პროგრამები

საქართველოს უნივერსიტეტი

პროგრამა:	ელექტრონული და კომუნიკაციების ინჟინერია
განათლების საფეხური:	ბაკალავრიატი
ხელმძღვანელი:	კახაბერ თავზარაშვილი ირაკლი ნოსელიძე ნოდარი უღრელიძე
სწავლების ენა:	ქართული
მისანიჭებელი კვალიფიკაცია:	ელექტრონული ინჟინერიის ბაკალავრი
პროგრამის მოცულობა:	240
პროგრამაზე დაშვების წინაპირობა:	პროგრამაზე დაშვების წინაპირობა: აკადემიური უმაღლესი განათლების პირველ საფეხურზე (საბაკალავრო პროგრამებზე) სტუდენტთა ჩარიცხვა ხორციელდება ერთიანი ეროვნული გამოცდების შედეგების ან საქართველოს განათლებისა და მეცნიერების მინისტრის №224/ნ (2011 წლის 29 დეკემბერი) ბრძანების შესაბამისად, ადმინისტრაციული რეგისტრაციის გავლისა და დირექტორის ბრძანების საფუძველზე. პროგრამაზე დაშვების წინაპირობაა ინგლისური ენისა და მათემატიკის ცოდნა, რაც დასტურდება ერთიან ეროვნულ გამოცდებზე სულ მცირე 50%-იანი შედეგით.
პროგრამის მიზანი:	პროგრამის მიზანია ხელი შეუწყოს ელექტრონული და კომუნიკაციების ინჟინერიის განვითარებას კომპეტენტური, მაღალკვალიფიციური სპეციალისტების მომზადებით, რომლებსაც ექნებათ თანამედროვე სტანდარტების შესაბამისი კონკურენტული უმაღლესი განათლება და უნარები. საბაკალავრო პროგრამა მოწოდებულია სტუდენტს ჩამოუყალიბოს საფუძვლიანი საინჟინრო უნარები ელექტრონიკის, კომპიუტერული ინჟინერიისა და კომუნიკაციის მიმართულებით. მისცეს თანამედროვე სტანდარტების შესაბამისი ცოდნა საინფორმაციო ტექნოლოგიებში, სისტემებისა და პროცესების პროექტირებისა და რეალიზების, მარტივი პროგრამული კოდის შედგენის, სხვადასხვა საინჟინრო და მათემატიკური ამოცანის ანალიზისა და ინოვაციური ტექნოლოგიური აზროვნების უნარი, პროექტის შესრულებაში მონაწილეობის რეალური გამოცდილებით გამოუმუშავოს გუნდურ მუშაობის უნარი. პროგრამის კურსდამთავრებულებს საშუალება ექნებათ დასაქმდნენ ელექტრონულ, კომპიუტერულ, სატელეკომუნიკაციო და ენერგეტიკულ კომპანიებში, სამთავრობო ორგანიზაციებში, ბანკებში და სხვა კერძო კომპანიებში, სადაც ელექტრონული ინჟინერიის სპეციალისტის კომპეტენციაა საჭირო. სკოლის მიერ მოწოდებულ პროგრამაში დამატებითი შეთავაზებების სახით ინტეგრირებული საერთაშორისო სასერტიფიკაციო კურსები, როგორიცაა Cisco, Microsoft, Oracle Academic, iOS სასწავლო კურსები, სტუდენტებს მისცემს შესაძლებლობას მიიღონ საერთაშორისო სერთიფიკატები.
სწავლის შედეგების მიღწევის მეთოდები/აქტივობები:	ლექცია - სემინარი წიგნთან მუშაობა დემონსტრირება დისკუსიები პრაქტიკული მეცადინეობები ლაბორატორიული მეცადინეობები ინტერაქტიული მეცადინეობები ჯგუფური მუშაობა პრობლემის დასმა და მათი გადაჭრა ვერბალური და ზეპირსიტყვიერი მეთოდი კრიტიკული ანალიზი პრობლემის გადაჭრაზე ორიენტირებული დავალებები
სწავლის შედეგი:	პროგრამის დასრულების შემდეგ კურსდამთავრებული: ახდენს კომპლექსური საინჟინრო ამოცანების იდენტიფიცირებას, ფორმულირებას და გადაჭრის ფიზიკის, მათემატიკის, ინჟინერიის საფუძვლების გამოყენებით. საინჟინრო პროექტს იყენებს კონკრეტული გადაწყვეტილებების მისაღებად საზოგადოებრივი ჯანმრთელობის, უსაფრთხოებისა და კეთილდღეობის, ასევე გლობალური, კულტურული, სოციალური, გარემოსდაცვითი და ეკონომიკური ფაქტორების გათვალისწინებით. ამყარებს ეფექტურ კომუნიკაციას აუდიტორიასთან. ინჟინრულ საქმიანობაში აღიარებს ეთიკურ და პროფესიულ პასუხისმგებლობას, აკეთებს დასაბუთებულ დასკვნებს, რომელიც ითვალისწინებს საინჟინრო გადაწყვეტილებების ზემოქმედებას გლობალურ, ეკონომიკურ, გარემოსდაცვითსა და სოციალურ კონტექსტზე. ეფექტურად მუშაობს გუნდში, რომლის წევრები ერთობლივად უზრუნველყოფენ ლიდერობას, ჰქმნიან თანამშრომლობის ატმოსფეროსა და ინკლუზიურ გარემოს, ისახავენ მიზნებს, გეგმავენ და ასრულებენ ამოცანებს. საჭიროებისამებრ შეიმუშავებს და ატარებს ექსპერიმენტს, აანალიზებს და ამუშავებს მონაცემებს და დასკვნების გამოსატანად იყენებს ინჟინრულ შეფასებას. საჭიროებისამებრ იძენს და გამოიყენებს ახალ ცოდნას სათანადო სასწავლო სტრატეგიების გამოყენებით.
პროგრამის დამტკიცების თარიღი:	01-01-1900
პროგრამის დამტკიცების ოქმის ნომერი:
პროგრამის განახლების თარიღი:
პროგრამის განახლების ოქმის ნომერი:
პროგრამის დეტალები:	სტუდენტს შეუძლია იხელმძღვანელოს შეთავაზებული კურიკულუმის მიხედვით და საგნების წინაპირობების დაცვით ინდივიდუალურად დაგეგმოს საკუთარი სასწავლო პროცესი. სწავლის ბოლო წელს საბაკალავრო პროექტის შესასრულებლად სტუდენტი შეთავაზებული მიმართულებებიდან ირჩევს მისთვის საინტერესო თემას. საბაკალავრო პროექტი სრულდება ჯგუფურად, რაც ხელს უწყობს სტუდენტის დარგობრივი ცოდნისა და გუნდური მუშაობის უნარების განვითარებას. პროგრამის ფარგლებში გათვალისწინებულია არჩევითი კურსი პრაქტიკა, რომელიც საჭიროების შემთხვევაში სტუდენტს დაეხმარება უკეთ ჩამოყალიბდეს საბაკალავრო პროექტის თემის არჩევისას. პროგრამა შედგენილია იმგვარად, რომ გათვალისწინებულია სტუდენტების დიფერენციაცია ენობრივი კომპეტენციების მიმართულებით. კერძოდ, სტუდენტი იწყებს ინგლისურ ენას იმ ეტაპიდან, რომელიც შეესაბამება მის ცოდნას, რაც დგინდება ერთიან ეროვნულ გამოცდებზე მიღებული შეფასების და შიდა გამოცდის საფუძველზე. ერთიან ეროვნულ გამოცდაზე დადგენილი მაქსიმალური ნედლი ქულის 63%-ის მიღების შემთხვევაში სტუდენტის დაშვება ხდება ინგლისური ენის B1/1 დონეზე; 64%-დან 86%-ის მიღების შემთხვევაში - B1/2 დონეზე; 87%-დან 100%-ის მიღების შემთხვევაში - B2/1 დონეზე. 93%-ზე მეტის მიღების შემთხვევაში სტუდენტს უტარდება ენის კომპეტენციის დამდგენი ტესტირება და ზღვრული ქულების დაგროვების შემთხვევაში, სტუდენტს შეეძლება რეგისტრაცია ინგლისური ენის B2/2 დონეზე. თუ სტუდენტი ვერ დააგროვებს ზღვრულ რაოდენობას, მისი დაშვება მოხდება B2/1 დონეზე. 93%-ზე მეტის მიღების შემთხვევაში თუ სტუდენტი არ გამოცხადდება ტესტირებაზე, მისი დაშვება მოხდება B2/1 დონეზე.
სწავლების ორგანიზების თავისებურებები:	ბაკალავრის აკადემიური ხარისხის მოსაპოვებლად სტუდენტმა საჭიროა დააგროვოს 240 კრედიტი, რაც გულისხმობს კრედიტების შემდეგ განაწილებას: საუნივერსიტეტო სავალდებულო 30 ECTS; პროგრამის ძირითადი 168 ECTS; პროგრამის არჩევითი 30 ECTS ; თავისუფალი 12 ECTS. პროგრამის ასარჩევი საგნები პირობითად იყოფა სპეციალობის სამ ჯგუფად ელექტრონიკა, კომუნიკაციები და გონივრული სისტემები. სტუდენტს ეძლება არჩევანი დააგროვოს კრედიტები რომელიმე ერთი ჯგუფიდან საბაკალავრო პროექტის კონკრეტული მიმართულებით შესრულებისთვის. საუნივერსიტეტო თავისუფალი კრედიტების ფარგლებში სტუდენტს შეუძლია აიღოს ამავე პროგრამის, მომიჯნავე პროგრამის ან უნივერსიტეტის სხვა პროგრამების საგნები შესაბამისი წინაპირობების დაცვით.

ჰუმანიტარულ-სოციალური ბლოკი


კოდი	საგანი	კრედიტი	სემესტრი
ANTH3130	კულტურული ანთროპოლოგიის საფუძვლები	6	1,3
BUSN4433	ეკონომიკა, ბიზნესი, მენეჯმენტი	6	1,3
HIST1118	ცივილიზაციები და კაცობრიობის განვითარება	6	1,3
HIST1222	რუსული ოკუპაციის ისტორია საქართველოში	6	1,3
LAWB1155	დებატები და კრიტიკული აზროვნება	6	1,3
LAWB1177	აზროვნება და მორალი	6	1,3
LAWB1195	მოქალაქეობა თანამედროვე მსოფლიოში	6	1,3
LITR1212	დიადი წიგნები	6	1,3
POLI2260	პოლიტიკური იდეოლოგიების საფუძვლები	6	1,3
	კრედიტების ჯამი:	54

STEM ბლოკი


კოდი	საგანი	კრედიტი	სემესტრი
STEM0002	გამომგონებლობის ტექნოლოგიები	6	2
STEM0003	მსოფლიოს უდიდესი აღმოჩენები	6	2
STEM0012	ადამიანის ბიოლოგია და ჯანმრთელობა	6	1,2
STEM0013	კიბერ ჰიგიენის საფუძვლები	6	1,2
	კრედიტების ჯამი:	24

პროგრამის ძირითადი


კოდი	საგანი	კრედიტი	სემესტრი
ENGL3213	ინგლისური ენა VI (B2/2)	6	1
PHYS2004	ფიზიკა II	6	4
EENG1111	დაპროგრამება ინჟინრებისთვის - Python	6	1
MATH1115	კალკულუსი I	6	2
INFO1112	საოფისე სისტემები	6	1
EENG1120	ელექტრონიკის საფუძვლები	6	1
MATH1166	კალკულუსი II	6	3
PHYS2003	ფიზიკა I	6	2
MATH1123	წრფივი ალგებრა და ანალიზური გეომეტრია	6	2
MATH3112	დისკრეტული მათემატიკა	6	3
PHYS2004	ფიზიკა II	6	3
EENG2005	საინჟინრო მათემატიკა	6	3
EENG2212	ანალოგური ელექტრონიკა	6	3
INFO4259	მონაცემთა სტრუქტურები და ალგორითმები	6	4
INFO2229	ოპერაციული სისტემა (Windows)	6	4
EENG3113	ციფრული ელექტრონიკა	6	4
MATH2004	ალბათობის თეორია და სტატისტიკა	6	5
EENG3115	საინჟინრო ელექტრომაგნეტიზმი	6	5
EENG2020	წრედთა თეორია I	6	5
EENG2015	მიკროკონტროლერების დაპროგრამების ტექნოლოგიები	6	5
EENG2121	წრედთა თეორია II	6	6
EENG2012	ციფრული კომუნიკაციები	12	6
EENG2013	სასიგნალო პროცესორები	6	6
INFO3110	კომპიუტერული ქსელები I	6	7
EENG2008	მოდელირების პროგრამული ინსტრუმენტები	6	7
EENG4235	კომპიუტერული უსაფრთხოება	6	7
STEM4000	ტექნიკური წერა	6	7
EENG4010	საბაკალავრო პროექტი	12	8
	კრედიტების ჯამი:	180

პროგრამის ასარჩევი


კოდი	საგანი	კრედიტი
EENG1002	ნეირონული სისტემები	6
EENG1003	კვანტური გამოთვლების ფიზიკა	150
INFO1111	დაპროგრამების საფუძვლები (C++)	6
INFO1112	საოფისე სისტემები	6
INFO3131	ობიექტზე ორიენტირებული დაპროგრამება C++	6
EENG4129	ანტენების თეორია და დიზაინი	6
INFO4116	შესავალი მანქანური სწავლების მოდელირებაში	6
INFO2411	კომპიუტერის არქიტექტურა	6
INFO3210	კომპიუტერული ქსელები II	6
MATH4118	კრიპტოლოგიის საფუძვლები	6
EENG1215	სიგნალების დამუშავება	6
INFO4114	ხელოვნური ინტელექტი	6
EENG1213	ნახევარგამტარული მოწყობილობები	6
EENG2115	საკომუნიკაციო ტექნოლოგიები	6
EENG2116	რადიოსიხშირული წრედები და სისტემები	6
INFO1107	IT სერვისების და პროექტების მართვა	6
EENG4012	პრაქტიკა	6
EENG1216	გამაძლიერებლები	6
EENG1217	გამზომი ხელსაწყოები	6
EENG2117	რადიოლოკაცია და რადიონავიგაცია	6
EENG2118	რადიო-ტელე სამაუწყებლო ტექნოლოგიები	6
	კრედიტების ჯამი:	270

თავისუფალი კრედიტი


კოდი	საგანი	კრედიტი
ENGL2147	ინგლისური ენა III (B1/1)	6
ENGL2217	ინგლისური ენა IV (B1/2)	6
ENGL3149	ინგლისური ენა V (B2/1)	6
MATH1121	პრეკალკულუსი	6
	კრედიტების ჯამი:	24

პრერეკვიზიტების მატრიცა

შედეგების საშუალო	შედეგების საშუალოს კოეფიციენტი (GPA)	საუნივერსიტეტო შეფასება	საქართველოში მოქმედი ზოგადი შეფასება
97-100	4,00	A+	A	ფრიადი
94-96	3,75	A
91-93	3,50	A-
87-90	3,25	B+		ძალიან კარგი
84-86	3,00	B	B
81-83	2,75	B-
77-80	2,50	C+	C	კარგი
74-76	2,25	C
71-73	2,00	C-
67-70	1,75	D+	D	დამაკმაყოფილებელი
64-66	1,50	D
61-63	1,25	D-
51-60	1,00	E	E	საკმარისი
უარყოფითი შეფასება
41-50		FX	FX	ვერ ჩააბარა
<40		F	F	ჩაიჭრა