სამართლის სადოქტორო პროგრამაზე მისაღებად, სამართლის სკოლის აკადემიური პერსონალის კვლევითი პროექტის თემატიკის გათვალისწინებით, სადოქტორო პროგრამაზე დოქტორანტის მისაღებად აცხადებს სადოქტორო პროგრამაზე მიღებას.

სამართლის სადოქტორო პროგრამაზე ჩარიცხვა ხორციელდება შემდეგი კუმულატიური წინაპირობებით:

• კვლევის მაგისტრი სამართალში ან მასთან გათანაბრებული აკადემიური ხარისხის ფლობის შემთხვევაში, აგრეთვე სამართლის მაგისტრის აკადემიური ხარისხის ფლობისას, იმ საგანმანათლებლო პროგრამების კურსდამთავრებულებთან მიმართებაში, რომლებიც 2026 წლის 1 სექტემბრამდე ჩაირიცხნენ და დაასრულეს არანაკლებ 120 ECTS-იანი სამართლის სამაგისტრო პროგრამა;
• ინგლისური ენაში გამოცდის წარმატებით გავლის შემთხვევაში (კომპეტენციის მინიმალური ზღვარია მაქსიმალური შეფასების 70%);
• ინგლისური ენის გამოცდისგან პირი თავისუფლდება ინგლისური ენის არანაკლებ B2 (Upper Intermediate) დონეზე ფლობის დამადასტურებელი საერთაშორისო სერტიფიკატის არსებობისას (IELTS, TOEFL ან Cambridge English Exam) გამოცდის წარმატებით ჩაბარების დამადასტურებელი დოკუმენტის წარმოდგენით (ინგლისური ენის B2 დონის შესაბამისი ქულაა IELTS - 5.5-6.5; TOEFL iBT 72-94, Cambridge English Exam - 160-179) ან საქართველოში/საზღვარგარეთ ინგლისურენოვან ბაკალავრიატში/მაგისტრატურაში/დოქტორანტურაში სწავლის დამადასტურებელი დოკუმენტის წარმოდგენით;
• პროგრამაზე მიღების მსურველმა უნდა წარმოადგინოს აკადემიური წერის სტანდარტების დაცვით შესრულებული კვლევის კონცეფცია;
• კანდიდატს მოეთხოვება სამართლის სწავლის სფეროში წინარე ნაშრომი/პუბლიკაცია ან/და სამეცნიერო-კვლევით პროექტებსა და ღონისძიებებში მონაწილეობა ან/და შესაბამის სფეროში მუშაობის არანაკლებ 2 წლიანი გამოცდილება.

სკოლის საბჭო გადაწყვეტილების მიღებისას ითვალისწინებს: ა) კანდიდატის კვლევით უნარებს; ბ) კონცეფციისა და თემატიკის შესაბამისობას სკოლის სამეცნიერო თემატიკასთან და ადამიანურ რესურსთან.

სამართლის სადოქტორო პროგრამის მიზანია:

• მოამზადოს სამართლის სფეროში მკვლევარი, რომელსაც ექნება სამართლის უახლეს მიღწევებზე დამყარებული ცოდნა და შეძლებს ორიგინალური, თანამედროვე და ინოვაციური კვლევის განხორციელებას ახალი სამართლებრივი ცოდნის შექმნის ან/და არსებული ცოდნის განვითარების მიზნით;
• განავითაროს დოქტორანტის კვლევითი და ანალიტიკური უნარები, რათა მან შეძლოს სამართლის აქტუალური და კომპლექსური პრობლემების დამოუკიდებლად შესწავლა, შესაბამისი კვლევის მეთოდოლოგიის შერჩევა და, საკვლევი თემატიკის გათვალისწინებით, ინტერდისციპლინური მიდგომების გამოყენება;
• ხელი შეუწყოს დოქტორანტის მიერ შექმნილი ახალი სამართლებრივი ცოდნის აკადემიურ და პროფესიულ სივრცეში გავრცელებას, მათ შორის სამეცნიერო პუბლიკაციების, კვლევითი პროექტების, აკადემიური დისკუსიებისა და პედაგოგიური საქმიანობის გზით;
• ჩამოუყალიბოს დოქტორანტს უმაღლეს საგანმანათლებლო დაწესებულებაში პედაგოგიური საქმიანობის განხორციელებისთვის საჭირო კომპეტენციები, მათ შორის სასწავლო პროცესის დაგეგმვის, წარმართვისა და შეფასების უნარი.

პროგრამის კურსდამთავრებული შეძლებს დასაქმდეს სამართლის დარგში კვლევით და სამეცნიერო ორგანიზაციებსა და ინსტიტუტებში მეცნიერ/მკვლევარად ან/და უმაღლეს საგანმანათლებლო დაწესებულებებში აკადემიურ თანამდებობებზე.

• დისკუსია/დებატები;
• ინდუქცია, დედუქცია, ანალიზი და სინთეზი;
• კრიტიკული ანალიზი;
• სიახლეთა გარჩევა;
• პრეზენტაციების წარდგენა;
• პრობლემაზე დაფუძნებული სწავლება;
• პრობლემის გადაჭრაზე ორიენტირებული სავარჯიშოები;
• შემთხვევის შესწავლა და ანალიზი (Case Study);
• კრიტიკული და შედარებითი ანალიზი;
• კვლევაზე ორიენტირებული სწავლება
• სამეცნიერო წყაროების კრიტიკული ანალიზი
• დოქტრინული (ნორმატიული) ანალიზი
• რეფლექსიური სწავლება
• შესაბამისი მასალის მოძიება ელექტრონულ ფორმატში ან ბიბლიოთეკაში;
• წერითი მუშაობის მეთოდი;
• სემინარის მომზადება და პრეზენტაცია;
• პრაქტიკული მუშაობა (კვლევითი პროექტი);
• პორტფოლიოს შედგენა;
• ანგარიშის მომზადება და პრეზენტაცია.

სადოქტორო ნაშრომის სიტყვების რაოდენობა განისაზღვროს არა ნაკლებ 30 000 და არა უმეტეს 50 000 სიტყვით. 

დოქტორანტის სამეცნიერო-კვლევითი კომპონენტის შეფასება ხორციელდება შემდეგი სისტემით:

• ფრიადი (summa cum laude) – შესანიშნავი ნაშრომი;
• ძალიან კარგი (magna cum laude) – შედეგი, რომელიც წაყენებულ მოთხოვნებს ყოველმხრივ აღემატება;
• კარგი (cum laude) – შედეგი, რომელიც წაყენებულ მოთხოვნებს აღემატება;
• საშუალო (bene) – საშუალო დონის ნაშრომი, რომელიც წაყენებულ ძირითად მოთხოვნებს აკმაყოფილებს;
• დამაკმაყოფილებელი (rite)– შედეგი, რომელიც, ხარვეზების მიუხედავად, წაყენებულ მოთხოვნებს მაინც აკმაყოფილებს;
• არადამაკმაყოფილებელი (insufficient)– არადამაკმაყოფილებელი დონის ნაშრომი, რომელიც ვერ აკმაყოფილებს წაყენებულ მოთხოვნებს;
• სრულიად არადამაკმაყოფილებელი (sub omni canone)– შედეგი, რომელიც წაყენებულ მოთხოვნებს სრულიად ვერ აკმაყოფილებს.

დოქტორანტის დატვირთვა შედგება სასწავლო და კვლევითი კომპონენტებისაგან. სასწავლო კომპონენტისთვის განკუთვნილია 60 ECTS. სასწავლო კომპონენტისთის დათმობილი 60 ECTS-დან დოქტორანტი გადის 50 ECTS-ის მოცულობის პროგრამის ძირითადი კურსების ბლოკს, ხოლო 10 ECTS-ს პროგრამის ასარჩევი ბლოკიდან. 

სასწავლო კომპონენტების სწავლება სემესტრულია. სემესტრის ხანგრძლივობა განისაზღვრება - 22, ხოლო სასწავლო წლისა - 44 კვირით. სასწავლო კომპონენტებს ხელმძღვანელობენ შესაბამისი კომპონენტის ავტორები, კვლევით კომპონენტებს კი - დოქტორანტის მეცნიერ-ხელმძღვანელი.

დოქტორანტის სამეცნიერო-კვლევითი განვითარების ხელშეწყობის მიზნით, პროგრამის განხორციელებაში ჩართულია სამეცნიერო-საკონსულტაციო საბჭო. საბჭო დოქტორანტის ჩარიცხვის საწყის ეტაპზე განიხილავს და ამტკიცებს დოქტორანტისა და ხელმძღვანელის მიერ შეთანხმებულ სასწავლო/კვლევითი კომპონენტების გეგმას, ხოლო შემდგომ ეტაპებზე პერიოდულად აფასებს დოქტორანტის მიერ მიღწეულ შედეგებს და გასცემს შესაბამის რეკომენდაციებს. საბჭო ასევე განიხილავს დოქტორანტის სამეცნიერო აქტივობების მიზანშეწონილობას, მათ შორის პუბლიკაციის მომზადებას, სამეცნიერო სემინარის ჩატარებასა და კონფერენციაში მონაწილეობას, რაც უზრუნველყოფს კვლევითი პროცესის სისტემურ მონიტორინგსა და დოქტორანტის აკადემიურ მხარდაჭერას.

დოქტორანტის მიერ კვლევის განხორციელებამდე უზრუნველყოფილია კვლევის ეთიკური შესაბამისობის შეფასება. კითხვარის, ტესტის, ექსპერიმენტის ან სხვა კვლევითი ინსტრუმენტის გამოყენების შემთხვევაში, დოქტორანტი შესაბამის ინფორმაციას წინასწარ წარუდგენს ჰუმანურ საკითხთა საბჭოს. საბჭო ამოწმებს კვლევის შესაბამისობას ადამიანის უფლებებისა და ღირსების დაცვის, კვლევის ეთიკის, მონაწილეთა უსაფრთხოებისა და კეთილდღეობის, საქართველოს კანონმდებლობისა და უნივერსიტეტის ფუნდამენტური პრინციპების მოთხოვნებთან.

დოქტორანტისთვის დამატებით ხელმისაწვდომია კვლევითი აქტივობების მხარდაჭერის მექანიზმები, მათ შორის სამეცნიერო პუბლიკაციის გამოქვეყნების, სამეცნიერო მობილობისა და სამეცნიერო ექსპერიმენტების დაფინანსების შესაძლებლობა. დოქტორანტურის პროგრამის ფარგლებში განსაკუთრებული ყურადღება ეთმობა დოქტორანტის სამეცნიერო აქტივობას: სადისერტაციო ნაშრომის დაცვაზე დაშვებისათვის აუცილებელია შესაბამის საკვლევ თემატიკასთან დაკავშირებული პუბლიკაციების, სამეცნიერო სემინარებისა და კონფერენციაში მომხსენებლის სტატუსით მონაწილეობის განხორციელებას.