დოქტორანტურა წარმოადგენს აკადემიური უმაღლესი განათლების მესამე საფეხურის საგანმანათლებლო პროგრამას, სასწავლო და სამეცნიერო-კვლევითი კომპონენტების ერთობლიობას, რომელიც მიზნად ისახავს უმაღლესი კვალიფიკაციის მქონე სამეცნიერო კადრის მომზადებას და მთავრდება დოქტორის აკადემიური ხარისხის მინიჭებით.

სადოქტორო პროგრამის მიზანია ხელი შეუწყოს ახალი ცოდნის შექმნას და დოქტორანტის ჩამოყალიბებას მაღალი სამეცნიერო ღირებულებების მქონე მეცნიერად გამოყენებითი მათემატიკის მიმართულებით, რომელსაც ექნება დარგის უახლესი მიღწევების ცოდნა და შეეძლება დამოუკიდებლად განახორციელოს ორიგინალური სამეცნიერო კვლევები.

 პროგრამის კურსდამთავრებულები შეძლებენ დასაქმდნენ საგანმანათლებლო, სამეცნიერო, კვლევით კერძო და სახელმწიფო სტრუქტურებში, მაღალტექნოლოგიურ წარმოებებში,  სადაც მოითხოვება თანამედროვე მეცნიერული აზროვნება, დარგის უახლესი მიღწევების და სიღრმეების ცოდნა, ანალიტიკური აზროვნება, პრობლემის მეცნიერული გადაჭრის უნარი, სამეცნიერო პროექტების დაგეგმვის, განხორციელებისა და მართვის უნარები.

სწავლება დოქტორანტურაში გრძელდება არანაკლებ 3 წელი და მთავრდება, სადოქტორო ნაშრომის წარმატებულად დაცვის შემთხვევაში,  დოქტორის ხარისხის მინიჭებით.

· წიგნზე მუშაობის მეთოდი;

 სიახლეთა გარჩევა;

· სამეცნიერო კვლევების ჩატარება;

· პრობლემების დასმა და მათი გადაჭრა;

· რიტიკული ანალიზი;

· საკუთარი სამუშაოს კრიტიკული შეფასება;

· სხვათა სამუშაოს კონსტრუქციული კრიტიკა;

· სამეცნიერო ლიტერატურის დამუშავება;

· წერითი მუშაობის მეთოდი;

· პრეზენტაციების წარდგენა;

· დისკუსიურ-დებატური თემების წარმოდგენა და დაცვა

შეფასება შეადგენს 100 ქულას (100%). დადებითი შეფასების მინიმალური ზღვარია 51 ქულა (51%);

შეფასება ხდება როგორც შუალედური, ისე დასკვნთი შეფასებებით. შეფასების კრიტერიუმები გაწერილია სილაბუსში.

· სტუდენტი შეფასებისას ინდივიდუალურად იღებს ინფორმაციას მიღწეული შედეგების ნაკლოვანებების და შედეგის გაუმჯობესების გზების შესახებ.

სადოქტორო ნაშრომის გვერდების რაოდენობა განისაზღვრება არანაკლებ 70 და არაუმეტეს 150 გვერდით.

დოქტორანტის დატვირთვა შედგება: სასწავლო და კვლევითი კომპონენტებისაგან. სასწავლო კომპონენტების სწავლება სემესტრულია. სემესტრის ხანგრძლივობა განისაზღვრება 22, ხოლო სასწავლო წლისა - 44 კვირით. კვლევითი კომპონენტები ხორციელდება მეორე და მესამე სასწავლო წელს (მესამე, მეოთხე, მეხუთე და მეექვსე სემესტრში). სასწავლო კომპონენტებს ხელმძღვანელობენ შესაბამისი კომპონენტის ავტორები და მეცნიერ-ხელმძღვანელი, კვლევით კომპონენტებს კი - დოქტორანტის მეცნიერ-ხელმძღვანელი.