივერსალური დიზაინის და დამხმარე სწავლების სტრატეგიების ძირითად პრინციპებს;
• განმარტავს საგანმანათლებლო კვლევის მეთოდებს, პრაქტიკის კვლევის საფუძვლებსა და მათ მნიშვნელობას პროფესიული საქმიანობის გაუმჯობესებისათვის;
• აღწერს ინფორმაციული და საკომუნიკაციო ტექნოლოგიების ეფექტიანი გამოყენების შესაძლებლობებს სწავლა-სწავლებისა და პროფესიული განვითარების პროცესში.

დამატებით:

თუ ძირითადი სპეციალობა ქართული ენა და ლიტერატურაა:

• განმარტავს ქართული ენისა და ლიტერატურის ეროვნული სასწავლო გეგმის, საგნობრივი სტანდარტისა და სასკოლო სახელმძღვანელოების ძირითად კონცეფციებს;
• აღწერს და განმარტავს ქართული ენისა და ლიტერატურის გაკვეთილის ტიპებსა და სწავლების სტრატეგიებს;
• გეგმავს ქართული ენისა და ლიტერატურის სწავლების პროცესს ეროვნული სასწავლო გეგმის შესაბამისად;
• იყენებს ქართული ენისა და ლიტერატურის სწავლების თანამედროვე მეთოდებს მოსწავლეთა ენობრივი, ლიტერატურული, კრიტიკული და შემოქმედებითი აზროვნების განვითარებისათვის.

თუ ძირითადი სპეციალობა ინგლისური ენაა:

• გეგმავს ინგლისური ენის სასწავლო პროცესს დაწყებით, საბაზო და საშუალო საფეხურებზე ეროვნული სასწავლო გეგმისა და მოსწავლეთა ასაკობრივი თავისებურებების გათვალისწინებით;
• იყენებს ოთხივე ენობრივი უნარის (მოსმენა, კითხვა, წერა, ლაპარაკი) განვითარებისა და სწავლების თანამედროვე მეთოდებს;
• ქმნის მოსწავლეზე ორიენტირებულ სასწავლო გარემოს. 

თუ ძირითადი სპეციალობა ისტორიაა:

• ახასიათებს ისტორიის გაკვეთილის სხვადასხვა ტიპებს;
• მიმოიხილავს ისტორიის სტანდარტს, საქართველოსა და მსოფლიო ისტორიის სასკოლო სახელმძღვანელოების;
• განმარტავს ძირითად კონცეფციას, შინაარსსა და მოთხოვნებს;
• განიხილავს ისტორიის მასწავლებლის კომპეტენციებს;
• ახასიათებს სკოლაში ისტორიის სწავლების ძირითად ფორმებს, მეთოდებსა და ხერხებს.

თუ ძირითადი სპეციალობა ფიზიკაა:

• განმარტავს ფიზიკის ეროვნული სასწავლო გეგმის მოთხოვნებს;
• გეგმავს ფიზიკის სწავლების პროცესს ექსპერიმენტულ და კვლევით მიდგომებზე დაყრდნობით;
• იყენებს თანამედროვე სასწავლო რესურსებსა და ტექნოლოგიებს ფიზიკის სწავლების პროცესში.

თუ ძირითადი სპეციალობა მათემატიკაა:

• განმარტავს მათემატიკის ეროვნული სასწავლო გეგმის მოთხოვნებს;
• გეგმავს მათემატიკის სწავლების პროცესს პრობლემაზე დაფუძნებული და კვლევითი სწავლების მიდგომების გამოყენებით;
• იყენებს თანამედროვე სასწავლო რესურსებსა და ტექნოლოგიებს მათემატიკის სწავლების პროცესში.

თუ ძირითადი სპეციალობა ინფორმაციული და საკომუნიკაციო ტექნოლოგიებია:

• გეგმავს ინფორმაციული და საკომუნიკაციო ტექნოლოგიების სასწავლო პროცესს დაწყებით, საბაზო და საშუალო საფეხურებზე ეროვნული სასწავლო გეგმის შესაბამისად;
• იყენებს თანამედროვე ციფრულ ტექნოლოგიებსა და სასწავლო რესურსებს სწავლა-სწავლების პროცესში;
• ქმნის უსაფრთხო, ეთიკურ და პასუხისმგებლიან ციფრულ სასწავლო გარემოს. 

პროგრამის დასრულების შემდეგ კურსდამთავრებული:

• გეგმავს, წარმართავს და აფასებს ეროვნულ სასწავლო გეგმაზე დაფუძნებულ, მოსწავლეზე ორიენტირებულ სასწავლო პროცესს, დიფერენცირებული სწავლების, სწავლების უნივერსალური დიზაინის, განმავითარებელი შეფასებისა და ინკლუზიური განათლების პრინციპების გათვალისწინებით;
• ქმნის უსაფრთხო, ინკლუზიურ, თანასწორობასა და მოსწავლის კეთილდღეობაზე ორიენტირებულ სასწავლო გარემოს;
• იყენებს სწავლების მრავალფეროვან მეთოდებს, დამხმარე სწავლების სტრატეგიებს, საგანმანათლებლო რესურსებს, ინფორმაციულ და საკომუნიკაციო ტექნოლოგიებს მოსწავლეთა ინდივიდუალური შესაძლებლობებისა და საჭიროებების შესაბამისად;
• ქმნის გაკვეთილის გეგმას, სასწავლო რესურსებს, შეფასების ინსტრუმენტებსა და, საჭიროების შემთხვევაში, ინდივიდუალურ სასწავლო გეგმას;
• თანამშრომლობს მოსწავლეებთან, მშობლებთან/კანონიერ წარმომადგენლებთან, კოლეგებთან და სკოლის ადმინისტრაციასთან სასწავლო პროცესისა და მოსწავლის განვითარების ხელშეწყობის მიზნით;
• გეგმავს და ახორციელებს კლასგარეშე აქტივობებსა და სასწავლო პროექტებს ეროვნული სასწავლო გეგმისა და მოსწავლეთა ინტერესების გათვალისწინებით;
• აანალიზებს საკუთარი პედაგოგიური პრაქტიკის შედეგებს, იყენებს საგანმანათლებლო კვლევის მონაცემებს და მიღებულ მტკიცებულებებზე დაყრდნობით აუმჯობესებს სწავლა-სწავლების პროცესს. 

პროგრამის დასრულების შემდეგ კურსდამთავრებული:

• ახორციელებს პროფესიულ საქმიანობას მასწავლებლის პროფესიული ეთიკის, პროფესიული სტანდარტისა და მოქმედი სამართლებრივი რეგულაციების შესაბამისად;
• იღებს პასუხისმგებლობას მოსწავლეთა უფლებების, უსაფრთხოების, კეთილდღეობის, თანასწორობისა და ინკლუზიური განათლების პრინციპების დაცვაზე;
• დამოუკიდებლად გეგმავს და წარმართავს საკუთარ პროფესიულ განვითარებას, ახორციელებს თვითრეფლექსიას, იყენებს კოლეგების უკუკავშირს და ზრუნავს პროფესიული კომპეტენციების უწყვეტ განვითარებაზე.