პროგრამის კურსდამთავრებული:

• ფლობს კომპლექსური ან/და ინტერდისციპლუნური პრობლემების გადაწყვეტის ახლებური ხედვის ფორმირებისათვის აუცილებელ ღრმა და სისტემურ თეორიულ ცოდნას კერძო, სისხლის ან/და საჯარო სამართლის სფეროში; კურსდამთავრებული აღწერს ეროვნული და უცხოური სამართლის მიღწევებს, განვითარების პერსპექტივებსა და ძირითად ტენდენციებს, საერთაშორისო და ეროვნული სამართლის ურთიერთკავშირისა და ურთიერთმიმართების პრობლემებს;
• აღწერს იურიდიული მეცნიერების აქტუალური პრობლემებს, სამეცნიერო კვლევის თანამედროვე დარგობრივი მეთოდებს, აკადემიური პატიოსნების წესებს და აკადემიური ეთიკის საკითხებს ასევე, პროფესიული სამეცნიერო ტექსტების შექმნის ძირითადი წესებსა და პრინციპებს;
• აღწერს სასამართლო პრაქტიკაში, დოგმატიკასა და კანონმდებლობაში არსებული ტენდენციებს, ასევე, ხარვეზებისა და უზუსტობების გადაჭრის გზებს;
• აღწერს ნაციონალური და/ან საერთაშორისო სასამართლოების პრაქტიკასა და პრეცენდენტებს, რომელთა განზოგადებითაც სტუდენტი აღწერს პრაქტიკული პრობლემების გადაწყვეტის ძირითად მეთოდოლოგიურ პრინციპებს;
• აღწერს სამოსამართლო ეთიკის წესებს, მათ შორის, მოსამართლის საზოგადოებასთან კომუნიკაციის საკითხებსა და მოსამართლეთა დისციპლინური სამართალწარმოების თავისებურებებს;
• ხსნის ქართული სამართლის განვითარებაზე ევროკავშირის სამართლის გავლენის მნიშვნელობას;
• განსაზღვრავს შედარებითი სამართლის არსს და შედარებითსამართლებრივი მეთოდის გამოყენების დანიშნულებას.

პროგრამის კურსდამთავრებული:

• ამოიცნობს და კომპლექსურად აფასებს რთულ სამართლებრივ პრობლემებს, შეიმუშავებს პრობლემის გადაწყვეტის ორიგინალურ გზებს;
• მოიძიებს სამართლებრივ ნორმებს, იყენებს ნორმის განმარტების სხვადასხვა მეთოდებს  და დასაბუთებულად შეაფარდებს მათ, შიდასახელმწიფოებრივი და საერთაშორისო სამართლის ნორმების ურთიერთკავშირის გათვალისწინებით;
• აანალიზებს სასამართლო პრაქტიკას, საკანონმდებლო სფეროს და შესაბამის სიახლეებს და გამოიტანს შესაბამის დასკვნებს;
• კონკრეტულ შემთხვევასთან მიმართებით აანალიზებს და განაზოგადებს სასამართლო პრაქტიკას, გამოკვეთს სამართლებრივად მნიშვნელოვან საკითხებს და ავითარებს საკუთარი პოზიციის შესაბამის არგუმენტაციას;
• შეაჯერებს საკანონმდებლო  ხარვეზებს, არაერთგვაროვან სასამართლო პრაქტიკას  და სამეცნიერო კვლევების არასრულ ან ურთიერთგამომრიცხავ მონაცემების და ჩამოყალიბებს მათი სრულყოფისათვის არგუმენტირებულ დასკვნებს; შეაფასებს საკუთარი გადაწყვეტილებების დადებით და უარყოფით შედეგებს   და გამოიტანს შესაბამისი დასკვნებს;
• დამოუკიდებლად განახორციელებს კვლევას, რაც მოიცავს აქტუალურ სამართლებრივი პრობლემის ამოცნობას, სამეცნიერო-კვლევითი პროცესის დაგეგმვას, კვლევის  მეთოდების გამოყენებით სხვადასხვა წყაროებიდან მიღებული რთული ან არასრული ინფორმაციის სისტემატიზაციას, მეცნიერული მიდგომების განხილვა-ანალიზს, პოზიციათა  შეფასებას, დასაბუთებული დასკვნის გამოტანას, აკადემიური ეთიკის სტანდარტების დაცვით  სამეცნიერო კვლევითი პროექტის/ნაშრომის შემუშავებას.
• დამოუკიდებლად შეადგენს იურიდიულ დოკუმენტებს;
• ქართულ და ინგლისურ ენაზე ავტონომიურად მოიძიებს ინფორმაციას (სასამართლო პრაქტიკას, საკანონმდებლო ცვლილებებს, მეცნიერული შეხედულებებს);
• პროფესიულ და აკადემიურ საზოგადოებას ისევე, როგორც არაიურისტებს, იურიდიული ტერმინოლოგიის გამოყენებით წარუდგენს საკუთარ სამართლებრივად არგუმენტირებულ შეხედულებებს და აკეთებს მოხსენებებს;
• უახლესი ელექტრონული რესურსების გამოყენებითა და აკადემიური წერის პატიოსნების სტანდარტების დაცვით ზეპირად და წერილობით წარუდგენს საკუთარი კვლევის შედეგებს პროფესიულ და აკადემიურ საზოგადოებას ისევე, როგორც არაიურისტებს.

პროგრამის კურსდამთავრებული:

• მიღებული თეორიული და პრაქტიკული ცოდნის სინთეზით, პირველადი წყაროების, სამეცნიერო სტატიებისა და სასამართლო გადაწყვეტილებების ანალიზის მეშვეობით გაიფართოვებს ცოდნას და დამოუკიდებლად წარმართავს სწავლას სამართლის სფეროში;
• აფასებს უმაღლესი განათლების შემდეგ საფეხურზე სწავლის გაგრძელების საჭიროებას/უნარს და განავითარებს საფუძვლიან ბაზის სადოქტორო კვლევის წარმართვისათვის;
• იღებს მითითებებს კომპლექსური, არაპროგნოზირებადი ან მულტიდისციპლინური მასალისა თუ გარემოს სამართავად, რაც მოიცავს სამუშაო დროის დაგეგმვასა და მართვას, კვლევასთან მიმართებით, ნაშრომის მოსამზადებლად სტრატეგიული მიდგომების შემუშავებას;
• თავისი საქმიანობით მონაწილეობს პროფესიული ცოდნისა და სამართლებრივი პრაქტიკის განვითარებაში, იყენებს სტრატეგიულ მიდგომებს და/ან პრობლემის გადაჭრის ინოვაციურ გზებს, ეხმარება კოლეგებს და უზიარებს მათ საკუთარ გამოცდილებას;
• იღებს პასუხისმგებლობას საკუთარი, სხვების საქმიანობასა და პროფესიულ განვითარებაზე, ქმნის პირობებს საერთო გუნდური გადაწყვეტილების მისაღწევად;
• აანალიზებს სამართლებრივ ღირებულებებს და, საჭიროების შემთხვევაში, შეაქვს წვლილი ახალი ღირებულებების ფორმირებაში;
• აღიარებს და პატივს სცემს აკადემიური პატიოსნების წესებს, სამეცნიერო კვლევის ეთიკურ შედეგებს;
• პატივს სცემს სამოსამართლო ეთიკის სტანდარტებს, მოსამართლის ღირებულებებით ასპექტებს (მიუკერძოებლობა, შეუვალობა, თანასწორობა, კომპეტენცია და გულისხმიერება), რაც საშუალებას მისცემს საჭიროების შემთხვევაში მონაწილეობა მიიღოს აღნიშნული ღირებულებების განვითარებაში, მხარეთა ინტერესების სამართლიანად დაბალანსების უზრუნველსაყოფად.